Zaid bin Haritsah

Saka Wikipédia Jawa, bauwarna bébas abasa Jawa
Artikel iki bagéyan saka sèri
Islam
اللہ کا نام.jpg
Rukun Islam
Syahadat · Shalat · Pasa
Zakat · Kaji
Rukun Iman
Allah · Al-Qur'an · Malaikat
Nabi · Dina Akhir
Qada & Qadar
Tokoh Islam
Muhammad SAW
Nabi & Rasul · Sahabat
Ahlul Bait
Kota Suci
Mekkah ·Madinah · Yerusalem
Najaf · Karbala · Kufah
Kazimain · Mashhad ·Istanbul
Riyaya
Hijrah · Idul Fitri · Idul Adha
· Asyura · Ghadir Khum
Arsitektur
Mesjid ·Menara ·Mihrab
Ka'bah · Arsitektur Islam
Jabatan Fungsional
Khalifah ·Ulama ·
Imam·Mullah·Ayatullah · Mufti
Teks & Hukum
Al-Qur'an ·Hadist · Sunnah
Fiqih · Fatwa · Syariat
Mazhab
Sunni
Hanafi ·Hambali
Maliki ·Syafi'i
Syi'ah
Rolas Imam
Ismailiyah·Zaidiyah
Liyané
Ibadi · Khawarij
Murji'ah·Mu'taziliyah
Delengen uga
Portal Islam
Indeks perkara Islam
تخطيط اسم زيد بن حارثة.png

Zaid bin Haritsah (578-629) (Arab:زيد بن حارثة) inggih punika sahabat Nabi ingkang dados panglima Perang Mut'ah.[1]

Biografi[besut | besut sumber]

Zaid bin Haritsah putra saking Abdul Uzza bin Imri' Al-Qais saha ibu Sa'di binti Tsa'laba.[2] Zaid bin Haritsah asalipun saking kabilah Kalb ingkang mapan ing pérangan lor jazirah Arab. Rikala taksih alit, piyambakipun dipuntangkep déning penjahat kang salajengipun dipunsadé minangka budak, Zaid bin Haritsah dipuntumbas déning Hukaim bin Hisyam keponakan saking Khadijah. Déning Khadijah, Zaid bin Haritsah dipunparingi dhateng Muhammad lajeng dipunmardikakaken, piyambakipun minangka tiyang ingkang sepindha mlebet Islam. Haritsah, ramanipun Zaid gela amargi kaicalan putranipun. Rikala wonten tiyang Ka'ab nglaksanakaken haji, wonten ingkang nepangi Zaik kados déné Zaid. Sasampunipun Haritsah mangertosi warta punika, Haritsah bidhal dhateng Mekkah sesarengan Ka'ab bin Syarahil minangka jaminanipun.[2] Wonten ing ngajengipun Rasulullah, Haritsah nyuwun supados putranipun dipunparingi dhateng piyambakipun saha Ka'ab bin Syarahil minangka jaminanipun, ananging Rasulullah ngendika manawi Zaid langkung milih ndhérèk ramanipun, boten prelu maringi jaminan, manawi Zaid milih ndhérèk Rasulullah, sumangga supados Zaid ingkang nemtokaken kados pundi saénipun, ananging Zaid langkung milih ndhérèk Rasulullah.[2] Sapunika, Rasul wewarakaken manawi Zaid dipundadosaken putranipun. Sasampunipun, rama kaliyan paman Zaid wangsul kanthi manah ingkang tenang, Zaid mlebet Islam saha dipungarwakaken kaliyan Zainab binti Jahsy.[2] Rikala Zainab dipunpegat Zaid, piyambakipun dipungarwa déning Rasul, pramila nyebar warta manawi Muhammad sampun nggarwa putrinipun. Sapunika mandhap ayat 40 surah Al-Ahzab ingkang ngandharaken manawi putri angkat bénten kaliyan putri kandhung.[2] Putri angkat boten saged waris marisi kaliyan rama angkatipun, saha sémah ingkang sampun dipunpegat saged garwa kaliyan rama angkatipun. Wonten ing ayat punika, cetha sanget asma Zaid, pramila Zaid punika satunggal sahabat ingkang namanipun dipunserta ing Alquran.[2] Zaid dados kanca sarta réncang ngkang setya Muhammad. Piyambakipun garwa kaliyan Ummi Ayman saha kagungan putra ingkang namanipun Usamah bin Zaid bin Haritsah, saha ndhérèk pindhah dhateng Madinah sarta ndhérèk saben perang mbela Islam, wonten ing Pertempuran Mu'tah, piyambakipun dipundadosaken panglima perang, ugi wonten ing perang punika piyambakipun pejah syahid.[1]

Uga delengen[besut | besut sumber]

Cithakan:Pemeluk Islam kapisan

Cathetan suku[besut | besut sumber]

  1. ^ a b (ing basa Arab)Asal-Usul jeneng Zaid bin Haritsah (dipununduh 10 nopember 2012)
  2. ^ a b c d e f Biografi Zaid bin Haritsah (dipununduh 10 nopember 2012)