Bilal bin Rabah

Saka Wikipédia Jawa, bauwarna bébas abasa Jawa

Bilal bin Rabah (Basa Arab بلال بن رباح) inggih punika batur tukon ingkang kagungan kulit cemeng saking Habsyah (sapunika Ethiopia) ingkang mlebet Islam rikala taksih dados batur tukon. Sasampunipun majikan Bilal mangertosi manawi piyambakipun sampun mlebet Islam, Bilal asring dipunsiksa, supados nilaraken Islam, ananging Bilal boten purun ngicalaken kaislamanipun sesarengan ngendika "Ahadun Ahad, Ahadun Ahad...".[1]

Biografi[besut | besut sumber]

Bilal miyos saking tlatah as-Sarah sakitar 43 taun sadéréngipun hijrah, asma Ramanipun Rabah, asma ibunipun Hamamah, batur tukon éstri ingkang kagungan kulit cemeng saking Mekah, amargi ibunipun Bilal dipunwastani ibnus-Sauda’ (putra wanita cemeng).[2] Bilal ageng wonten ing kutha Ummul Qura (Mekah) minangka batur tukon kulawarga bani Abduddar. Rikala ramanipun pejah, Bilal dipunwarisaken dhumateng Umayyah bin Khalaf, minangka tokoh wigati kaum kafir. Bilal kalebu tiyang ingkang sapindha mlebet Islam, ingkang sadéréngipun sampun dipunwiwiti déning Ummul Mu’minin Khadijah binti Khuwailid, Abu Bakar ash-Shiddiq,Ali bin Abu Thalib, ‘Ammar bin Yasir sesarengan ibunipun, Sumayyah, Shuhaib ar-Rumi, saha al-Miqdad bin al-Aswad. Kaum Quraisy langkung asring nyiksa Bilal amargi sampun ndhérèk piwulang Muhammad, para batur tukon dipunsiksa kaum Quraisy ingkang boten kagungan raos welas asih kadasta Abu jahal ingkang sampun mejahaken Sumayyah kanthi cara nunclepaken Tombak ing padharan ngantos pamidhanganipun Sumayyah. Wondéné sadhérèk sanésipun Sumayyah, kadasta Bilal terus dipunsiksa déning kaum Quraisy, biyasanipun rikala srengéngé tepat ing inggilipun panengeran, tiyang kafir miwiti mbikak agemanipun batur tukon Islam ingkang katindhas punika, saha nggantos ageman punika kanthi nganggé ageman saking bahan wesi sesarengan nyambuk sariranipun kanthi ngenyèk Muhammad.[2] Tiyang Quraisy ingkang asring nyiksa Bilal inggih punika Umayyah bin Khalaf sesarengan kaliyan para algojonipun kang nindihi jaja Bilal nganggé séla kang bentér, ananging Bilal terus ngendika “Ahad, Ahad … (Allah Maha Esa).” [2] Umayyah bin Khalaf sesarengan kaliyan para algojonipun nyuwun supados Bilal nyebat asma Latta dan ‘Uzza ananging Bilal tetep nyebat asma Allah saha Muhammad.[2] Sapunika, Abu Bakar Rodhiallahu ‘anhu nyuwun dhumateng Umayyah bin Khalaf supados Bilal dipunsadé kanggé piyambakipun, Umayyah bin Khalaf sarujuk ananging kanthi regi ingkang sanget awis, Ingkag pungkasan, Bilal dipunmardikakaken déning Abu bakar saha dados sahabat setya Rasulullah.[1]

Cathetan suku[besut | besut sumber]

  1. ^ a b (ing basa Arab)Perjuangan Bilal bin Rabah (dipununduh 15 Nopember 2012)
  2. ^ a b c d Bilal bin Rabah (dipununduh 15 Nopember 2012)

Pranala njaba[besut | besut sumber]

Cithakan:Pemeluk Islam kapisan