Guglielmo Marconi

Saka Wikipédia Jawa, bauwarna bébas abasa Jawa
Poto Guglielmo Marconi

Guglielmo Marconi ya iku tokoh penemu radhio nalika taun 1874 ing Bologna, Itali.[1] Panemu radhio iki éntuk pendhidhikan pribadi saka salah sawijiné guruné.[1] Taun 1894, nalika umuré ngancik rong puluh taun, Marconi maca percobaan-percobaan kang ditindakaké déningHeinrich Hertz.[1] Percobaan-percobaan iki kanthi gamblang nudhuhaké anané gelombang èlèktromagnètik kang ora bisa dideleng nganggo mripat, obah ngliwati angin kanthi swara kang rikat.[1] Marconi banjur duwé ide manawa gelombang iki bisa dimanfaatké kanggo ngirim tandha-tandha kang ngliwati jarak adoh tanpa ngliwati kawat kang nyadhiyakaké perkembangan komunikasi kang ora bisa ditindakaké déning telegram.[1] Tuladhané kanthi cara iki warta-warta bisa dikirim menyang kapal ing tengah segara.[1] Ing taun 1895, mung setaun nyambut gawé, Marconi kasil gawé piranti kang dibutuhaké.[1] Taun 1896 dhèwèké meragakaké pirantiné mau ing Inggris lan éntuk hak paten kanggo pangréka iki.[1] Marconi banjur ngadegaké perusahaan lan Marconi kawiwitan dikirim taun 1898.[1] Taun sabanjuré dhèwèké sanggup ngirim warta tanpa lumantar kawat kang nyebtrang ing selat Inggis.[1] Sanajan patene ana wis ana ing dhèwèké ing taun 1900, Marconi nerusaké gawé lan matenake panyempurnan-panyempurnan kanthi dhasar panemuné dhéwé.[1] Ing taun 1901 dhèwèké kasil ngirimaké warta radhio kanthi ngliwati Samudera Atlantik, saka Inggris tekan Newfoundland.[1] Makna wigati saka pangréka anyaré mau kanthi dramatis digambaraké ing taun 1909 nalika Kapal S.S. Republic rusak amarga tabrakan lan kelep ing dhasar laut.[1] Warta radhio pancèn migunani kanggo kabèh penumpang ing prastawa iku kajaba wong enem kang ora bisa katulungan.[1] Ing taun kang padha, Marconi kasil éntuk Bebungah Nobel kanggo panemuné lan ing taun candhaké dhèwèké kasil ngirim warta radhio saka Irlandia tekan Argèntina, ya iku kanthi jarak kang punjul 6000 mil.[1] Marconi tinggal dunya ing Roma, Italia tanggal 20 Juli 1937.[2]

Cathetan suku[besut | besut sumber]

  1. ^ a b c d e f g h i j k l m n o luk.staff.ugm.ac.id (diakses tanggal 23 Mèi 2011)
  2. ^ [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 116]