Préfèktur Kagoshima

Kagoshima Prefecture
鹿児島県
Kagoshima Prefecture; 鹿児島県
Prefecture
Trankripsi Japanese
• Japanese	鹿児島県
• Rōmaji	Kagoshima-ken
; Gendéra	; Symbol
Country	Japan
Region	Kyushu
Island	Kyushu
Capital	Kagoshima
Subdivisions	Districts: 8, Municipalities: 43
Pamaréntahan
• Governor	Kōichi Shiota [jp]
Laladan
• Gunggung	9.187,01 km2 (354,712 sq mi)
• Urut laladan	10th
Cacah warga (January 1, 2020)
• Gunggung	1.599.779
• Urut pepadhet	24th
• Pepadhet	1,7/km2 (4,5/sq mi)
Kodhe ISO 3166	JP-46
Situs wèb	www.pref.kagoshima.jp/foreign/english/index.html Cithakan:Infobox region symbols

Préfèktur Kagoshima (鹿児島県, Kagoshima-ken^?) inggih punika satunggaling prefektur Jepang ingkang mapan wonten ing Pulo Kyushu, Jepang ^[1]^[2]. Wewengkon prefektur punika madep kaliyan Laut Cina Timur ndawa saking kulon mangétan. Kutha krajanipun punika Kagoshima. Ing prefektur punika wonten Yakushima ingkang sampun dipunakoni déning Situs Warisan Donya UNESCO, Pusat Antariksa Tanegashima, lan Gunung Kirishima.

Géografi

Prefektur Kagoshima winatesan kaliyan Prefektur Kumamoto lan Prefektur Miyazaki. Prefektur Kagoshima mapan wonten ing dharatan Kyushu (laladan Satsuma lan Osumi) ugi pulo-pulo terpencil ingkang dipunwastani KapuloanSatsunan (laladan Tanegashima lan Yakushima, ugi wewengkon Amami). Ing prakiraan cuaca, Kagoshima kapérang dados kalih inggih punika: wewengkon Satsuma, Ōsumi, Tanegashima, Yakushima, sarta wewengkon Amami. Prefektur Kagoshima sugih amrih sumber daya alam (SDA). Kathahipun lemah ing dharatan Kagoshima punika asalipun saling bledhug lan wedhi vulkanik ingkang gampil nyerep toya. Prefektur punika gadhah sakedhik dhataran andhap awit saking punika kutha-kutha Prefektur Kagoshima ingkang wonten ing dharatan Kyusu dipunubengi déning gunung-gunung ingkang nyebar tebih antawisipun satunggal kaliyan sanèsipun.

Saking kidul mengalèr, wewengkon prefektur punika dawanipun 600 km, kanthi dawa garis pasisir 2.772 km. Ing prefektur punika wonten laladan mawi salju kados kutha Isa, Kagoshima, nanging Kepuloan Amami mawi iklim subtropis. Nalika mangsa adhem, wewengkon prefektur ing dharatan Kyushu mawi iklim anget. Sewalikipun ing mangsa panas, wewengkon prefektur punika pikantuk kathah cahya srengéngé lan mawi curah jawah ingkang inggil. Sanajan kawéntar minangka laladan subtropis, Ujung Satsuma adep-adepan kaliyan Laut Cina Timur. Nalika mangsa adhem, amargi arah angin muson ingkang mbeta awan salju, pusat kutha Kagoshima kadang kala mandhap salju. Tanggal 6 Januari 1986, salju ing kutha Kagoshima dumugi 23 cm kandelipun. Ing saben taun, salju ugi numpuk ing pérangan dhataran Tanegashima ugi kadang kala mandhap salju lan kalebet laladan paling kidul ing Jepang ingkang wonten salju. Ing kutha Amami ingkang mapan langkung mangidul, kacathet naté wonten salju ing tanggal 12 Fèbruari 1901. Nalika wulan Maret 2005, salju naté numpuk ing laladan pagunungan Amami Ōshima. Sanajan makaten, wontenipun salju ing Amami Ōshima boten naté dipuncathet déning Badan Meteorologi Jepang.

Kepuloan Satsunan kapérang dados 605 pulau, Kepuloan Ōsumi (kalebet Tanegashima lan Yakushima), Kepuloan Tokara, lan Kepuloan Amami. Pulo paling lor punika Pulo Shishi, pulo paling kidul punika Pulo Yoron. Déné Pulo paling ageng inggih punika Amami Ōshima, slajeng pulo paling alit ingkang dinggeni déning manungsa punika Shinjima. Prefektur Kagoshima punika prefektur kanthi cacahing onsen ingkang kathah piyambak angka kalih ing Jepang bibar Prefektur Oita. Prefektur punika gadhah gunung geni aktif kaliyan 2.730 sumber toya panas.

Ujung: Ujung Satsuma, Ujung Ōsumi
Tanjung: Tanjung Sata (Ujung Ōsumi), Nagasakibana, Tanjung Noma (Ujung Satsuma), Tanjung Kadokura (Tanegashima), Tanjung Kasari (Amami Ōshima)
Pagunungan: Pagunungan Kunimi, Pagunungan Takakuma, Pagunungan Kimotsuki, Pagunungan Izumi
Dhataran: Dataran Sendai, Dataran Kimotsuki, Dataran Izumi, Dataran Kokubu
Lembah lèpèn: Lembah Ōkuchi

Taman nasional

Taman nasional: Taman Nasional Kirishima-Yaku, Taman Nasional Unzen-Amakusa
Taman nasional ingkang dipunkelola prefektur: Taman Nasional Nichinankai-kaigan, Taman Nasional Kepuloan Amami

Sajarah

Ètimologi

Saking jaman rumiyin, Sakurajima dipunsebat ugi Kagoshima. Tembung Kagoshima dipunserat mawi aksara kanji kanggé rusa lan anak, amargi ing pulo (shima) punika kapanggih kathah anak rusa. Kajawi punika, ing Basa Jepang kagu ateges gunung geni. Sakurajima punika gunung geni, saéngga kawéntar minangka pulo gunung geni. Ing Pulo Sakurajima rumiyinipun kalebet papanipun pelaut (kako) saéngga dipunsebat pulo pelaut (kakoshima).^[3]