Menyang kontèn

Musiyum 10 Novèmber Surabaya

Saka Wikipédia Jawa, bauwarna mardika basa Jawa
Musiyum 10 November
ꦲꦼꦩ꧀ꦧꦸꦁꦥꦠꦫꦤ
Peta
Jinismusiyum
PapanSurabaya
Kang ngrumatPemerintah Kota Surabaya
StatusDipun bikak wekdal 08.00 - 16.00
Sarana
  • toilet
  • ruang pepanggihan
  • parkir
  • audio

Musiyum 10 Nopèmber Surabaya yaiku salah siji musiyum kang dumunung ing Kutha Surabaya. Musiyum 10 Nopèmber Surabaya ingkang nggadhahi wiyar saageng 1366 m2, lebet 7 meter wonten ing andhaping permukaan siti lan dipunbangun wonten ing areal kompleks Tugu Pahlawan, Jl. Pahlawan-Surabaya wonten ing tanggal 10 Nopèmber 1991. Pembangunan musiyum gadhah tujuwan kangge nyengkuyung kawontenan Tugu Pahlawan saha njangkepi fasilitas sejarahipun. Musiyum puniki dipunresmiaken wonten ing tanggal 19 Februari 2000 dening Presidhen kaping sekawan Republik Indonesia, inggih punika K.H. Abdurrahman Wachid (Gusdur). [1] [2] Musiyum iki dibangun kanthi ancas kanggo nyinaoni lan njlentrehake prastawa Perang Sepuluh Nopember 1945. [2] [3] [4][5] [6]

Kahanan

[besut | besut sumber]

Bentuk musiyum puniki rupinipun limas utawi piramida ingkang sekilas memper kaliyan Musiyum Louvre ingkang wonten ing Perancis. Keunikan musiyum puniki inggih punika perangan bangunan ingkang ketingal kados kependem ing lebeting siti, lan namung ketingal perangan atapipun mawon ingkang muncul ing permukaan siti dipunamargikaken ing lebet 7 meter ing andhaping permukaan. [2] [3] [7]

Koleksi

[besut | besut sumber]

Musiyum 10 Nopèmber madeg saking kalih jogan ingkang lebetipun nyimpen benda-benda ingkang duweni sejarah kekait kaliyan peristiwa pertempuran Surabaya wonten ing tanggal 10 Nopèmber 1945. [2] [3] Wonten ing lante setunggal, dipunsajikaken pinten-pinten diorama lan patung ingkang nggambaraken perjuangan rakyat Surabaya kala nglawan tentara inggris ing wekdal Pertempuran Surabaya. Salah setunggal diorama nedahi peristiwa ikonik ing pundi Bung Tomo tengah wonten ing caket setunggaling radio jadul gadhahipun piyambakipun ingkang njlentrehaken asal suwanten rekaman pidato ingkang kasil nggerakaken sengkuyung para pejuang Surabaya kangge nglawan sekutu. Dene wonten ing lante kalih, dipunsajikaken pinten-pinten tilaran dedamel ingkang kala puniku dipunangge kangge perang, wiwit saking dedamel laras panjang, pistul, dumugi dhuwung lan lading.

Koleksi utami Musiyum 10 Nopèmber inggih punika suwanten pidato Bung Tomo (sosiodrama), radio tilaran Bung Tomo, senjata-senjata otomatis tilaran masa peperangan, saha mobil Bung Tomo. Lebet musiyum puniki ugi ke dekek benda-benda tilaran H.R. Muhammad Mangundiprojo, perwira militer Indonesia ingkang tumut saha lebeting Pertempuran Surabaya. Kejawi puniku, Musiyum 10 Nopèmber ugi sampun ngangge teknologi hologram ingkang saged nampilaken visualisasi tigang dimensi kangge njlentrehaken dokumenter sejarah.[2]

Rujukan

[besut | besut sumber]
  1. ↑ "Ecobis". bappedalitbang.surabaya.go.id. Diarsip saka sing asli ing 2023-09-26. Dibukak ing 2023-09-26.
  2. ↑ a b c d e Media, Kompas Cyber (2022-11-08). "Museum Sepuluh Nopember: Sejarah, Koleksi, Harga Tiket, dan Jam Buka Halaman all". KOMPAS.com (ing basa Indonesia). Dibukak ing 2023-09-26.
  3. ↑ a b c "Museum 10 Nopember - Sistem Registrasi Nasional Museum". Sistem Registrasi Nasional Museum Kemdikbud (ing basa Inggris). Dibukak ing 2023-09-26.[pranala mati permanèn]
  4. ↑ Afrillia, Dian. "Berwisata ke Tugu Pahlawan dan Museum Sepuluh November di Surabaya". www.goodnewsfromindonesia.id (ing basa Indonesia). Dibukak ing 2023-09-26.
  5. ↑ Nisa, F. "Tugu Pahlawan dan Museum Sepuluh November Surabaya". www.goodnewsfromindonesia.id (ing basa Indonesia). Dibukak ing 2023-09-26.
  6. ↑ tim. "Mengenang Nuansa Pertempuran Hari Pahlawan di Museum Sepuluh Nopember". gaya hidup (ing basa Indonesia). Dibukak ing 2023-09-26.
  7. ↑ Ihsan Asy'Ari, Ardha (2023-08-06). "Menjajaki Museum 10 Nopember Surabaya, Museum di Kedalaman 7 Meter Bawah Tanah". Jawa Pos. Dibukak ing 2023-09-26.
Dijupuk saka "https://jv.wikipedia.org/w/index.php?title=Musiyum_10_Novèmber_Surabaya&oldid=1696801"