Islam

Artikel iki bagéyan saka sèri Islam Rukun Islam Sahadat · Salat · Pasa Jakat · Kaji Rukun Iman Allah · Kuran · Malaékat Nabi · Dina Akhir Qada & Qadar Tokoh Islam Mukamad Nabi & Rasul · Sakabat Ahlul Bait Kutha suci Mekkah ·Madinah · Yérusalem Najaf · Karbala · Kufah Kazimain · Mashhad ·Istanbul Riyaya Éjrah · Idul Fitri · Idul Adha · Asyura · Ghadir Khum Arsitèktur Mesjid ·Menara ·Mihrab Ka'bah · Arsitèktur Islam Jabatan Fungsional Khalifah ·Ulama · Imam·Mullah·Ayatullah · Mufti Tèks & Ukum Kuran ·Kadis · Sunah Fiqih · Fatwa · Saréngat Madahab Sunni Kanapi ·Kambali Maliki ·Sapingi Singah Rolas Imam Ismailiyah·Zaidiyah Liyané Ibadi · Khawarij Murji'ah·Mu'taziliyah Delengen uga Gapura Islam Indeks perkara Islam

Islam (Arab: الإسلام, Carakan: ꦆꦱ꧀ꦭꦩ꧀) iku agama kang paling akèh kang ngugemi ing Tanah Jawa. Olèhé Islam sumebar kondhang nalika ing mangsa Walisanga, yaiku wali agama kang cacahé sanga. Tembung "wali" tegesé 'wakil'. Ing bab iki, tegesé wakilé Allah. Undhaké Islam laras karo sudané Indhu ing Jawa. Mangkonoa, agama Indhu isih akèh kang ngugemi ing Pulo Bali.

Salah siji karaton Islam ing Tanah Jawa kang kasil ngetrapke ajaran-ajaran Islam yaiku kraton Demak Bintara.

Tembung Islam

Ing basa Arab, Islam duwé arti pasrah awak lan uga sawijining Din (agama) kang tegesé pranatan utawa sistem (QS 3:83). Yèn dirunut asal-usule, tembung iki katedhak saka tembung kang padha karo salãm kang tegesé santosa (damai) lan asring dienggo ing panyapan bebrayan.

Kapercayan

Kalimah Sahadat

Wong kang sinebut muslim (wong kang ngenut agama Islam) iku wiwitane kudu percaya marang rong prakara, yaiku: nyeksèni yèn ora ana sesembahan kang bener kajaba Allah lan percaya yèn Muhammad dadi caraka (utusan) Allah ing bumi kang pungkasan. Pranyatan iki kanthi nyebut kalimat sahadat yaiku asyhadu an laa ilaha illa-llahu wa asyhadu anna muhammada-r-rasulu-llahi (أَشْهَدُ أَنْ لاَ إِلَـهَ إِلاَّ اللهُ وَأَشْهَدُ أَنَّ مُحَمَّدًا رَسُوْلُ اللهِ) kang tegesé aku nyeksèni yèn ora ana sesembahan kang bener kajaba Allah lan Nabi Muhammmad iku utusane Allah. Kabèh wong Islam kudu mangerteni lan netepi apa kang dikandut ana ing kalimat sahadat kang wis di ucapake mau.

5 Rukun Islam

Para ulama ngukuhaké yèn saben muslim kudu ngugemi 5 azas kang sinebut rukun Islam:

1. Ngucap kalimah sahadat lan ngugemi apa kang mau ing jeroné ukara iki.
2. Nglakoni sholat limang wektu sadina sewengi.
3. Pasa ing wulan Ramelan.
4. Ngetoake jakat.
5. Lunga kaji kanggo kang mampu(Tegesé mampu ing sekabehane).

6 Rukun Iman

Muslim uga kudu percaya marang 6 prakara kang sinebut 6 Rukun Iman

1. Iman marang Allah.
2. Iman marang malaékat.
3. Iman marang kitab suci kang wis di turunake Allah marang nabine.
4. Iman marang nabi lan rasul Allah.
5. Iman marang dina pungkasan.
6. Iman marang qadha lan qadar.

Doktrin

Tauhid

Tembung tauhid iku asalé saka basa arab توحيد ateges nyawijèkaké. Ana ing bab aqidah Islam tauhid duwé teges nyawijèkaké Allah ana ing sak kabehe lelaku ngibadah. Para Ulama mbagi tauhid dadi telung warna yaiku: tauhid rububiyah, tauhid uluhiyah, lan tauhid asma wa sipat.

Kuran

Muslim kudu percaya yèn Kuran iku pucuk lan panutup wahyu Allah kanggo manungsa. Ajaran iki didunake marang Muhammad kanthi caraka Malaékat Jibril. Yèn dirunut saka ngèlmu basa, Kuran iku tegesé "wewacan" utawa "kang diwaca bola-bali." Ukara iki saka qara'a kang tegesé "maca". Penganggo ukara iki bisa disumurupi ing ayat 17 lan 18 Surat Al-Qiyaamah.

Dhémografi

Wektu iki dikira-kira ana watara 1.250 yuta nganti 1,4 milyar umat Muslim kang kasebar ing saindhenging donya. Saka gunggung iku watara 18% urip ing nagara-nagara Arab, 20% ing Afrika, 20% ing Asia Kidul-Wétan, 30% ing Asia Kidul yaiku Pakistan, India lan Bangladesh. Populasi Muslim gedhé dhéwé ing sawijing nagara antarané ing Indonésia. Populasi Muslim uga bisa tinemu kanthi gunggung kang signifikan yaiku ing Tiongkok, Amérika Sarékat, Éropa, Asia Tengah, lan Ruslan.

Tuwuhing wong Muslim diprecaya nganti 2,9% per taun, déné tuwuhing kang ndunungi donya mung ngancik 2,3%. Angka iki ndadèkaké Islam minangka agama kanthi patuwuhan panganut kang kagolong rikat ing donya.. Sawetara panemu ngubungaké tuwuhing Islam iki karo dhuwuring angka klairan ing racaké nagara Islam (enem saka sepuluh nagara ing donya kanhi angka klairan paling dhuwur ing donya yaiku nagara kanthi mayoritas kang ndunungi Muslim . Nanging durung suwé iki, sawijining studi demografi wis nyatakaké yèn angka klairan nagara Muslim mudhun nganti tingkat padha karo nagara Kulon.

Deleng uga

• Asmaaulhusna
• Malaékat

Pranala njaba

• Muslim.or.id, Panggonan kanggo sinau Al-Qur'an lan As-Sunnah
• AL-IKHWAN.NET Archived 2008-12-15 at the Wayback Machine.
• Majelis Ulama Indonesia (MUI) Archived 2008-12-02 at the Wayback Machine.
• Ikatan Cendekiawan Muslim Indonésia (ICMI) Archived 2008-12-16 at the Wayback Machine.
• Badan Amil Zakat, Infak dan Sedekah (BAZIS) DKI Jakarta Archived 2008-12-16 at the Wayback Machine.
• Portal Islam Eramuslim
• Pusat konsultasi dan informasi syariah, SyariahOnline
• AL-IKHWAN.NET, Situs kajian Islam berlandaskan Al-Qur'an dan As-Sunnah. Archived 2008-12-15 at the Wayback Machine.
• Lembaga Bina Mualaf Indonésia (Mualaf Center Online)
• Unit Kegiatan Mahasiswa Islam Hudzaifah Universitas Trisakti Archived 2008-12-16 at the Wayback Machine.
• Islam di Éropa Barat
• Islam di Asia Selatan
• Islam Blog Archived 2018-06-08 at the Wayback Machine.
• http://www.islamhouse.com