Yakushima

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Yakushima, salah satunggaling Situs Warisan Donya UNESCO
Disambig.svg
Yakushima*
Situs Warisan Donya UNESCO
Negara Flag of Jepang Jepang
Tipe Alam
Kriteria vii, ix
Referensi 662
Wilayah Asia-Pasifik
Sajarah prasasti
Prasasti resmi 1993  (Sèsi ke-17)
* Jeneng resmi jroning Daftar Warisan Donya.
Miturut klasifikasi resmi UNESCO.

Yakushima (屋久島?) inggih punika sawijining pulo ing sisih kidul Prefektur Kagoshima, Kyushu, Jepang. Papanipun antawis 60 km barat daya Semenanjung Ōsumi, Kyushu. Pulo punika kalebet salah satunggal saking pulo utama ing Kepulauan Ōsumi (kalih pulo utama sanésipun inggih punika Tanegashima lan Kuchinoerabujima). Selat Yakushima misahaken Yakushima lan Tanegashima.

Pulo ingkang jembaripun 504,88 km² punika cacahipun penduduk wonten antawis 15.000 tiyang. Ing Yakushima wonten alas ingkang ngrembuyung sanget. Ing pulo punika wonten wit-witan Cryptomeria (nama Jepang: sugi) ingkang umuripun sepuh sanget. Wit Cryptomeria paling ageng lan paling sepuh ing Yakushima ingkang dipunsukani nama Jōmon Sugi dipunprakirakaken gadhah umur 2.170[1] dumugi 7.200 tahun.[2][3]

Alas ing Yakushima ingkang minangka bekas "hutan hujan" iklim sedang-anget damel pulo punika dipunlebetaken UNESCO ing salebeting Situs Warisan Donya UNESCO wiwit taun 1993. Kawasan ingkang dipuntetepaken minangka Situs Warisan Donya natawis 21% saking jembaripun sedaya pulo (107,47 km²). Boten wonten setunggal wit-witan ingkang naté dipuntegor ing salebeting kawasan alas inti Yakushima ingkang jembaripun 12,19 km².[4]. Yakushima punika inggih pulo paling telas ing Jepang.[5] Kanthi curah hujan antawis 4,000 dumugi 10,000 mm., Yakushima kalebet salah satunggaling papan ing donya ingkang kagungan curah hujan paling inggil. Pulo punika dipunsebut-sebut tiyang minangka pulo ingkang dhawah jawah "35 dinten wonten ing setunggal wulan". Éwadéné mekaten, Yakushima ugi ngalami "musim ketiga" sadangunipun musim gugur lan musim dingin. Jawah ageng ingkang kadadosan sadangunipun musim semi lan musim panas asring dipundhereki déning "tanah longsor". Pegunungan ing Yakushima inggih punika minangka satunggaling papan ing wilayah paling kidul Jepang ingkang mandhap salju. Dangunipun pinten-pinten wulan, salju saged mandhap ing daerah punika, déné suhu air laut ing sakitar pulo boten naté wonten ing ngandhap 19 °C.

Alas Yakusugi ing Yakushima dipunkunjungi boten kirang déning 300.000 wisatawan saben taunipun. Alas punika konon minangka inspirasi tumrap Hayao Miyazaki sanalika damel film Princess Mononoke.[6][7] Ing salah satunggaling batang wit ing Alas Yakusugi, Mothra Leo nilar kepompong kagunganipun wonten ing film Rebirth of Mothra produksi taun 1996.

Geografi[sunting | sunting sumber]

Yakushima minangka pulo paling ageng nomer kalih ing Prefektur Kagoshima sabibaripun Amami Ōshima. Titik paling inggil ing Yakushima inggih punika Miyanoura-dake, sawijining gunung ingkang inggilipun 1.935 m.

Sedaya wilayah ing pulo Yakushima kalebet ing salebeting wilayah administrasi kutha Yakushima, Distrik Kumage, Prefektur Kagoshima. Bandar Udara Yakushima nglayani penerbangan Japan Air Commuter ingkang ngubungaken Yakushima kaliyan Bandar Udara Kagoshima lan Bandar Udara Internasional Osaka.

Fauna[sunting | sunting sumber]

Cathetan Suku[sunting | sunting sumber]

  1. ^ "Vandals damage Japan's World Heritage tree", UPI NewsTrack, 2005-05-25. diaksès tanggal 2013-01-20. Archived from the original on 2013-01-17. 
  2. ^ English, Andrew. "Hydrogen island", The Daily Telegraph, 2006-04-15. diaksès tanggal 2013-01-20. 
  3. ^ Yamaguchi, H. et al. (1995). "Water surrounding Jomon-sugi, a mysterious cedar tree growing in Yakushima Island for 7200 years". Journal of the Japan Society of Civil Engineers 80: 86–89.
  4. ^ "World Heritage Nomination - IUCN Summary". UNESCO World Heritage Committee. http://whc.unesco.org/archive/advisory_body_evaluation/662.pdf. Retrieved 2013-01-20.
  5. ^ http://www.climate-charts.com/Countries/Japan.html
  6. ^ "World Heritage - Yakushima". Japan Airlines. http://www.jal.com/world/en/guidetojapan/world_heritage/yakushima/description/. Retrieved 2013-01-20.
  7. ^ "Yakushima: Shiratani Unsuikyo". japan-guide.com. http://www.japan-guide.com/e/e4654.html. Retrieved 2013-01-20.

Pranala Njaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Yakushima&oldid=884837"