Menyang kontèn

Selasar Kartini

Saka Wikipédia Jawa, bauwarna mardika basa Jawa
Selasar Kartini
ꦱꦼꦭꦱꦂꦏꦂꦠꦶꦤꦶ
JinisRuang terbuka hijau (RTH) utawa papan tinarbuka ijo
PapanDalan Kartini, Kalurahan Salatiga, Kacamatan Sidareja, Kutha Salatiga, Propinsi Jawa Tengah
Dibuka2016
Kang ngrumatPapréntahan Kutha Salatiga
StatusDibukak (saben dina)

Selasar Kartini (Carakan: ꦱꦼꦭꦱꦂꦏꦂꦠꦶꦤꦶ; basa Indhonésia: Selasar Kartini) ya iku taman kutha kang mapan ana ing Dalan Kartini, Kalurahan Salatiga, Kacamatan Sidareja, Kutha Salatiga, Propinsi Jawa Tengah utawa ing ngarep SMA Negeri 3 Salatiga. Taman iki diyasa taun 2012 kanthi ancas nyukupi ruang terbuka hijau (RTH) utawa papan tinarbuka ijo ing Kutha Salatiga. Rèng-rèngan taman iki dicepakaké kanggo wong kang padha mlaku lan tatanan rerungkudan.

Kahanan

[besut | besut sumber]

Saliyané Taman Tingkir Salatiga lan Taman Kutha Salatiga, taman iki dadi salah siji papan ramé lan taman kutha kang diyasa kanggo nyukupi RTH ing Kutha Salatiga.[1] Taman kasebut jaraké + 450 mèter sisih lor Alun-Alun Pancasila Salatiga lan + 500 mèter saka Tugu Jam Tamansari,[2] prenahé ing sadawané Dalan Kartini – dhisik nalika jaman papréntahan gemeente (kuthapraja) diarani Normaalschoolweg.[3] Wewengkon ing sakiwa-tengené Dalan Kartini dadi laladan pawiyatan, wondéné Dalan Dipanegara (dhisik diarani Toentangscheweg) dadi laladan papréntahan lan militèr.[4]

Taman iki diyasa taun 2012 kanthi anggaran kurang luwih 10 milyar lan dikepyakaké déning Yuliyanto (Walikutha Salatiga) taun 2016. Pangepyakané dilakoni kanthi langsung lan ditekani sawenèh Satuan Kerja Perangkat Daerah (SKPD) lan paguyuban bebrayan kang nganggo fasilitas umum ing sakiwa-tengené. Taman kasebut wis kaping telu didandani nganti taun 2020, ya iku taun 2014, 2015, lan 2016.[5]

Taman iku nganggo jeneng "Kartini" amarga mapan ing laladan Dalan Kartini Salatiga. Kawasan ijo iki dadi papan rujukan masarakat Salatiga kanggo sarèh lan lèrèn,[6] malah kadhang dianggo kagiyatan pawiyatan lan dolanan skateboard.[7][8] Pandegané diyasa kanggo wong kang padha mlaku lan tatanan rungkudan.[5] Papan iki uga dijangkepi limang blok lan kios. Wondéné panganggoné dibagèkaké marang sawenèh SKPD kanggo papan panyebar pawarta marang bebrayan kanthi tupoksi, uga dianggo pegiat usaha mikro kecil menengah (UMKM) kanggo dodolan.[5][9][10][11] Sarana liyané ing taman kasebut ya iku kakus, listrik, lan banyu saka Perusahaan Daerah Air Minum (PDAM) Kutha Salatiga.[12]

Uga delengen

[besut | besut sumber]

Rujukan

[besut | besut sumber]
  1. ↑ Humas Sekretariat DPRD Kota Salatiga (2016). "Taman Tingkir: Magnet Wisata Baru Warga Salatiga" (PDF). Majalah Jiwa Raga (édhisi ka-2): 16. ISSN 2502-4817. Diarsip saka sing asli (PDF) ing 2022-01-03. Dibukak ing 2023-09-15.{{cite journal}}: CS1 maint: ref duplicates default (link)
  2. ↑ Hernawan, Fajar Dwi; Awaluddin, Moehammad (2015). "Pembuatan Aplikasi Peta Wisata di Salatiga Berbasis Mobilegis Memanfaatkan Smartphoneandroid". Jurnal Geodesi Universitas Diponegoro. 4 (3): 62. ISSN 2337-845X.
  3. ↑ Supangkat, Eddy (2012). Salatiga: Sketsa Kota Lama. Salatiga: Griya Media. kc. 22. ISBN 978-979-7290-68-9.{{cite book}}: CS1 maint: ref duplicates default (link) CS1 maint: url-status (link)
  4. ↑ Setyoaji, Sigit Ashar; Rukayah, Siti; Bambang, Supriadi (2015). "Tipologi dan Konsep Integrasi Lingkungan Bangunan Pendidikan dengan Karakter Arsitektur Kolonial di Jalan Kartini Kota Salatiga". Teknik (Jurnal Ilmiah Bidang Ilmu Kerekayasaan). 36 (2): 113. ISSN 2460-9919.
  5. ↑ a b c "Launching Selasar Kartini". Pemerintah Kota Salatiga. Diarsip saka sing asli ing 1 July 2020. Dibukak ing 20 April 2020.
  6. ↑ "Enam Tempat Wisata Paling Oke untuk Menikmati Suasana Malam di Salatiga". Jejak Piknik. Diarsip saka sing asli ing 4 October 2023. Dibukak ing 19 April 2020.
  7. ↑ "Foto Pendidikan Salatiga: Selasar Kartini untuk Belajar". Solopos. Dibukak ing 19 April 2020.
  8. ↑ "Skateboard-an di Selasar Kartini". LPM Dinamika. Dibukak ing 20 April 2020.
  9. ↑ Humas Sekretariat DPRD Kota Salatiga (2015). "Optimalisasi Ruko di Jalan Kartini" (PDF). Majalah Jiwa Raga (édhisi ka-2): 5. ISSN 2502-4817. Diarsip saka sing asli (PDF) ing 2022-01-03. Dibukak ing 2023-09-15.{{cite journal}}: CS1 maint: ref duplicates default (link)
  10. ↑ "Kios di Kompleks Selasar Kartini Dibiarkan Mangkrak". Harian 7. Dibukak ing 21 Januari 2022.
  11. ↑ "Sambut Bulan Suci Ramadan, PJ Wali Kota Salatiga Buka Kegiatan Gebyar Ramadan Selasar Kartini". Akurat Biro Jawa Tengah. Dibukak ing 16 Sèptèmber 2023.
  12. ↑ Satriawan, Diego (2015). "Survei Minat Masyarakat terhadap Pemanfaatan Ruang Terbuka Publik Sebagai Tempat Berolahraga di Kota Salatiga Tahun 2013". Journal of Physical Education, Sport, Health, and Recreations. 4 (3): 1670. ISSN 2252-6773.

Pranala jaba

[besut | besut sumber]
Wikimedia Commons duwé médhia ngenani Selasar Kartini.
Dijupuk saka "https://jv.wikipedia.org/w/index.php?title=Selasar_Kartini&oldid=1667223"