Pavel Alekseyevich Cherenkov

Saka Wikipédia Jawa, bauwarna bébas abasa Jawa
Cherenkov

Pavel Alekseyevich Cherenkov (basa Rusia: Павел Алексеевич Черенков, 1904-1990) inggih punika salah satunggaling fisikawan Uni Sovyèt ingkang ngamati radiasi saking partikel berènergi inggil ingkang mlampah langkung rikat tinimbang kecepatan cahya wonten ing medium punika. Andharan teoretis kanggé efek Cherenkov sampun dipunandharaken déning Ilya Frank lan Igor Tamm. Tiyang 3 punika pikantuk Penghargaan Nobel babagan Fisika taun 1958 kanggé penemuan punika. Nama Cherenkov kadang kala dipunserat minangka Cerenkov.[1]

Biografi[besut | besut sumber]

Pavel Alekseyevich Cherenkov miyos wonten ng désa alit wonten ing Novaya Chigla, sapunika Voronezh Oblast, Rusia, nalika tanggal 28 Juli 1904. Tiyang sepuhipun, Aleksei lan Mariya Cerenkov,[2] inggih punika satunggaling wong tani.[3]

Piyambakipun lulus saking Departmen Fisika lan Matematika ing Universitas Negeri Voronezh taun 1928, taun 1930 piyambakipun kagungan tugas minangka ahli riset senior wonten ing Institut Fisika Lebedev ing Akademi Sains Uni Soviet. Cherenkov minggah kalungguhan dados kepala pérangan, lan taun 1940 piyambakipun dipunhadhiahi gelar Dhoktor Sains Fisika Matematika. Taun 1953 piyambakipun dipuntampi minangka Profesor Fisika Eksperimental. Kawiwitan taun 1959, piyambakipun mandégani laboratorium institut prosès foto-meson. Piyambakipun tetep dados profesor sadangunipun 14 taun. Taun 1970 piyambakipun dados Akademisi ing Akademi Sains Uni Soviet.[3]

Penemuan babagan Fisika[besut | besut sumber]

Taun 1934, nalika makarya ing ngandhapipun S.I. Vavilov, Cherenkov ngamati emisi cahya biru saking sawijining botol toya ingkang dipuntindakaken kanggé pengeboman radioaktif. Fenomena punika, dipunasosiasikaken kaliyan momotan partikel atom bergerak wonten ing kecepatan ingkang langkung inggil tinimbang kecepatan cahya wonten ing medium lokal, dipunbuktikaken dados wigati sanget wonten ing kerja eksperimental salajengipun wonten ing fisika nuklir, lan kanggé studi wonten ing sinar kosmik. Lajeng, punika dipunsukani nama efek Cherenkov, kados detektor Cherenkov, ingkang sampun dados kethokan standar kapreluan wonten ing riset atom saperlu ngamati kawontenan lan kecepatan partikel ingkang kagungan kecepatan inggil. Piranti mau kapasang wonten ing Sputnik 3. Radiasi Cherenkov kapisanan dipuntliti déning Marie Curie lan Pierre Curie nalika wiwitan abad 20. Efek mau dipunsukani nama miturut Pavel Alekseyevich Cherenkov, ingkang nalika taun 1958 menangaken Penghargaan Nobel saperlu dados ingkang kapisanan kanthi kaku saperlu nemtokaken sipat-sipatipun. Radiasi elektromagnetik punika dipunsebabaken déning partikel ingkang kagungan momotan ingkang ébah lumantar material dielektrik kanthi kecepatan, Vc, ingkang langkung ageng tinimbang cahya dwonten ing materi mau.

                                     Vc>VL = c/n(λ)

ing pundi vL minangka "kecepatan cahya" wonten ing medium, c minangka "kecepatan cahya" wonten ing vakum lan n(λ) minangka indeks bias. Partikel mau dipunkenal dados superluminal. Setunggal analogi umum wonten ing efek dentuman sonik, cahya mbentuk gelombang kejut kerucut ingkang asalipun saking lokasi partikel bermuatan.

Detektor Cherenkov, ugi dipunsebut pencacah, dipundésain saperlu ngempalaken radiasi lan salajengipun kanggé ngasilaken sinyal listrik migunakaken sensor cahya kados tabung fotomultiplayer. Detektor mau mlebet ing sapérangan wujud ingkang bènten lan kanthi umum dipunmligikaken saperlu kabetahan spesifik saking penerapanipun.[4]

Detektor Cherenkov dipun-ginakaken saperlu nyinaoni fisika ènergi inggil kados wonten ing fisika nuklir lan fisika sinar kosmik. Sapérangan tuladha inggih punika Sudbury Neutrino Observatory lan Super Kamiokande, kekalihipun kagayut wonten ing studi neutrino.

Pavel Cherenkov ugi mbagi wonten ing pangembangan lan perancangan pemercepat elektron lan wonten ing penyelidikan reaksi fotonuklir lan fotomeson.

Bebungah lan Penghormatan[besut | besut sumber]

Cherenkov dipunhadhiahi sajumlah Penghargaan Negeri Uni Soviet, kapisan taun 1946, pikantuk penghormatan mau kaliyan Vavilov, Frank lan Tamm, lan ingkang kalih sanèsipun taun 1952, lan 1977 saperlu usaha piyambakanipun. Taun 1958 piyambakipun dipunhadhiahi Penghargaan Nobel babagan Fisika kanggé penemuan Cherenkov. Piyambakipun ugi dipunhadhiahi titel Pahlawan Buruh Sosialis Uni Soviet taun 1984.[5]

Cathetan suku[besut | besut sumber]

Pranala njaba[besut | besut sumber]