Frank Wilczek

Saka Wikipédia Jawa, bauwarna mardika basa Jawa
Frank Wilczek
Lair (1951-05-15) Mèi 15, 1951 (umur 72)
Mineola, New York, Amérika Sarékat
KabangsanAmérika Sarékat
EtnisPolen-Itali
BabaganFisika
InstitusiMIT
Alma materUniversitas Chicago
Universitas Princeton
Doctoral advisorDavid Gross
Doctoral studentsMark Alford (*)
Michael Forbes
Martin Greiter
Christoph Holzhey
David Kessler
Finn Larsen
Richard MacKenzie
John March-Russell (*)
Chetan Nayak
Maulik Parikh
Krishna Rajagopal
David Robertson
Sean Robinson
Alfred Shapere
Stephen Wandzura
(*): Jointly a Sidney Coleman student
Misuwur amargakromodinamika kuantum
Notable awardsLorentz Medal (2002)
Penghargaan Nobel dalam Fisika (2004)

Frank Wilczek (lair ing Mineola, New York, Amérika Sarékat, 15 Mèi 1951; umur 72 taun) inggih punika salah satunggaling fisikawan Amérika Sarékat. Kaliyan H. David Politzer lan David Gross piyambakipun dipunanugrahi Penghargaan Nobel babagan Fisika taun 2004.

Panalitén[besut | besut sumber]

Wonten ing taun 1973, Wilczek, salah satunggaling mahasiswa sarjana ingkang makarya wonten sesarengan kaliyan David Jonathan Gross wonten ing Universitas Princeton, manggihaken kebebasan asimtot, ingkang nyebataken bilih samsaya caket kuark satunggal kaliyan sanèsipun, samsaya lemah interaksi kuat (utawi momotan warna) wonten ing antawising kekalihipun punika; déné kuark wonten ing pucuk tebih, tenaga nuklir wonten ing antawising kekalih punika lemah sanget saéngga gadhah perilaku meh mirib partikel bébas. Téyori ingkang kapanggihaken kanthi independen déning Hugh David Politzer wigati sanget kanggé pengembangan kromodinamika kuantum.[1]

Wilczek sampun mbiyantu ngungkap lan ngrembakakaken aksion, anyon, kebebasan asimtot, lan aspek sanès téyori medan kuantum wonten ing limrahipun, lan sampun nliti fisika benda padat, astrofisika, lan fisika partikel.[2]

Panalitén ingkang paling énggal inggih punika:

  • fisika partikel "murni": gayutan antawising gagasan teoretis lan fenomena ingkang saged dipunamati
  • perilaku bahan: suhu ultra-tinggi, kepaatan, lan struktur aliran
  • penerapan fisika partikel dhateng kosmologi
  • penerapan teknik téyori medan dhateng fisika benda padat
  • téyori kuantum lubang ireng

Biografi[besut | besut sumber]

Miyos wonen ing laladan Mineola, New York, Amérika Sarékat, piyambakipun pikantuk gelar Bachelor of Science wonten ing matematika saking Universitas Chicago nalika taun 1970, gelar Master of Arts wonten ing babagan matematika saking Princeton University, taun 1972, lan Ph.D. babagan fisika ugi wonten ing Universitas Princeton nalika taun 1974. Frank Wilczek inggih punika salah satunggaling profesor fisika wonten ing MIT.[3] Piyambakipun makarya wonten ing Institute for Advanced Study ing Princeton lan Santa Barbara Research Institute. Piyambakipun palakrama kaliyan Betsy Devine nalika tanggal 3 Juli 1973; ingkang dipunparingi 2 putra sakng punika, (Amity lan Mira).[4]

Publikasi[besut | besut sumber]

Buku[besut | besut sumber]

Cathetan suku[besut | besut sumber]

Pranala njaba[besut | besut sumber]