Abdullah bin Abbas

Saka Wikipédia Jawa, bauwarna bébas abasa Jawa

Abdullah bin Abbas (Basa Arab عبد الله بن عباس) ya iku sawijining Sahabat Nabi, lan minangka anak saka Abbas bin Abdul-Muththalib, pak Dhe saka Rasulullah Muhammad SAW. Dhèwèké uga dikenal kanthi jeneng Ibnu Abbas (619 - Thaif, 687/68H).

Ibnu Abbas ya iku salah siji sahabat kang jembar kawruhe, lan akèh hadits sahih kang diriwayatake lumantar Ibnu Abbas, lan dhèwèké uga mudunake sekabehing Khalifah saka Bani Abbasiyah.

Biografi[besut | besut sumber]

Kulawarga[besut | besut sumber]

Dhèwèké ya iku anak saka kulawarga sugih ya iku Abbas bin Abdul-Muththalib, mula saka iku dhèwèké diarani Ibnu Abbas, anak saka Abbas. Ibune Ibnu Abbas ya iku Ummu al-Fadl Lubaba, kang minangka wanita kapindho kang mlebu Islam, nindakake sawijining tindakan kang padha karo kanca cedhake ya iku Khadijah binti Khuwailid, garwa Rasululah.[1].

Bapak saka Ibnu Abbas lan bapak saka Muhammad ya iku anak saka wong kang padha, Syaibah bin Hâsyim, luwih dikenal kanthi jeneng Abdul-Muththalib. Bapak wong tuwa mau ya iku Hasyim bin Abdulmanaf, penerus saka Bani Hasyim klan saka Quraisy kang misuwur ing Mekkah. Ibnu Abbas uga nduweni sedulur ya iku Fadl bin Abbas

Cathetan sikil[besut | besut sumber]