Pistul

Saka Wikipédia Jawa, bauwarna mardika basa Jawa
Pistul

Pistul ya iku gaman geni kang bisa ditembakaké nganggo tangan siji.[1] Tembung pistul kanggo nggambaraké sanjata geni kang digegem nalika abad kaping 18.[1] Ing abad 15 pistul tegesé péso cilik kang bisa didelikaké ing sandhangan.[1] Pistul dipérang dadi rong jinis ya iku révolver kang lumrahé nggunakaké kamar peluru kang muter.[1] Saliyané iki diarani pistul biyasa ya iku pistul kang kamar pluruné dadi siji karo laras.[1] Pistul nggunakaké kalibèr pluru kang nduwéni variasi wiwit.22 nganti.50 cal.[1]

Pistul semi otomatis[besut | besut sumber]

Pistul semi-otomatis modhèren nggunakaké magazen kanggo nyimpen pelurune.[1] Pistul iki wis nggantékaké pistul revolver kang dianggo ing militèr lan kapulisèn modhèren.[1] Pistul semi-otomatis duwé kapasitas ruwang pluru kang gedhé. Kapasitas iki nganti 20 pluru kanthi jinis tinamtu.[1] Pistul iki kanthi otomatis bakal ngetokaké pluru saka kamar peluru, banjur njupuk peluru anyar saka magazen.[1] Iki dilakokaké kanthi nggunakaké ènergi kang diasilaké saka mbledhosé peluru utawa rekoil.[1] Peluru kang mbledhos bakal ngobahaké sistem gas kanggo nyurung hammer, lan pérangan ndhuwur pistul.[1] Pérangan iki bakal kasurung memburi.[1] Nalika pérangan iki obah memburi, pluru bakal maju ing kamar pluru lan peluru anyar bakal lumebu lan ngisi kamar pluru saka magasèn.[1]

Pistul otomatis[besut | besut sumber]

Pistul otomatis utawa diarani Pistull mesin (machine pistol), ya iku pistul kang bisa némbak kanthi otomatis.[2] Pistul iki kalebu pistul kang arang dianggo karo ékan kapulisèn.[2] Pulisi lumrahé nganggo submachine gun (pistul mitraliur), awit pistul mesin angèl dikontrol lan kurang pas sasaran.[2] Akèh-akèhé pistul mesin duwé aksésori tambahan kanggo ngundhakaké kerjané kaya ta peredham swara (sound suppressor), perpanjangan magasèn, cekelan ngarep, lan popor bahu.[2] Pistul otomatis contoné ya iku seri MAC-10 lan MAC-11 kang digawé Amérika lan seri Uzi gawéan Israèl.[2]

Cathetan suku[besut | besut sumber]

  1. a b c d e f g h i j k l m n Pistol di situs Modern Firearms world.guns.ru(dipunundhuh tanggal 29 Juni 2011)
  2. a b c d e Ilustrasi interaktif pistol genitron.com(dipunundhuh tanggal 29 Juni 2011)