Bonang panerus

Saka Wikipédia Jawa, bauwarna mardika basa Jawa
Bonang Penerus

Bonang panerus utawa Bonang penerus yaiku perangkat Gamelan Jawa kang duwèni wujud pencu banjur diarani wujud Pencon.[1] Bonang panerus ing Gamelan Jawa duwé laras sléndro lan Pélog padha karo Bonang barung.[1] Laras sléndro wilahé ana 12 cacahé, banjur kang laras pélog wilahé ana 14 cacahé.[1] Bonang panerus uga manggon ing Rancakan saka kayu kang dhapuré kaya ambèn.[1] Kang mbédakaké antarané Bonang panerus lan Bonang barung yaiku ukuran gedhé lan ciliké pencon, yèn Bonang penerus iku penconé cilik banjur yèn barung iku luwih gedhé saka Bonang panerus.[1] Piranti kang dinggo nabuh uga padha karo Bonang barung, yaiku kayu kang cacahé loro kang pucuké diblebet ngaggo kain lan Pluntur.[1]

Cara Nabuh[besut | besut sumber]

Bonang panerus iki cara nabuhé padha karo Bonang barung, yaiku nganggo cara Mipil, Imbal, Sekaran, Klénangan, Gembyang, lan liya-liyané.[2] Bonang iki nabuhé ngetutaké Bonang barung, lan nerusaké alur Gendhing kang digawé Bonang Barung.[2] Lan uga nganggo sekaran kang témponé luwih rikat tinimbang Bonang Barung.[2] Mung bédané yaiku Bonang Penerus ora bisa kanggo mbukani gendhing.[2]

Bahan[besut | besut sumber]

Bonang iku ana sing kagawé saka wesi lan uga ana sing kagawé saka Tembaga (Perunggu).[2] Kang kagawé saka wesi iku racaké regané luwih murah tinimbang sing kagawé saka Tembaga.[2] Kuwi mau amarga yèn wesi iku ora nganggo campuran apa-apa.[2] Nanging yèn Tembaga iku nganggo campuran, campurané yaiku 7/3.[2] 7/3 iku maksuté, 7 kanggo ukuran Tembaga lan 3 kanggo ukuran wesi.[2] saliyané iku uga cara gawéné kang luwih angèl tinimbang sing saka wesi murni.[2]

Cathetan suku[besut | besut sumber]

  1. a b c d e f www.scribd.com(08 Juni 2011)
  2. a b c d e f g h i j Bonang Archived 2011-10-24 at the Wayback Machine.(10 Juni 2011)