Gumuk Pasir Parangkusuma

gumuk pasir parangkusuma

Gumuk Pasir Parangkusuma ꧌ꦒꦸꦩꦸꦏ꧀ꦥꦱꦶꦂꦥꦫꦁꦏꦸꦱꦸꦩ꧍ salah satunggaling papan wisata ingkang dumunung wonten ing wewengkon Bantul. Prenahipun ing Dalan Pantai Parangkusuma, RT 1, Grogol 10, Pantai, Parangtritis, Krètèk, Bantul, Daerah Istimewa Yogyakarta. Gumuk Pasir Parangkusuma awujud gunung-gunungan ingkang kadadosan saking wontenipun proses geologi modern rikala jaman Gunungapi Merapi wiyaripun inggih menika  412,8 hektar.

Proses Dumadosipun Gumuk Pasir Parangkusuma

Proses-ipun Gumuk Pasir Parangkusuma wiwit mula wontenipun Redi Merapi ingkang taksih aktif ugi dados seksi wontenipun gunungapi tuwa utawi Old Andesite Formation (OAF) lan sistem hindrotermal aktif. Mula bukanipun saking wedhi Merapi ingkang kénthir nut toya Lèpèn Opak saha Lèpèn Progo dumugi ing seganten lajeng pasir menika dipunkéburaken déning angin. Wedhi ingkang kabur kanginan awit dayanipun angin menika kapétang ajeg saking siring kidul wetan lan awit wontenipun tebing damel wedhi ingkang kabekta menika numpuk mbentuk morfologi gumuk pasir ingkang mligi kados tipe Barchan. Sasanesipun, Gumuk Pasir Parangkusuma saged dados makaten menika awit pangaribawa saking manéka kawontenan toya ing lèpèn, ombak ing gisik, lan angin ndadosaken pasir gumuk ngewrat agnetit, hematit lan ilmenit; mineral berat meta stabil: piroksen lan amfibol; kuarsa, feldspar, butiran andesit lan butiran batugamping. Konsentrasi mineral-mineral kasebut damel maneka warni pasir saking cemeng ngantos cetha pethak.

Paedahipun Gumuk Pasir Parangkusuma

Gumuk Pasir Parangkusuma dados geowisata ingkang nggadhahi guna paédah ekologi inggih menika kanggé papan papan gesang saha ngrembakaning kéwan saha tanduran ingkang mligi gesang ing gumuk pasir. Sasanèsipun gumuk pasir saged nyegah abrasi pasisir, kanggé mitigasi tsunami, ugi akuifer air tawar. Wondéné, tumraping para wisatawan awit wontenipun gumuk pasir Parangkusuma saged ngraosaken pengalaman sandboarding inggih menika nylorot saking nginggil gumuk pasir kanthi migunakaken blabak kayu. Sasanèsipun, para wisatawan ugi saged mirsani sesawangan sakiwa tengenipun gumuk ingkang katon éndah rikala ngancik wanci soten. Wewengkon Gumuk Pasir Parangkusuma menika ugi katetepaken minangka kawasan geo-heritage ingkang kedah dipunlestantunaken.

Paugeran Ngestantunaken Gumuk Pasir Parangkusuma

Wujud pambudidaya ugi panjurung kanggé ngestantunaken wontenipun Gumuk Pasir Parangkusuma inggih menika.

1. Undang-Undang Nomor 27 Tahun 2007 Pasal 28 (3),
2. Peraturan Pemerintah Nomor 26 Tahun 2008 Pasal 60 (2),
3. Keputusan Kepala Badan Geologi Nomor 1157.K/40/BGL/2014,
4. Perda Provinsi DIY Nomor 2 Tahun 2010 Pasal 101 (2),
5. Pergub DIY Nomor 115 Tahun 2015 Pasal 4 (i),
6. Perda DIY Nomor 3—4 Tahun 2015,
7. Peraturan Daerah Kabupaten Bantul Nomor 4 tahun 2011.

Regi Tiket

Adhedhasar Perda No. 08 Taun 2015 lan Perbup No. 32 Taun 2018 inggih menika.

• Dinten Biasa : Tiket Rp 6750, Asuransi Rp. 250,-
• Dinten Prei: Tiket  Rp 9.750, Asuransi Rp. 250,-
• Buka saben dina jam 07.00 - 18.00 WIB

Papan Wisata Sacedhake Gumuk Pasir Parangkusuma

1.     Pasisir Parangtritis

2.     Pasisir Parangkusuma

3.     Pasisir Parangendhog

4.     Pasisir Samas

5.     Pasisir Baru

6.     Padusan Parangwédang

7.     Pasisir Kuwaru

8.     Pasisir Guwa Cemara

Pratelan

• Gumuk Pasir. Archived 2022-06-21 at the Wayback Machine. Bantulpedia. Diakses pada 20 September 2023.
• Gumuk Pasir Parangtritis. geoparkjogja.jogjaprov.go.id. Diakses pada 20 September 2023.
• Fakta Seputar Gumuk Pasir Parangtritis, Gumuk Pasir Langka yang Tak Banyak Orang Tahu.goodnewsfromindonesia.id. Diakses pada 20 September 2023.
• Gumuk Pasir Tertata, Masyarakat Sejahtera. pgsp.big.go.id/. Diakses pada 2 Oktober 2023