Honshu

Saka Wikipédia Jawa, bauwarna bébas abasa Jawa

Honshū (本州) ya iku pulo gedhé dhéwé ing Jepang. Papan iki dumunung ing kidulé Hokkaido, loré Shikoku ing sebrangé Segara Dalam Negeri, lan lor wétan Kyushu ing sebrang Selat Shimonoseki. Yèn diukur karo sakubenging dunya, Honshu minangka pulo paling gédhé kaping pitu ing dunya lan pulo paling padet kapindho ing dunya sawisé Jawa.

Pulau Honshu, Jepang

Dawané Honshu udakara 1.300 km lan ambané warna-warna antarané 50 nganti 230 km. Total wewengkoné ya iku 230.500 km², sakiwa-tengené 60% total amba wewengkon Jepang. Garis pasisirné 5.450 km.

Honshu kang mawa gunung lan duwé gunung geni kerep kena lindhu (Lindhu Besar Kanto ing September 1923 kang ngrusak Tokyo); puncak paling dhuwur ana ing Gunung Fuji (3.776 m) kang mawa geni (berapi) lan isih aktif. Ana akèh kali kalebu Kali Shinano, kali paling dawa ing Jepang.

Cacahé pendhudhuk ya iku 98.352.000 (taun 1990, 89.101.702 (1975)); akèh-akèhé ana dataran cendhèk, mligi Hamparan Kanto ing ngendi 25% saka sakabèhing pendhudhuk pada manggon lan ing kiwa-tengené Tokyo lan Yokohama. Kutha liyané kalebu Kyoto, Osaka, Kobe, Hiroshima, Sendai, lan Nagoya. Pulo iki lumrahé kapèrang dadi lima laladan lan isiné 34 prefektur, kalebu Tokyo metropolitan.

Laladan-laladan mau ya iku Chubu (tengah), Chugoku (kidul), Kanto (wétan), Kinki (kidul, saduwuring Chugoku), lan Tohoku (lor).

3/4 saka kutha-kutha gedhé lan modérn Jepang, kalebu 23 dhistrik mirunggan Tokyo, Yokohama, Osaka, Nagoya, Kobe, Kyoto, Akita, Sendai, Fukushima, Niigata, lan Hiroshima. Pusat budaya uga dumunung ing Honshu, kaya ta Kyoto (kang modern ananging uga nyimpen samubarang kang asipat kabudayan), Nara, lan Kamakura.

Pulo iki uga duwé laladan pertanian kang wigati. Niigata dikenal minangka produsèn beras. Hamparan Kanto lan Nobi mroduksi beras lan janganan. Yamanashi ya iku laladan pangasil woh-wohan utama, lan Aomori misuwur lumantar apelé.

Préfèktur-préfèkturnya ya iku: