Riccardo Giacconi

Saka Wikipédia Jawa, bauwarna mardika basa Jawa
Riccardo Giacconi
Pada Perayaan National Medal of Science award , 2003
Lair (1931-10-06) Oktober 6, 1931 (umur 92)
Genoa, Itali
PadununganAmérika Sarékat
KabangsanItali
Amérika Sarékat
BabaganPhysics
InstitusiUniversitas Johns Hopkins
Chandra X-ray Observatory
Alma materUniversitas Milan
Misuwur amargaAstrofisika
Notable awardsPenghargaan Nobel dalam Fisika (2002)
Penghargaan Wolf (1987)

Riccardo Giacconi (lair ing Genoa, Itali, 6 Oktober 1931; umur 92 taun) inggih punika salah satunggaling ilmuwan Amérika Sarékat ingkang miyos wonten ing Italia.[1]

Miyos wonten ing laladan Genova, Riccardo Giacconi pikantuk gelar Ph.D. babagan fisika sinar kosmos saking Universitas Milano lan lajeng nelasaken masa pascadoktoral ingkang boten dangun saking Universitas Indiana lan Princeton.[2]

Nalika taun 1959 piyambakipun kagabung kaliyan American Science and Engineering, sawijining perusahaan panalitén saking Massachusetts, ing pundi piyambakipun makarya wonten ing babagan astronomi sinar X. Timipun ngrembakakaken teleskop sinar X lan ngluncuraken dhateng rokét. Wonten ing taun 1962 lajeng manggihaken Sco X-1, sumber sinar X kapisanan ingkang dipunmangertosi wonten ing njaba sistem tata surya. Lajeng mbiyangun observatorium sinar X pengorbitan UHURU lan damel survei kapisanan wonten ing "udara" sinar X. Para ilmuwan punika manggihaken "bintang" sinar X 339, ingkang sapérangan ageng dipunmandhegaken amargi bahan ingkang dhawah dhateng lubang ireng lan bintang neutron. Wonten ing antawisipun inggih punika Cygnus X-1, obyek angka pisan ingkang limrahipun dipunsarujuki minangka lubang ireng. Para ilmuwan ugi manggihaken emisi sinar X kanthi migunakaken gas panas wonten ing lingkaran galaksi.[3]

Giacconi nglajengaken kerja babagan radiasi sinar X sadangunipun pinten-pinten taun migunakaken sajumlah observatorium satelit. Kagabung kaliyan Harvard-Smithsonian Center for Astrophysics nalika taun 1973, Giacconi mimpin pendamelan lan operasi ingkang kasil saking observatorium sinar X ingkang kiat, HEAO-2, ugi dipunkenal minangka Einstein, ingkang damel gambar ingkang langku rinci saking sumber sinar X.[4]

Giacconi inggih punika direktur ingkang angka pisan wonten ing Space Telescope Science Institute antawis taun 1981-1993, lan mimpin European Southern Observatory sadangunipun 6 taun candhakeipun. Wonten ing ESO piyambakipun ningali perkembangan lan pembangunan Very Large Telescope. Antawis taun 1999-2004 piyambakipun njabat minangka présidhèn Associated Universities, Inc., operator National Radio Astronomy Observatory. Wonten ing kedudukan punika piyambakipun kagayut wonten ing perkembangan Atacama Large Millimeter Array (ALMA), array panjang gelombang milimeter lan submilimeter ingkang ageng ingkang dipunabngun wonten ing dataran inggil wonten ing tlatah Chili déning sakelompok lembaga saking Éropa, Amérika Sarékat, lan Jepang. Kanthi sesarengan Giacconi sampun nyepeng kedudukan minangka profesor fisika lan astronomi (1982-1997) lan profesor peneliti (wiwit taun 1998) wonten ing Universitas Johns Hopkins.[5][6]

Penghargaan[besut | besut sumber]

  • American Association of Physics Teachers, Richtmeyer Memorial Lectureship, 1975.
  • Medali Bruce, 1981
  • American Astronomical Society, Henry Norris Russell Lectureship, 1981.
  • American Institute of Physics & American Astronomical Society, Penghargaan Dannie Heineman untuk Astrofisika, 1981.
  • Astronomische Gesellschaft, Medali Karl Schwarzschild, 2004.
  • Franklin Institute, Medali Elliot Cresson, 1980.
  • International Center for Relativistic Astrophysics, Marcel Grossmann Award, 2000
  • National Academy of Sciences, National Medal of Science, 2003.
  • Yayasan Nobel, Penghargaan Nobel babagan Fisika, 2002.
  • Royal Astronomical Society, Medali Emas, 1982.
  • Wolf Foundation, Wolf Prize, 1987.

Cathetan suku[besut | besut sumber]

  1. http://www.nobelprize.org/nobel_prizes/physics/laureates/2002/giacconi-autobio.html
  2. http://www.nobelprize.org/nobel_prizes/physics/laureates/2002/
  3. http://www.nobelprize.org/nobel_prizes/physics/laureates/2002/giacconi-diploma.html
  4. http://www.nndb.com/people/031/000027947/
  5. "Archive copy". Diarsip saka sing asli ing 2013-01-27. Dibukak ing 2013-01-27.{{cite web}}: CS1 maint: archived copy as title (link)
  6. http://www.nobelprize.org/nobel_prizes/physics/laureates/2002/giacconi-speech.html

Pranala njaba[besut | besut sumber]