Guwa Cermé

Guwa Cermé (ꦒꦸꦮꦕꦼꦂꦩꦺ) dumunung ing Dhusun Srunggo, Kalurahan Sélopamiara, Kapanéwon Imogiri, Kabupatèn Bantul, Daerah Istimewa Yogyakarta.  Miturut crita sing sumebar ing masarakat Guwa Cermé iku papan patilasan para Walisanga mliginé Sunan Kalijaga kanggo nyebaraké piwulang agama islam. Déné tekan saiki Guwa Cermé dadi salah sawijiné papan wisata religi ing wewengkon Bantul.

Sajeroné Guwa Cermé bisa nyawang éndahé stalagtit, stalagmite, banyu niba, uga anané kali ngisor lemah sing banyuné mili sadawané guwa. Udakara 1,5 kilometer dawané Guwa Cermé kanthi lawang mlebu guwa ing wewengkon Bantul lan lawang metu guwa mlebu ing wewengkon Gunungkidul. Uga anané sumber banyu sing asring dijupuk déning para wisatawa dipercaya nduwèni kasiyat kaya déné banyu zam-zam.

Para wisatawan nalikané mlebu ing guwa kudu lapor marang petugas sing jaga uga manut marang pemandu wisata awit dalan sajeroné guwa ana sing nyawang mula bisa gawé bingung. Saliyané iku ing sajeroné Guwa Cermé ana guwa liyané, yaiku Guwa Lèdhèk, Guwa Dhalang, Guwa Kaum, lan Guwa Badhut sing biasa digunakaké kanggo semèdi utawa tapa, mula lumrah rikala mlebu Guwa Cermé bisa ngambu anané dupa. Pryogané yèn mlancong ing Guwa Cermé ora pas usum rendheng supaya ora mbebayani tumrap keslametan.

Rega tiket mlebu Guwa Cermé

• Retribusi Rp. 2.750
• Parkir sepeda motor Rp. 3.000
• Sewa headlamp Rp. 5.000
• Biaya pemandu Rp. 50.000

Papan plesir liya ing wewengkon Bantul

1.     Guwa Selarong

2.     Padusan Parangwédang

3.     Grojogan Surupethèk

4.     Punthuk Bégo

5.     Watu Goyang

6.     Pinus Mangunan

7.     Pinus Becici

8.     Pinus Pengger

9.     Pasisir Pandhansima

10.  Pasisir Baru

Pratelan

• Gua Cerme Archived 2022-06-21 at the Wayback Machine.. Bantulpedia. Diakses pada 20 September 2023.
• Misteri Dibalik Keindahan Goa Cerme. Travel.indozone.id. Diakses pada 20 September 2023.
• Goa Cerme Jogja. Gudegnet. Diakses pada 20 September 2023.