Salat subuh

Saka Wikipédia Jawa, bauwarna bébas abasa Jawa
(Dilih saka Shalat Subuh)
Artikel iki bagéyan saka sèri
Islam
اللہ کا نام.jpg
Rukun Islam
Syahadat · Shalat · Pasa
Zakat · Kaji
Rukun Iman
Allah · Al-Qur'an · Malaikat
Nabi · Dina Akhir
Qada & Qadar
Tokoh Islam
Muhammad SAW
Nabi & Rasul · Sahabat
Ahlul Bait
Kota Suci
Mekkah ·Madinah · Yerusalem
Najaf · Karbala · Kufah
Kazimain · Mashhad ·Istanbul
Riyaya
Hijrah · Idul Fitri · Idul Adha
· Asyura · Ghadir Khum
Arsitektur
Mesjid ·Menara ·Mihrab
Ka'bah · Arsitektur Islam
Jabatan Fungsional
Khalifah ·Ulama ·
Imam·Mullah·Ayatullah · Mufti
Teks & Hukum
Al-Qur'an ·Hadist · Sunnah
Fiqih · Fatwa · Syariat
Mazhab
Sunni
Hanafi ·Hambali
Maliki ·Syafi'i
Syi'ah
Rolas Imam
Ismailiyah·Zaidiyah
Liyané
Ibadi · Khawarij
Murji'ah·Mu'taziliyah
Delengen uga
Portal Islam
Indeks perkara Islam

Salat Subuh iku salah siji saka salat fadhu sing diwajibaké marang umat Islam saben wayah ésuk, ya iku antara tekané fajar nganti mlethèking srengéngé. Gunggung rakaat sajeroning salat subuh ana rong rakaat. Tumrap madzab Syafii, nalika ngayahi salat subuh iki nganggo maca donga Qunut. Sadurungé salat subuh, disunnataké nglakoni Salat Sunnat rong rakaat ya iku salat Rawatib.

Kautaman[besut | besut sumber]

Kautaman salat fajar sacara jama’ah[1]: Sepisan: Bakal ana ing sajeroning pangreksan Allah, utawa jaminan Allah, pengawasan É lan pangreksan Allah ing donya lan akhirat. Diriwayataké déning Muslim ing sajeroning kitab shahih saka Jundub bin Abdullah yèn Muhammad ngendika, “Sok sapaa sing shalat subuh mula bakal ana ing sajeroning jaminan Allah… “

Kaloro: Ngayahi salat fajar bakal nylametaké saka api neraka. Diriwayataké déning Muslim ing kitab shahihé saka Ammarah bin Ruwaibah ngendika: Aku wis krungu Rasulullah SAW ngendika, “Ora bakal tau mlebu neraka wong sing ngayahi shalat sadurungé mlethèk srengéngé lan sadurungé angslup, ya iku salat fajar lan asar”.

Katelu: Ngayahi salat fajar minangka sebab mlebu swarga. Diriwayataké déning Al-Bukhari lan Muslim saka Abi Musa Al-Asya’ari yèn Muhammad ngendika, “Sok sapaa sing salat rong wektu sing adhem mula dhèwèké bakal mlebu swarga”.

Kapapat: Malaikat nyeksèni salat iki. Allah maringi firman: “…lan (adegaké uga shalat) subuh. Sabeneré salat subuh iku diseksi (déning malaikat)”. (QS. Al-Isro’: 78) Diriwayataké Al-Bukhari lan Muslim saka Abi Hurairah RA yèn Nabi Muhammad ngendika, “Silih rawuh nyedhaki panjenengan sami malaikat wengi lan malaikat awan, banjur malaikat-malaikat mau kumpul ing shalat fajar lan asar, banjur munggah ing wektu wengi, banjur Allah takon marang para malaikat lan Allah Maha Pirsa ngenani kahanané: Piyé panjenengan ninggal hamba-hamba -Ku?. Mula para malaikat njawab: Kita ninggal wong-wong iku sajeroning kahanan ngadegaké salat lan nekani wong-wong iku sajeroning kahanan ngadegaké shalat”.

Kalima: Wong sing ngadegaké salat fajar bakal antuk cahya sing sampurna ing dina kiamat. Diriwayataké déning Ibnu Majah ing sajeroning kitab sunahé saka Sahl bin Sa’d Al-Sa’idi yèn Muhammad ngendika, “Wènèhana kabar gembira marang wong sing mlaku sajeroning pepeteng tumuju masjid yèn wong-wong mau antuk cahya sing sampurna ing dina kiamat”.

Kaenem: Bakal ditulis minangka tangi sadawaning wengi. Diriwayataké déning Muslim saka Utsman bin Affan yèn Muhammad ngendika, “Sok sapaa sing salat isya’ sacara jama’ah mula dhèwèké kaya-kaya tangi setengah wengi lan sok sapaa sing shalat subuh sacara jama’ah mula kaya-kaya dhèwèké salat sawengi muput”.

Kapitu: Aman saka sipat kamunafikan. Diriwayataké déning Al-Bukhari lan Muslim saka Abi Hurairah RA yèn Muhammad ngendika, “Sabeneré salat sing paling abot tumrap wong-wong munafiq ya iku salat isya lan salat fajar, saupama wong-wong iku ngerti kautamaan sing ana mesthi bakal nekani kanthi cara mbrangkang, …

Kawolu: Rong rakaat sadurungé fajar luwih apik saka donya lan saisiné. Diriwayataké déning Muslim ing sajeroning kitab shahihé saka Aisyah RA yèn Muhammad ngendika, “Dua rekaat salat fajar luwih apik saka donya lan saisiné”. Yèn sunnah fajar waé luwih apik saka donya lan saisiné, arupa harta, pura, kali-kali, istri-istri lan sapanunggalané kabèh kabutuhan sing disenengi manungsa lan kalezatané, apamanèh salat fajar iku dhéwé?.

Kasanga: Ndeleng Allah, lan iki tujuan utama sing diarep-arep déning sing ngupaya kanthi temenan lan manungsa rebutan kepingin antuk kanugrahan kasebut. Diriwayataké déning Al-Bukhari lan Muslim saka Jarir Al-Bajali RA ngendika: Kita ing sisih Muhammad lan ing sawijining wengi beliau mirsani rembulan purnama banjur ngendika, “Sabeneré kowé kabèh bakal weruh Tuhanmu kaya déné kowé bisa ndeleng rembulan purnama iki, kowé ora bakal ngrasa susah ndelengé, yèn kowé bisa ora dikalahaké djroning ngayahi salat sadurungé mlethèk lan angslupé srengéngé, mula ayahi, banjur beliau maos sawiji ayat: “…lan tasbih-a sinambi muji Tuhanmu sadurungé mlethèk srengéngé lan sadurungé angslup”. (QS. Qaf: 39)

Kasepuluh: Wong sing tansah njaga salat fajar iku wong sing paling apik sajeroning uripé, wong sing paling kreatif, lan duwé ati paling lembut. Diriwayataké déning Al-Bukhari lan Muslim saka Abi Hurairah yèn Muhammad ngendika, “Setan ngiket cengel sirah salah siji ing antara kowé kabèh nalika turu kanthi telung talènan, lan mbundheli saben tali karo kandha marang awakmu wengi sing dawa mula turu-a. Banjur yèn kowé tangi lan nyebut asma Allah copot siji taliné, lan yèn kowé njupuk wudhu copot tali kapindho, lan yèn kowé ngayahi salat bakal copot tali katelu, mula kowé bakal miwiti ésuk kanthi jiwa sing kréatif lan jiwa apik, nanging yèn ora kowé bakal duwé jiwa èlèk lan kesèd”

Uga delengen[besut | besut sumber]

Rujukan[besut | besut sumber]

Pranala njaba[besut | besut sumber]