Gambang

Saka Wikipédia Jawa, bauwarna bébas abasa Jawa
Gambang

Gambang iku salah siji prangkat gamelan Jawa, lan gamelan Bali uga ing instrumèn musik liya kaya déné kulintang, sing digawé saka wilah-wilah kayu sing lumrahé cacah 17 nganti 21 wilah. Wilah-wilah kayu kasebut ditumpangaké ing sadhuwuring kothak pasagi dawa sing gunané kanggo résonansi (nggedhèkaké swara). Kanggo njaga supaya wilah-wilah mau ora nèmpèl siji lan sijiné, wilah-wilah dipasang ing sadhuwuring kothak nganggo paku sing dilebokaké ing bolongan sing cacahé loro saben wilah.

Wujud[besut | besut sumber]

Wujud gambang iki amèh padha saron ning luwih gede lan wilahe digawé saka kayu sing atos banget. jaman mbiyèn ana gambang gangsa, sing wilahe digawé saka tosan utawa logam ning saiki wis ora ana manèh. Ukuran wilah gambang antara 29 Cm nganti 58 Cm, sing ukurane luwih gede iku nduwé nada swara luwih rendah, kabèh cacahé ana 19 utawa 20 wilah.

Tabuh gambang luwih dawa tinimbang piranti tabuh gamelan liyané ya iku kira-kira 35 Cm.

Gambang swarane tekan 2 oktaf. Nabuhe cara gembyangan (tabuh kiro tiba thuthukan bareng) tugase kanggo rerenggan iringan lagu lan ritme. Ora saben gendhing utawa lagu bisa digambangi

Pranala njaba[besut | besut sumber]