Grojogan Tumpak Sèwu
Grojogan Tumpak Sèwu yaiku salah sawijining papan wisata grojogan kang kuncara ing Jawa Wétan lan mapan ana ing rong kabupatèn yaiku Kabupatèn Malang lan Kabupatèn Lumajang. Grojogan iki mapan ing tlatah tapal wates Lumajang lan Malang tepaké ing Désa Sidamulya, Kacamatan Pranajiwa ing Lumajang, lan ing Dèsa Sidarengga, Kacamatan Ampèlgading ing Malang.[1][2]
Grojogan Tumpak Sèwu mapan ing pèrènging Gunung Semèru lan kayasa déning ilèning Kali Glidih kang asumber saka tuk ing Gunung Semèru langsung. Grojogan iku duwèni kadhuwuran nganti 120 mèter lan jinuluk minangka Grojogan Niagarané Jawa Wétan.[1][3][4] Saliyané iku, grojogan iki kalebu ing jinis tiered waterfall utawa grojogan kang abentuk tirai[5]
Etimologi[besut | besut sumber]
Jeneng grojogan iki kasusun kanthi rong tembung yaiku ''tumpak'' lan ''sèwu'', tegesé grojogan iku katon numpaki témbok-témbok tebing grojogan kang akèh cacahé. Utawa grojogan iku katon tumpuk-tinumpuk utawa sinusun kanthi pirang-pirang grojogan kang akèh.[6][7]
Sajarah[besut | besut sumber]
Papan wisata Grojogan Tumpak Sèwu binukak sapisanan kanggo umum ing taun 2015. Pambukaan iki kawitan kanthi rasa prihatin lan mesakaké marang para warga ing Désa Sidamulya, Pranajiwa, Lumajang kang nandhang kakurangan. Kamangka banjur ana salah siji wong kang paring asma Abdul Karim nduwèni prakarsa kanggo ndadèkaké desa iku minangka désa wisata kanthi wisata utamané yaiku Grojogan Tumpak Sèwu. Sadurungé binukak minangka papan wisata, panggon iku amung minangka papan nggolèk suket kanggo wong-wong désa. Grojogan iku binukak kanthi rasmi ing tanggal 13 Maret 2015, tanggal iku uga dadi tanggal rasminé yeyasaning Kelompok Sadar Wisata (Pokdarwis) Tumpak Sèwu kang anggotané para warga désa kono mau. Kamangka kanthi yeyasaning wisata iku bisa mundhakaké parékonomiané para warga Désa Sidamulya khususé. Awit saka binukaké papan wisata iku nyedot akèh lapangan panggawéan anyar uga saben sasiné nyedot kira-kira 2000 wisatawan lokal lan 150-200 wisatawan manca. Ing tahun 2018 Grojogan Tumpak Sèwu kapilih minangka juwara 1 ing Anugerah Wisata Jawa Timur 2018.[4]
Sesawangan ing dhuwur lan ngisor[besut | besut sumber]
Sesawangan dhuwur[besut | besut sumber]
Saka gapura mlebu Grojogan Tumpak Sèwu, wisatawan bisa munggah kira-kira ana 10 menit menyang papan ing dhuwur. Aksèsé wus kepénak jalaran wis jinangkepi kanthi tlundhakan kang aman. Manawa wus teka dhuwur, para wisatawan bisa nglamlami sesawangan kang éndah banget awit saka keteling alas, jèjèr-jinèjèring tebing jungklang kang angilèning banyu grojogan, nganti pucuking Gunung Semèru ing waliking Grojogan Tumpak Sèwu.[8]
Sesawangan ngisor[besut | besut sumber]
Sesawangan ing ngisor iki aksèsé rada angèl ora kaya sesawangan ing dhuwur, jalaran para wisatawan kudu angliwati tebing-tebing lemah kang amung diwènèhi pitulungan cekelan pring kang gampang rubuh. Satekané ing ngisor kudu angliwati Kali Glidih, banjur sawusé iku para wisatawan lagi bisa nglamlami sesawangan kanthi ilèning banyu kali lan agungé bentuk Grojogan Tumpak Sèwu saka ngisor grojogan.[8]
Bentang alam saubengé[besut | besut sumber]
Guwa Widadari[besut | besut sumber]
Guwa iki mapan kira-kira 300 mèter saka Grojogan Tumpak Sèwu, ing guwa iku mitosé pinercaya manawa ing jaman biyèn minangka papan kang dianggo kumpulé para widadari, saliyane iku, guwa iki uga papan kang dadi minangka sawijining patapan.[8][9]
Tlaga Biru[besut | besut sumber]
Tlaga iki mapan amung 50 mèter saka Guwa Widadari, nanging dalan kanggo mara ing papan iku ora bisa dikandha gampang, dalané lumayan ekstrim jalaran sampéyan kudu mlaku ing dhuwur wewaton lunyu kanthi amung pitulungan tali. Banyu kang ana ing tlaga iki kailèn saka tebing-tebing kang isih saurutan karo Guwa Widadari. Tlaga iki ora jeru-jeru nemen, bisa dikandha cèthèk kira-kira amung saweteng utawa sadhadhané wong diwasa.[10]
Guwa Tètès[besut | besut sumber]
Guwa iki mapan ing ngisoring grojogan, mula akèh banyu kang mili, mrembes, lan banjur nètès saka témbok-témboking guwa. Jalaran saka iku, guwa iki dijenengaké Guwa Tètès. Mitos kang ngrembaka ing guwa iki yaiku manawa banyu kang ana ing guwa iki bisa jalari awèt nom.[8] Guwa iki ora natè garing sanajan tiba mangsa katiga. Guwa iki kayasa kanthi prosès alami kanthi kikisan banyu lan karst atusan taun kepungkur.[11]
Rute[besut | besut sumber]
Saka Malang (kulon)[besut | besut sumber]
Saka Kutha Malang kira-kira jaraké ana 66 kilomèter utawa 2 jam lelakon, bisa njupuk rute Bululawang - Dampit - Tirtamaya - Pranajiwa. Banjur satekane ing Désa Sidamulya utawa kira-kira 100 mèter saka tapal wates Malang-Lumajang bisa nggolèki gapura mlebu papan wisata iku.[12]
Saka Lumajang (wétan)[besut | besut sumber]
Saka Kutha Lumajang langsung waé njupuk arah ngidul, mengko bakal angliwati Kacamatan Pranajiwa, saka kono langsung wae njupuk arah menyang Désa Sidamulya. Satekané ing désa iku langsung bisa nggolèki lan banjur ngetutkaké plang-plang kang tumuju ing papan wisata Grojogan Tumpak Sèwu.[13]
Wayah operasional lan karcis mlebu[besut | besut sumber]
Grojogan Tumpak Sèwu awit bukak jam 07.00 nganti jam 17.00 ing saben dinané. Khusus jam 15.00 munggah ora diwenangaké banget kanggo mudhun ing ngisor grojogan jalaran dhedasar kaamanan. Karcis mlebuné Rp.10.000 kanggo wisatawan lokal lan Rp.20.000,- kanggo wisatawan manca,-. Déné karcis parkir Rp.5000,- kanggo pit montor lan Rp. 10.000,- kanggo mobil. Ing kana uga ana pamandu wisatané, kanthi béya antara Rp.200.000,- nganti Rp.300.000,-.[14][15][16]
Sarana[besut | besut sumber]
Ana pirang-pirang sarana kang bisa dilamlami para wisatawan ing grojogan iki kayata:
- Parkir
- Kakus
- Langgar
- Papan lèrèn
- Ojèk
- Pusat blanjan
- Pusat informasi
- Paladènan kuwarasan[17]
Cathetan suku[besut | besut sumber]
- ↑ a b Selingkar, Redaksi (2023-07-31). "Berada di Lembah Curam Eksotis, Air Terjun Tumpak Sewu Lumajang Menghipnotis Setiap Wisatawan yang Singgah". Selingkar Wilis. Dibukak ing 2023-10-03.
- ↑ Cahyono, Sofyan (2018-11-9). "Malang dan Lumajang Diminta Berduet Majukan Coban Sewu". Jawa Pos. Dibukak ing 2023-10-03.
{{cite web}}: Check date values in:|date=(pitulung) - ↑ "Air Terjun Tumpak Sewu Lumajang Terbaik 1 Anugerah Wisata Jawa Timur 2018". Wisata Lumajang. 2018-10-24. Diarsip saka sing asli ing 2023-06-04. Dibukak ing 2023-10-04.
- ↑ a b Haidir, Farrisha; Rahardjo, Parino; Herlambang, Suryono (2021-10). "Studi Keberhasilan Pengelolaan Wisata Berbasis Community Based Tourism (Studi Kasus: Air Terjun Tumpak Sewu, Desa Sidomulyo, Kecamatan Pronojiwo, Kabupaten Lumajang)". Jurnal Stupa. 3: 3206.
{{cite journal}}: Check date values in:|date=(pitulung); More than one of|pages=and|page=specified (pitulung) - ↑ Chairunnisa, Ninis (2022-10-26). "Wisata ke Air Terjun Tumpak Sewu, Tak Cuma Bisa Main Air". Tempo.co. Dibukak ing 2023-10-03.
- ↑ Khoerunnisa, Syifa (2023-05-11). "Mengenal Air Terjun Tumpak Sewu: Keindahan, Harga Tiket hingga Perjalanan Menuju Lokasi". Suara.com. Dibukak ing 2023-10-04.
- ↑ "Keindahan Surga di Lereng Gunung Semeru (Obyek Wisata Alam Tumpak Sewu)". Pemerintah Kabupaten Lumajang. 2019-05-29. Dibukak ing 2023-10-03.
{{cite web}}:|first=missing|last=(pitulung) - ↑ a b c d Rahmawati, Dina (2022-10-21). "Air Terjun Tumpak Sewu Lumajang: Lokasi, Harga Tiket, dan Spot Menariknya". Detik Jatim. Dibukak ing 2023-10-03.
- ↑ "Air Terjun Tumpak Sewu Tiket dan Pesona Oktober 2023". Travels Promo. 2023-09-11. Dibukak ing 2023-10-03.
{{cite web}}:|first=missing|last=(pitulung) - ↑ "Air Terjun Tumpak Sewu Lumajang – Daya Tarik, Aktivitas, Lokasi & Harga Tiket". Pesisir. 2022-10-13. Dibukak ing 2023-10-04.
{{cite web}}:|first=missing|last=(pitulung) - ↑ Selingkar, Redaksi (2023-07-31). "Berada di Lembah Curam Eksotis, Air Terjun Tumpak Sewu Lumajang Menghipnotis Setiap Wisatawan yang Singgah". Selingkar Wilis. Dibukak ing 2023-10-03.
- ↑ Jannah, Nydia (2022-03-14). "Kenalan dengan Wisata Tumpak Sewu, Air Terjun Indah yang Dijuluki Tebing Nirwana". Orami. Dibukak ing 2023-10-04.
- ↑ "Air Terjun Tumpak Sewu: Harga Tiket Masuk, Jam Buka dan Rute Menuju Lokasi Wisata di Lumajang". Kamus Wisata. 2023-05-05. Dibukak ing 2023-10-04.
- ↑ "Info Wisata Air Terjun Tumpak Sewu Lumajang". Travel Malang ID. 2023-08-29. Dibukak ing 2023-10-03.
- ↑ Nesia, Bima (2023-09-16). "Air Terjun Tumpak Sewu, Keindahan Alam Menakjubkan di Perbatasan Malang-Lumajang". Hotelier. Dibukak ing 2023-10-03.
- ↑ Chandra, Putri (2023-06-01). "Air Terjun Tumpak Sewu: Cek Rute, Jam Buka, dan Harga Tiketnya". Akurat.co. Dibukak ing 2023-10-04.
- ↑ "Keindahan Surga di Lereng Gunung Semeru (Obyek Wisata Alam Tumpak Sewu)". Dinas Pariwisata dan Kebudayaan Kabupaten Lumajang. 2019-05-23. Dibukak ing 2023-10-04.
{{cite web}}:|first=missing|last=(pitulung)