Kutha Magelang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kutha Magelang
Lambang Kutha Magelang
Lambang Kutha Magelang
Motto: "---" (---)
Locator kota magelang.gif
Dina Dadi: 11 April 907 Masehi
Walikutha: H. Fahriyanto
Wakil Walikutha: Noor Muhammad
Jembar
 - Total:

18,12 km²
Kecamatan
 - Cacahe:

2 Kecamatan
Pedunung
 - Total:
 - Kapadhetan:

+/- 150.000 jiwa
+/- 6.623 jiwa / km²
Suku Bangsa: wong Jawa
Agama: Kejawen, Islam, Protestan, Katulik, Hindu lan Buddha
Basa: Basa Jawa lan Basa Indonésia

Kutha Magelang iku salah siji kutha ing Jawa Tengah Indonesia, lokasiné ing tengah-tengah provinsi Jawa Tengah Indonesia. Leté saka kutha Semarang 76 km lan saka kutha Yogyakarta 42 km. Jembar wilayah kutha iki ± 18,12 km² utawa --- hèktar.

Sajarah[sunting | sunting sumber]

Dina dadi Kutha Magelang ditetepaké miturut Peraturan Dhaérah Kutha Magelang Nomer 6 Taun 1989, sing wosé tanggal 11 April 907 Masehi minangka dina daadi. Panetepan iki minangka tindak lanjut saka seminar lan dhiskusi sing diayahi déning Panitia Dina Dadi Kutha Magelang bebarengan karo Universitas Tidar Magelang, dibantu pakar sajarah lan arkéologi Universitas Gadjah Mada, Drs.MM. Soekarto Kartoatmodjo, dilengkapi manéka panelitèn ing Museum Nasional lan Museum Radya Pustaka-Surakarta. Kutha Magelang miwiti sejarahé minangka désa perdikan Mantyasih, sing wektu iki dikenal minangka Kampung Meteseh ing Kelurahan Magelang. Mantyasih dhéwé nduwèni makna nduwèni iman jroning Cinta Kasih. Ing kampung Meteseh wektu iki ana sawijining lumpang watu sing diyakini minangka papan upacara panetepan Sima utawa Perdikan. Kanggo nelusuri sajarah Kutha Magelang, sumber prasasti sing dipigunakaké yaiku Prasasti Poh, Prasasti Gilikan lan Prasasti Matyasih. Kateluné arupa parsasti sing ditulis ing lempengan tembaga. Parsasti POH lan Mantyasih ditulis zaman Mataram Hindhu wektu pamaréntahan Raja Rake Watukura Dyah Balitung (898-910 M), jroning prasasti iki disebut-sebut anané Désa Mantyasih lan jeneng Désa Glangglang. Mantyasih iki sing sabanuré owah dadi Meteseh, déné Glangglang owah dadi Magelang. Prasasti Mantyasih isi antara liya, panyebutan jeneng Raja Rake Watukura Dyah Balitung, sarta panyebutan angka 829 Çaka wulan Çaitra tanggal 11 Paro-Gelap Paringkelan Tungle, Pasaran Umanis dina Senais Sçara utawa Sabtu, utawa dina Setu Legi tanggal 11 April 907. Jroning Prasasti iki disebut uga Désa Mantyasih sing ditetepaké déning Sri Maharaja Rake Watukura Dyah Balitung minangka Désa Perdikan utawa daerah bebas pajak sing dipimpin déning pejabat patih. Uga disebut-sebut Gunung SUSUNDARA lan WUKIR SUMBING sing saiki dikenal minangka Gunung Sindoro lan Gunung Sumbing. Sabanjuré Magelang tuwuh dadi kutha lan dadi Ibukutha Karesidhènan Kedhu lan uga naté dadi Ibukutha Kabupatèn Magelang. Sawisé mangsa kamardikan kutha iki dadi kuthapraja lan sabanjuré dadi kuthamadya lan ing era reformasi, sairing karo anané otonomi marang dhaérah, sebutan kuthamadya diganti dadi kutha. Nalika Inggris nguasani Magelang ing abad ka 18, kutha iki didadèkaké pusat pamaréntahan setingkat Kabupatèn lan diangkat Mas Ngabehi Danukromo minangka Bupati pisanan. Bupati iki sing sabanjuré ngrintis madegé Kutha Magelang kantho mbangun Alun - alun, bangunan papan panggonan Bupati sarta sawijining masjid. Jroning perkembangan sabanjuré dipilih Magelang minangka Ibukutha Karesidhènan Kedhu ing taun 1818. Sawisé pamaréntah Inggris ditaklukaké déning Walanda, kalungguhan Magelang tansaya kuwat. Déning pamaréntah Walanda, kutha iki didadèkaké pusat lalu lintas perekonomian. Saliyané kuwi amarga dunungé sing strategis, hawané sing seger sarta pemandangané sing éndah Magelang banjur didadèkaké Kutha Militer: Pamaréntah Walanda terus njangkepi sarana lan prasarana kutha. Menara air ombèn dibangun ing tengah-tengah kutha taun 1918, perusahaan listrik wiwit operasi taun 1927, lan dalan -djalan arteri banjur diaspal[1].

Bali Kutha Magelang ing taun 1925-1936

Geografi[sunting | sunting sumber]

Kutha Magelang anané ing: 70° lintang kidul lan 110° bujur wétan. Kutha iki diubengi dening gunung-gunung lan bukit yaiku: gunung Sindara, gunung Sumbing, gunung Perahu, gunung Telamaya, gunung Merbabu, gunung Merapi, gunung Andhong lan pagunungan Menorèh. Ing kutha Magelang uga ana bukit yaiku: bukit Tidar.

Pamaréntahan[sunting | sunting sumber]

Kutha Magelang katata jroning 3 kecamatan lan --- kelurahan. Kecamatan-Kecamatan ing Kutha Magelang yaiku:

Panganan lan Plesiran[sunting | sunting sumber]

Panganan khas[sunting | sunting sumber]

Plesiran[sunting | sunting sumber]

  • Taman Kyai Langgeng. Taman Kyai Langgeng dumunung ing Kutha Magelang, persisé ing Dalan Cempaka. Minangka siji-sijiné taman ing Kutha Magelang sing jembaré 28 hektar. Dunungé watara 1 kilometer saka pusat kutha arah mangidul. Taman wisata iki nduwèni atusan kolèksi tanduran langka sing bisa dimanfaataké minangka objèk panelitèn, reca-reca Dinosaurus ing ukuran asli, manéka fasilitas dolanan, sarta prototipe montor mabur. Objèk wisata iki dumunung watara 19 Kilomèter saka Candhi Barabudhur, 35 kilomèter saka Kopèng utawa 50 Kilometer saka Candhi Prambanan lan 42 kilomèter saka Monumèn Jogja Kembali.
  • Museum

Rujukan[sunting | sunting sumber]

Mangga Kapurih Ugi Mriksani[sunting | sunting sumber]

Pranala Jaba[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=Kutha_Magelang&oldid=816877"