Tanah Ijo

Saka Wikipédia, bauwarna bébas basa Jawa
(Dilih saka Greenland)

Tanah Ijo (cara Tanah Ijo (resmi): Kalaallit Nunaat, cara Denmark: Grønland, cara Inggris: Greenland) iku pulo ing Samudra Atlantik bagéyan lor ing arah wétan-lor Kanada. Jembar wewengkoné 2.166.086 km² lan ya iku pulo paling gedhé ing donya. Pulo iki klebu wewengkon Krajan Denmark. Wiwit taun 1979, Tanah Ijo dadi mandhiri lan wiwit taun 1985 ora klebu Uni Éropah manèh. Nanging Ratu Denmark isih tetep minangka Kepala nagara. Kutha krajan Tanah Ijo ya iku Nuuk.

Geografi[besut | besut sumber]

Tanah Ijo sacara geografis ya iku bagéyan saka Amérika Lor. 80% saka kabèh wewengkon katutup ès kang ing sawetara panggonan kandelé nganti 3 kilometer. Mung laladan pesisir kidul lan kulon kang bisa dienggoni manungsa.

Sajarah[besut | besut sumber]

  • Abad ka-8 Masehi – Wong-wong Inuit teka ing Tanah Ijo.
  • 981 – Sang Erik Merah mendharat ing Tanah Ijo saka Islandia.
  • 987 – Para imigran Skandinavia wiwit manggon.
  • +/- 1000 – Leif Erikson nggawa agama Kristen.
  • 1261 – Tanah Ijo ing ngisor kakuasan Norwegia.
  • 1397 – Tanah Ijo dadi laladan Denmark.
  • 1500 – 1600 – Koloni Viking wiwit ilang.
  • 1721 – Kolonisasi manèh déning Denmark.
  • 1951 – Perjanjian Pertahanan bebarengan Lemah Ijo karo Denmark–Amérika Sarékat.
  • 1953 - Tanah Ijo olèh otonomi sebagéyan (terbatas) jroning Krajan Denmark.
  • 1979 - Tanah Ijo olèh otonomi penuh jroning Krajan Denmark.
  • 1982 - Tanah Ijo kanthi referendum mutusaké metu saka Uni Éropah.
  • 1985 - Tanah Ijo metu saka Uni Éropah.
  • 2002 - Parté pro-kamardhikan, Siumut, éntuk swara paling akèh jroning pemilu parlemen.
  • 2005 - Parté Inuit Brotherhood péngén nganakaké referendum kanggo nentokaké kamardikan Tanah Ijo.

Ekonomi[besut | besut sumber]

Peta Greenland

Ekonomi Tanah Ijo gumantung marang kasil segara, wedhus lan tambang. Produk sektor tambang antara liya: kriolit, kwarts, tembaga, seng lan wesi.

Demografi[besut | besut sumber]

Penduduk pribumi ya iku wong Inuit utawa Eskimo. Sawetara ana uga wong Denmark lan campuran antara wong Inuit lan Denmark kang diarani “Wong Tanah Ijo”. Ing Thule ana markas militer Amérika Sarékat. Padunung Tanah Ijo cacahé 58.000 lan dumadi saka wong Lemah Ijo 80% lan wong Denmark 14,5%. Basa Tanah Ijo klebu jinis basa Inuit. Bebarengan karo basa Denmark, basa Inuit minangka basa resmi.

Agama paling wigati ya iku Kristen Protestan Luther kayadéné ing Denmark.

Delengen uga[besut | besut sumber]

Pranala jaba[besut | besut sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "https://jv.wikipedia.org/w/index.php?title=Tanah_Ijo&oldid=1062838"