Mahoni

Saka Wikipédia, bauwarna bébas basa Jawa
Swietenia mahogani
Cultivated tree, India
Status konsèrvasi
Klasifikasi èlmiah
Krajan: Plantae
(unranked): Angiosperms
(unranked): Eudicots
(unranked): Rosids
Ordo: Sapindales
Kulawarga: Meliaceae
Marga: Swietenia
Jinis: S. mahagoni
Jeneng binomial
Swietenia mahagoni
(L.) Jacq.

Mahoni utawa Swietenia mahagoni, uga dikenal minangka West Indian Mahogany, iku spesies Swietenia, sing asalé saka Florida kidul, lan pulo-pulo ing Kuba, Jamaica, lan Hispaniola.[1]

Wit Mahoni klebu wit-witan sing ukuran sedheng lan thukul nganti 3035 m dhuwuré.[2] Godhongé rèntèngan (pinnate), dawané watara 1225 cm, papat nganti wolu godhong saben rèntèng, saben godhong dawané 5-6 cm lan ambané 2-3 cm.[2]

Deskripsi[besut | besut sumber]

Mahoni kalebu familia Meliaceae.[2] Mahoni urip liar ing alas jati lan ing panggonan-panggonan kang cérak karo pasisir.[2] Saliyané iku mahoni uga katemokaké urip ing dalan-dalan dadi paru-paru jalan.[2] Tanduran kang asalé saka Hindia Barat iki bisa thukul ing pasir payau kang cerak segara.[2] Mahoni kalebu tanduran raunan kang dhuwuré kurang luwih 5–25 m.[2]

Mahoni nduwèni oyot tunggang, lan wit kang bunder, akeh pangé lan ana pulut ing wité.[2] Godhongé kalebu godhong majemuk kang bentuké sirip genep lan bulat telur.[2] Godhong mahoni pucuké lincip, pinggiré rata lan tulang godhongé nyirip dawana 3–15 cm.[2] Godhong mahoni kang isih enom wernané abang ananging sawisé tuwa wernané ijo.[2] Kembangé kalebu kembang majemuk kang thukul saka ketiak daun.[2] Ibu tangkai kembang bentuké silindris lan wernané coklat enom.[2] Kelopak kembang bentuké kaya sendok lan wernané ijo.[2]

Mahkota kembang bentuké silindris, kanthi rua kuning rada coklat, lan nduwèni limang lekukan.[2] Wijiné pipih utawa gépeng lan wernané ireng utawa coklat.[2] Mahoni ngembang sawisé umuré ganep pitung taun.[2] Woh mahoni bentuké kotak utawa bulat telur berlekuk lima lan awerna coklat.[2] Mahoni kalebu tanduran kang dimanfaatké kayuné kena kanggo perabot, ukiran lan nggawé omah.[2] Mahoni bisa ditengkaraké saka wijiné.[2]

Dasa nama[besut | besut sumber]

Mahagoni, maoni, moni.[2]

Nandur[besut | besut sumber]

Mahoni kalebu tanduran kang kayuné atos, ing basa Indonésia diarani tanaman keras.[3] Mahoni kalebu tanaman keras kang produktif kang nduwèni poténsi lan nguntungaké. Kang dadi daya tarik kanggo mbudidayakaké mahoni ya iku regané bibit murah, yen wis ditandur ora angél anggoné ngopéni, lan sawisé thukul kayuné bisa didol kanthi rega kang larang saben kubik.[3]

Mahoni kalebu wit kang bandél tegesé ora mbutuhaké land clearing, mung ditandur banjur bisa urip lan thukul ngrembaka.[3] Mahoni gampang anggoné nandur amarga ora ana prédator kang bisa ngrusak, mahoni uga ora mbutuhaké pupuk kang akéh lan werna-werna.[3] Wit mahoni iki nduwèni sifat akomodatif karo wit liyané nganti taun kaping telu.[3] Yen umuré wis 11 taun mahoni wis bisa dipanén kanthi asil 3 méter kubik kayu saben wit.[3]

Mahoni bisa ditandur saben wong utawa kanthi kelompok ing lembaga utawa komunitas.[3]

Program Growth Recycle Effort for Environment (GREEN) tuladhane, program kang dianakaké Politéknik Negeri Jakarta (PNJ) ing Depok, Jawa Barat nandur wit mahoni kang cacahé 1000 wit.[4] Kagiyatan iki tujuwané kanggo ngajak para generasi mudha kanggo njaga lingkungan lumantar program penghijauan utawa kang biyasané diarani réboisasi.[4]

Khasiat[besut | besut sumber]

Mahoni bisa kanggo tamba penyakit darah tinggi utawa hiperténsi, ningkataké nepsu mangan, tamba demam, kencing manis utawa Diabétes méllitus, masuk angin, ekzema, rematik.[2] Mahoni uga ngandhut zat kimia kang diarani Saponin lan flavonoida.[2] Wiji mahoni uga bisa kanggo tamba gatel-gatel ing kulit.[2]

Wit mahoni dikenal kanggo bahan mebel lan furniture lan kanggo ngademaké dalan ing kota gedhé.[5] Biyasané woh mahoni dijarké tiba ing dalan-dalan.[5] Ing Malaysia, woh mahoni utawa kang diarani sky fruit bisa digawé vitamin lan obat-obatan alami.[5] Diarani sky fruit amarga wohe ngadeg madhep ing langit.[5] Kang nemokaké mahoni kanggo obat lan vitamin ya iku Dhoktor Larry Brookes, ahli bio kimia ing taun 1990-an.[5] Woh mahoni ngandhut Flavonolds lan Saponins kang bisa digawé ékstrak.[5] Flanovolds bisa nglancarak perédaran darah, ngurangi kolésterol, ngurangi lemak ing saluran darah, ngurangi rasa lara, lan aboh, uga bisa dadi antioksidan kang nyingkiraké radikal bebas.[5] Saponins bisa kanggo ncégah penyakit sampar, ngurangi lemak, ningkatake kekebalan, ncegah pembekuan darah lan nigkataké gula ing darah lan njaga kaséhatan lan nglambataké pembekuan darah.[5]

Langka[besut | besut sumber]

Wit mahoni kalebu wit taunan kang bisa thukul nganti gedhé.[6] Mahoni kalebu tanduran kang akéh manfaaté.[6] Saliyané iku tanduran iki kalebu tanduran kang langka.[6] Ana uga mahoni kang nduwèni dhiaméter nganti 2, 5 meter, kayata ing Gunung Ijen, Banyuwangi.[6] Wit mahoni kerep kena tebang liar amarga kayune kang bisa didol nganti 30 yuta saben wit.[6] Saiki akéh panalitén kanggo neliti wit mahoni, amarga wit iki sang saya langka.[6] Wit kang apik bisa digawé indukan kanggo ngasilaké bibit kang apik.[6]

Referensi[besut | besut sumber]

  1. ^ DANIDA Factsheet: Swietenia mahagoni
  2. ^ a b c d e f g h i j k l m n o p q r s t u v w x (id)http://www.iptek.net.id(dipunundhuh tanggal 10 Mei 2011)
  3. ^ a b c d e f g (id)http://www.kendalkab.go.id/(dipunundhuh tanggal 11 Mei 2011)
  4. ^ a b (id)http://berita.liputan6.com/(dipunundhuh tanggal 11 Mei 2011)
  5. ^ a b c d e f g h (id)http://www.tempointeraktif.com/(dipunudhuh tanggal 10 Mei 2011)
  6. ^ a b c d e f g (id)http://regional.kompas.com(dipunundhuh tanggal 10 Mei 2011)
Sumber artikel punika saking kaca situs web: "https://jv.wikipedia.org/w/index.php?title=Mahoni&oldid=999412"