Grojogan Pucung
Grojogan Pucung yaiku papan wisata kang awujud curug utawa banyu tiba kang ana ing Kabupatèn Bantul, prenahe ing Dhusun Kalipakèm, Kalurahan Seloharjo, Kapanèwon Pundhong, Kabupatèn Bantul. Salah sawijining papan ékowisata kang duweni banyu deres menawa mangsa rendheng, ananging rada sat menawa mangsa katiga. Sumbèring banyu ing grojogan yaiku saka nduwur, prenahe saka laladan Kabupatèn Gunungkidul. Saiki, para wisatawan bisa nggoleki grojogan iki nganggo aplikasi Google Maps kanggo mangerti dalan tékan papan wisata iki.
Dalan
[besut | besut sumber]Panggonan Grojogan Pucung gampang ditekani, ananging rada adoh saka pusat Kutha Ngayogyakarta. Butuh wektu sejam kanggo nekani papan wisata iki saka Kutha Ngayogyakarta. Ananging ruté kanggo tekan papan wisata iki gampang banget. Njenengan bisa milih jalur wétan ngliwati dalan Secadiningrat, tekan prapatan milih jalur ngidul ing dalan Brigjèn Katamsa, tekan pratelon milih jalur ngulon ing dalan Mayjèn Sutaya. Tekan pratelon njupuk jalur mangidul ing dalan Parangtritis, tekan pertelon manèh njupuk jalur ngidul ing dalan gedhé Pundhong.[1] Tekan kreteg Soka utawa dalan Krètèk-Siluk njupuk jalur ngulon, lan bisa diturut kanggo Google Maps dalan tumuju papan wisata iki. Menawa wis tekan panggonan parkir, kudu mecaki dalan munggah kang isih arupa lemah kurang luwih limang menit.
Fasilitas
[besut | besut sumber]Cacahing grojogan ing papan wisata niki mboten namung setunggal. Dhuwuripun grojogan uga bervariasi, ono sik ngasi 15 Mèter nanging ono kang kurang saka 2 Mèter. Alas ingkang taksih asri gawé pengunjung luwih betah, amargi kahanan ingkang eyup. Banyu ingkang seger bakal ngilangke sayah lan kesel kanggo nekani papan iki. Kekirangan wonten ing Grojogan Pucung yaiku, fasilitas WC sentor lan warung-warung kang mapan ing panggonan niki.[2] Ananging pengunjung bisa mampir ing griyanipun warga utawi WC ing masjid lan gawa panganan dhewe saka omah. Ing cerak grojogan sampun disediani papan utawi émbèr kanggo guwak sampah, saengga pengunjung mboten ninggalké sampah ing panggonan.
Beya
[besut | besut sumber]Grojogan Pucung dipun kemunah déning karang taruna Dhusun Kalipakèm. Satemah, beya kanggo mlebu lan parkir mboten wonten pathokanipun. Pengunjung bisa menehi arta saikhlasipun kanggo majukaké papan wisata iki.[3]
Kanggonan Liyané
[besut | besut sumber]Sakdurunge dibukak kanggo papan wisata, Grojogan Pucung digunakk'r masyarakat kanggo nyukupi kebutuhan banyu padinan. Bisa didelok saka bak tampungan lan pralon-pralon ingkang dipun-sambung médhun. Saiki banyu saka grojogan sampun mboten digunakake kanggo kebutuhan padinan, satemah pengunjung bisa adus ing kolam ana ngisoré grojogan.
Sendyanta mboten digunakaké kanggo kebutuhan padinan, banyu saka Grojogan Pucung taksih digunakake kanggé irigasi. Banyu saka grojogan ditampung ana ing wadhuk utawi bendungan lan bakal diilèkaké liwat kalèn-kalèn tekan sawah ingkang butuh banyu. Bendungan iki mènèhi mumpangat ingkang kathah kanggo para petani, utamine ing Mangsa katiga.