Claude Cohen-Tannoudji

Saka Wikipédia Jawa, bauwarna mardika basa Jawa
Claude Cohen-Tannoudji
Claude Cohen-Tannoudji
Lair (1933-04-01) April 1, 1933 (umur 90)
Constantine, French Algeria
Bangsa Prancis
BebungahHarvey Prize (1996)
Bebungah Nobel Fisika (1997)
Karièr ngèlmiah
BabaganPhysics
InstitutionsÉcole normale supérieure

Claude Cohen-Tannoudji miyos nalika taun 1933 wonten ing Constantine, Aljazair. Cohen-Tannoudji pindhah sareng kaliyan kaluwarganipun nalika taun 1953 maring Paris. Saking taun 1953 ngantos 1957, piyambakipun nimba kawruh wonten ing École Normale Supérieure. Sesampunipun lulus, Cohen-Tannoudji mlebet dinas militèr ngantos 28 sasi amargi Perang Kemerdekaan Aljazair.

Nalika taun 1960, piyambakipun wangsul malih maring laboratorium École Normale supados angsal gelar Ph.D. kanthi bimbingan Alfred Kastler sarta Jean Brossel riset wonten ing CNRS (Pusat Riset Ilmiah Nasional Perancis). Piyambakipun angsal gelar PhD nalika sasi Dhésèmber 1962.

Sasampunipun angsal gelar dhoktor, Cohen-Tannoudji angsal kalungguhan profesor wonten ing Universitas Paris. Nalika taun 1973, piyambakipun dipunangkat dados guru besar wonten ing Collège de France.

Cohen punika salah satunggaling paneliti ingkang paling diakui wonten ing babagan optika kuantum, karyanipun ingkang kondhang inggih punika pangembangan teknik kanngge ngadhemaken sarta nyaring atom nganggé cahya, saéngga piyambakipun angsal Bebungah Nobel Fisika nalika 1997, sesarengan kaliyan Steven Chu sarta William Daniel Phillips.

Piyambakipun ugi dados pengarang seratan cekak sarta asring dipunlebetaken wonten ing buku teks, "Quantum Mechanics", ingkang asalipun saking pangalaman mucal wonten ing Universitas Paris. Buku punika dipunserat mringati Franck Laloë sarta Bernard Diu.

Ugi pirsani[besut | besut sumber]

Pranala njawi[besut | besut sumber]