Pierce Brosnan

Saka Wikipédia Jawa, bauwarna mardika basa Jawa
Pierce Brosnan
Smiling man with short, tousled hair, wearing white shirt open at collar, and black jacket.
Brosnan ing Festival Film Cannes, 2002
LairPierce Brendan Brosnan
(1953-05-16) 16 Mèi 1953 (umur 70)
Drogheda, County Louth, Ireland
PakaryanAktor, prodhuser, aktivis lingkungan hidhup
Taun aktif1977–saiki[1]
Kutha asalNavan, County Meath, Ireland
BojoCassandra Harris (1980–1991, tilar donya, anak 1)
Keely Shaye Smith (2001–saiki)

Pierce Brendan Brosnan, OBE (lair ing Navan, County Meath, Républik Irlandia, 16 Mèi 1953; umur 70 taun) ya iku aktor filem lan télévisi, prodhuser filem, lan aktivis lingkungan hidup, sing duwé rong nagara ya iku Républik Irlandia lan Amérikah Sarékat. Sawisé ninggal bangku sekolah umur 16 taun, Brosnan dadi ilustrator iklan, nanging banjur kuliah seni peran ing London telung taun. Sawisé dadi aktor teater, dhèwèké yasa popularitas liwat tv Remington Steele. Sawisé serial Remington Steele, Brosnan dadi tokoh baku ing pirang-pirang filem, kaya ta Dante's Peak lan The Thomas Crown Affair. Saka taun 1995 nganti taun 2002, dhèwèké dadi aktor kaping lima sing meranake agen rahasia James Bond ing Golden Eye, Tomorrow Never Dies, The World Is Not Enough, lan Die Another Day. Dhèwèké uga dadi pengisi swara lan modhèl Bond kanggo video James Bond 007: Everything or Nothing taun 2004. Sawisé meranake James Bond, dhèwèké wis mbintangi filem sing sukses kaya ta The Matador (olèh nominasi Golden Globe, 2005), Mamma Mia! (National Movie Award, 2008), lan The Ghost Writer (2010). Dhèwèké uga dadi narator kanggo serial télévisi abak-abak Thomas and Friends taun 2009. Taun 1996, karo Beau St Clair sing asalé saka Amérikah Sarékat, dhèwèké nggawe omah produksi sing jenenge Irish Dream Time ing Los Angeles. Sabanjure, Pierce Brosnan luwih kaloka dadi aktivis sosial lan lingkungan hidup.

Dhèwèké nikah karo aktris Australia Cassandra Harris saka taun 1980 tekan matine amarga Kanker ovarium taun 1991. Brosnan banjur nikahi wartawati lan juru nulis Amérikah Sarékat Keely Shaye Smith taun 2001, lan dadi warga nagara Amérikah Sarékat taun 2004.

Wiwitane urip[besut | besut sumber]

Brosnan lair ing Drogheda, County Louth, Républik Irlandia tanggal 16 Mèi 1953. Brosnan iku anak tunggal saka pasangan Thomas Brosnan, pagaweyane tukang kayu, lan May Smith. Brosnan urip ing kulawarga Katulik lan sekolah ing sekolah lokal sing dikelola déning Christian Brothers. Ibune Brosnan banjur pindhah menyang kutha London kanggo makarya dadi perawat sawisé bapaké nglungani kulawargané. Brosnan ngakoni yèn uripé nalika cilik rekasa lan ngrasa kesepian, amarga mung ana ibune, simbah kakunge, lan simbah putrine. Brosnan uga tau kuwatir uripé ibune sing kere bakalan misahake anaké, amarga ana peraturan Républik Irlandia nalika semana: kulawargané sapa bae sing duwé anak nanging ora saguh ngopeni urip anaké, kamangka anak iku bakalan diopeni déning nagara. Mula ibune Brosnan mutusaké pindhah menyang Inggris supaya bisa mergawe lan pungkasané bisa ngopeni uripé Brosnan.[2]

Sawisé ditinggalake ibune menyang Inggris, Brosnan urip bareng simbah kakunge, Philip lan simbah putrine, Kathleen Smith.[3] Sawisé simbah kakung lan simbah putrine tilar donya, Brosnan banjur urip karo bulike banjur karo paklike, nanging dhèwèké banjur dipindhahake arep diopeni wong wédok jenenge Eileen, ing pérangan kutha kang èlèk, nanging Brosnan nggambaraké minangka awal kesuksesan.[2] Banjur, Brosnan nerusaké sekolahé ing De La Salle Brothers School ya iku sekolah Katulik. Ing kana Brosnan sinau babagan agama Katulik kang dianute. Nanging, sansaya suwé Brosnan ora seneng kar baku pendidikan ing De La Salle Brothers lan celathu yèn sekolah iku kaya-kaya ngapusi dhèwèké lan siswa liyané.[2]

Brosnan nglungani Républik Irlandia tanggal 12 Agustus 1964 lan ketemu karo ibune manèh karo garwa anyare, veteran Perang Dunia II, William Carmichael, sing saiki omah-omah ing Longniddry Sekotlan.[4][5] Nalika pisanan ketemu karo ibune, Brosnan nyikep ibune lan garwane, Brosnan nggambaraké bapaké sing tenanan.[4] Carmichael banjur ngajak Brosnan kanggo nonton filem James Bond sing judhule Goldfinger, nalika umuré sewelas taun.[6] Sawisé kulawarga iki pindhah menyang London, Brosnan sekolah ing Elliott School, sekolah nagari ing laladan Putney, London Kulon.[7] Brosnan banjur ngerti yèn dhèwèké dadi wong asing ing London, mula Bronson sinau supaya bisa adhaptasi lan kekancan karo kanca-kancané sing anyar.[2] Nalika Brosnan pisanan lumebu sekolah, dhèwèké diundang kanthi sesebutan "The Irish" (wong Irlandia).[8]

Sawisé ninggal sekolah menengah kapisan nalika umuré 16 taun, Brosnan banjur nerusaké karier dadi pelukis lan dadi ilustrator iklan ing studio.[9] Ing Oval House taun 1969, Bronson teka ing lokakarya kanggo latihan. Bronson ketemu karo ilusionis sing mangan geni sing lagi mulang wong wédok kepriye carané nyelehake geni ing dhadhane. Ia sempat berpikir dan kemudian memutuskan untuk bergabung dan belajar bagaimana cara memakan api.[10] Banjur ana agen sirkus sing weruh lan ngajak makarya suwéné telung taun. Bronson banjur kuliah suwéné telung taun dadi paraga ing Drama Centre ing kutha London.[11] Brosnan nggambaraké perasaane nalika dadi paraga lan dhampake ing uripé.

"Nalika aku nemu donya aktor, utawa donya aktor sing nemu aku, iku pembebasan. Iki batu loncatanku menyang uripku sing liyané, adoh saka urip sing daklakoni, lan donya aktor iku donya sing nyenengake lan diregani. Kuwi kepuasan sing gedhé ing uripku."

—Pierce Brosnan[2]

1979–1994: Awal karier[besut | besut sumber]

Sawisé lulus saka Drama Centre taun 1975, Brosnan miwiti gaweyan dadi asistèn manajer teater ing York Theatre Royal. Brosnan banjur miwiti karir aktinge ing Wait Until Dark. Sasuwene wektu 6 sasi, Brosnan banjur dipilih karo dramawan Tennessee Williams kanggo meragakake paraga McCabe ing The Red Devil Battery Sign.[12] Penampilane sing apik ing London ndadèkaké Williams ngirimi telegram sing isiné "Muga-muga Tuhan mberkati, anakku". Brosnan nerusaké karier ing penampilan singkat ing filem, kaya ta The Long Good Friday (1980) lan The Mirror Crack'd (1980), sarta sinétron télévisi, kaya ta The Professionals, Murphy's Stroke, lan Play for Today. Brosnan banjur dadi bintang télévisi ing Amérikah Sarékat kanthi peran utama ing miniseri populèr Manions of America.[13] Banjur Brosnan main ing teater Masterpiece taun 1982 sing nyritakake dokumenter sing nyathet uripé Lady Nancy Astor (wanita pisanan ing Parlemèn Inggris). Saka penampilane dadi Robert Gould Shaw II ing seri iku, Brosnan lumebu nominasi Bebungah Golden Globe taun 1985 kangoo kategori Aktor Pendukung Paling Apik.[14]

Ing taun 1982, Brosnan pindhah menyang California Kidul lan yasa popularitas ing donya keartisan ing Amérikah Sarékat kanthi maragakake ing seri detektif Remington Steele.[4] The Washington Post nyathet yèn ing taun iku Brosnan "bisa ndadèkaké James Bond nom."[15] Sawisé Remington Steele rampung ing taun 1987, Brosnan banjur main ing pirang-pirang filem, kaya ta The Fourth Protocol (1987, barengan karo Michael Caine), ya iku filem thriller sing nyritakake Perang Dingin, The Deceivers (1988) lan The Lawnmower Man (1992). Ing taun 1992 Bronson uga main ing serial NBC sing judhule Running Wilde, maragakake dadi reporter kalawarta Auto World. Jennifer Love Hewitt uga mèlu maragakake dadi anak wedoke Brosnan, nanging episode sing nggambaraké Brosnan lan Hewitt ora tau dibabarake.[16] Pada 1993, Brosnan maragakake peran pendukung ing filem komedi sing judhule Mrs. Doubtfire. Brosnan juga main ing pirang-pirang filem télévisi, kaya ta Death Train (1993) lan Night Watch (1995), filem thriller spy kang nyritakake kaanan ing Hong Kong.

1995–2002: Karier dadi James Bond[besut | besut sumber]

Wiwitan[besut | besut sumber]

Patung lilin Pierce Brosnan dadi James Bond.

Brosnan pisanane ketemu karo prodhuser filem James Bond Albert R. Broccoli nalika syuting For Your Eyes Only amarga Cassandra Harris - garwane sing pisanan - uga mèlu maragakake ing filem iku. Broccoli nyelathu, "Yèn dhèwèké (Brosnan) bisa akting... dhèwèké iku wong sing bakalane mathuk marisi peran Bond saka Roger Moore".[15] Dilaporake déning Entertainment Tonight lan National Enquirer, yèn Brosnan bakalan marisi perane Moore sing liyané, ya iku dadi Simon Templar ing serial The Saint.[15] Brosnan banjur mbantah rumor iku ing sasi Juli 1993, banjur nambahi, "paling ora aku isih ana peluang ing rong peran iku, nanging iku isih kasimpen ing pikirane wong sing saiki manggon ing Hollywood."[17]

Taun 1986, Timothy Dalton dadi pilihan utama kanggo nggantikake Roger Moore. Nanging prajanjen kontrak karo filem Brenda Starr lan sakabehing sandiwara teater Antony & Cleopatra lanThe Taming of The Shrew sempet ndadekakeDalton ora bisa nampa tawaran iku. Minangka alternatif, Sam Neill banjur mèlu tes dadi James Bond, nanging banjur ditolak déning Albert R. Broccoli.[18] Jebul sasuwéné setengah taun, Dalton bisa ngrampungaké syuting Brenda Starr, banjur Dlton bisa dadi James Bond saka Wales kang pisanan. Dalton banjur maragakake ing filem The Living Daylights (1987) lan Licence to Kill (1989). Dalton bakalan dikontrak kanggo telung filem Bond,[19] sing bakalane filem katelu arep diprodhuksi ing taun 1990 lan bakalan dibabarake ing taun 1991. Nalika semana sesirah kang wis kababar wing masarakat ya iku The Property of a Lady[20] (kang kalebu salah siji carita cekak karya Ian Fleming), nanging pungkasané ora tau dikonfirmasi déning pihak EON Productions. Lakuning carita direncanakake bakalan ngrembug babagan penghancuran laboratorium kimia ing Sekotlan, lan Bond ngumbara menyang London, Tokyo, lan Hong Kong. Nanging, filem iki banjur ora sida digawé sawisé United Artists/MGM perang karo EON Productions suwéné patang taun.[21] Perang iki rampungan ing awal taun 1994, kontrak Dalton karo EON Productions wis entek, lan ing tanggal 7 Juni 1994, Brosnan dibabarake kanthi resmi dadi aktor kaping lima kanggo perane dadi James Bond.[15]

Impian jaman cilik kang dadi kasunyatan[besut | besut sumber]

Barkas:ParisandBond.jpg
Pierce Brosnan ing Tomorrow Never Dies.

Brosnan nandhatangani kontrak filem James Bond cacahé telung sesirah kanthi tambahan pilihan kanggo filem kaping papat. Brosnan pisanan dadi Komandan Bond ing filem taun 1995 kang judhule GoldenEye banjur olèh akèh pujian saka kritikus. Kritikus James Berardinelli nggambaraké Brosnan dadi "wong kang bisa ngrampungaké ngapiki saka pemain sadurungé" kanthi bakat kapinteran alami kang diduwèni déning Komandan Bond.[22] GoldenEye bisa kasil éntuk pendapatan kotor gedhene 350 yuta Dolar AS ing sakabehing donya.[23] Film iki dadi filem kaping papat kang paling laris ing donya taun 1995,[24] lan kalebu filem James Bond paling laris nalika semana.[25]

Ing taun 1996, Brosnan nggawe omah produksi filem kang aran "Irish DreamTime" bebarengan karo Beau St Clair. Sawisé telung taun perusahaan iku bisa mbabarake filem pisanan kang judhule The Thomas Crown Affair, kang bisa kasil sukses ing pasaran box-office.[26] Brosnan banjur maragakake dadi James Bond manèh ing filem Tomorrow Never Dies (1997) lan The World Is Not Enough (1999), kang uga lumebu ing box-office. Ing taun 2002, Brosnan tampil kaping papat dadi Bond ing filem Die Another Day. Nalika promosi, Brosnan nyritakake yèn dhèwèké péngin nerusaké perane dadi James Bond, kanthi merujuk marang Sean Connery kang nganti kaping nem maragakake James Bond.[27]

Brosnan tau takon marang EON Productions nalika nampa peran Bond, intine apa bakalan diidini yèn makarya ing proyek-proyek filem saliyané James Bond. Panjaluke iku diestonake kamangka saben filem Bond dibabarake, Brosnan uga katon ing saliyané rong filem utama liyané, uga filem kang diprodhuksi déning Brosnan dhéwé. Brosnan katon ing sapérangan sesirah filem, antarané dadi ilmuwan ing filem besutan Tim Burton kang judhule Mars Attacks!, ahli vulkanologis ing Dante's Peak lan ing Grey Owl, ya iku filem biografi Archibald Stansfeld Belaney saka Inggris kang njupuk jeneng Ojibwa Grey Owl banjur dadi salah siji konservasionis pisanan saka Kanada.

Marisi kalungguhan[besut | besut sumber]

Ora suwé sawisé Die Another Day dirilis, médhia wiwit nakonake apa Brosnan bakalan dadi James Bond kaping lima apa ora. Brosnan banjur kelingan marang Roger Moore kang dijengkeli déning sapérangan fans 007 ing pungkasan karire dadi James Bond amarga umuré wis tuwa ya iku 58 taun, nanging dhèwèké uga olèh mendapat panjurung moril kang akèh saka pihak prodhuser lan sapérangan fans fanatik 007. Kamangka dhéwé tetep semangat mbaleni perane dadi James Bond.[28] Sasuwene taun 2004, Brosnan diisukake nemoni jalan buntu ing negoisasi kontrak makarya dadi James Bond karo EON Productions. MGM minangka induk EON Productions ngumumake yèn MGM bakalan golèk aktor liya kang luwih nom kanggo nggantekake Brosnan.[29] Ing sasi Juli 2004, Brosnan celathu yèn "Bond iku uripku sing liya, kang ana ing saburiku."[30] Nalika Oktober 2004, Brosnan wis matur yèn dhèwèké wis mandheg dadi James Bond, sanajan akèh isu yèn dhèwèké lagi njupuk gambar kanthi meneng-meneng kanggo filem James Bond kang kaping lima.[31] Wara-wara mundure Brosnan dadi James Bond resmi dirilis ing sasi Fèbruari 2005.[32] Pirang-pirang wulan sawisé iku, aktor saka Cheshire, Daniel Craig resmi nggantekake Brosnan dadi James Bond.[33] Nalika wawancara karo The Globe and Mail, Brosnan ditakoni déning wartawan panemuné marang Daniel Craig dadi James Bond kang anyar. Brosnan mangsuli yèn dhèwèké wis ora sabar manèh arep nonton Daniel Craig kang bakalan mergawe ing pagaweyan kang cukup fantastis.[34] Brosnan banjur negesake manèh panjurung iku ing wawancara karo International Herald Tribune, "Daniel Craig nembé ing lelampahan kanggo dadi Komander Bond kang bakalan dikenang ing sajarah."[35]

Sasuwene makarya ing filem James Bond, Brosnan uga dadi salah siji pérangan seri dolanan video James Bond. Ing taun 2002, wajah Brosnan dadi modhèl ing video game Nightfire (kanthi pengisi swara Maxwell Caulfield). Ing taun 2004, Brosnan dadi bintang utama uga dadi pengisi swara ing video game James Bond 007: Everything or Nothing, bebarengan karo aktor pengisi swara liyané.[36]

2003–saiki: Karier sawisé James Bond[besut | besut sumber]

Pierce Brosnan (kaping loro saka kiwa) bareng karo pemeran filem Mamma Mia!

Peran gedhé pisanan Brosnan pasca James Bond ya iku dadi Daniel Rafferty ing filem taun 2004 kang judhule Laws of Attraction. Garreth Murphy saka entertainment.ie, nggambaraké kinerja Brosnan dadi "efektif banget, kanthi alon Brosnan bisa metu saka karakter James Bond lan njangkepi kanthi ènergi kang gedhé".[37] Ing taun kang padha, Brosnan main ing filem After the Sunset bareng Salma Hayek lan Woody Harrelson. Film iki éntuk kritikan kanthi prèstasi 17% ing Rotten Tomatoes.[38] Film Brosnan sabanjuré ya iku filem taun 2005 kang judhule The Matador kanthi peran dadi Julian Noble, wong sing seneng mendem, ketemu karo bakul keliling (Greg Kinnear) ing bar bergaya Mèksiko.[39] Film iki éntuk respon kang apik saka para kritikus filem tinimbang After the Sunset. Roger Ebert ing Chicago Sun-Times nyritakake "iki hasil makarya Brosnan kang paling apik sasuwéné urip".[40] Brosnan banjur dinominasikake ing Bebungah Golden Globe kategori bebungah Aktor Paling Apik Musikal utawa Komedi nanging kalah saka Joaquin Phoenix kang maen ing filem Walk the Line.[41]

Film kang pisanan Brosnan ing taun 2007 ya iku Seraphim Falls. Ing filem iki, Brosnan main bareng karo kancané ya iku Liam Neeson.[42] Film iki dirilis kanggo pemutaran terbatas tanggal 26 Januari 2007. Sadurungé, ing wulan Dhésèmber 2005, Brosnan dilapuraké dadi salah siji paraga ing filem The November Man, ya iku adhaptasi saka novèl karipta déning Bill Grainger kang judhule There Are No Spies,[43] nanging proyek iki dibatalake ing wiwitaning taun 2007. Brosnan uga olèh panjurung finansial kanggo nggawe filem judhule Caitlin, filem kang nyritakake Caitlin MacNamara, garwane juru gurit Dylan Thomas.[44] Peran utama dadi Caitlin diparagakake Miranda Richardson, Brosnan mung dadi pembantu, ya iku dadi agen sastra Dylan Thomas, John Brinnin. Kancane Brosnan ing filem Die Another Day, Rosamund Pike, uga mèlu ing main ing filem iku.[45] Ing taun 2008, Brosnan gabung karo Meryl Streep kanggo main ing filem Mamma Mia! saka salah siji karya musik ABBA sing judhule Mamma Mia!. Kasiapan Brosnan kanggo main ing filem iku cukup serius. Brosnan tenanan anggoné gladhèn nyanyi suwéné nem minggu lan banjur diiringi karo latihan paduan swara ing New York.[46] Brosnan uga dadi narator episode DVD Thomas the Tank Engine and Friends, The Great Discovery.

Ing taun 2009, Brosnan mbintangi filem judhule The Big Biazarro, sing disutradarai déning Vondie Curtis-Hall. Film iki adhaptasi saka novèl karya Leonard Wise kang judhule padha. Ing filem iku, Brosnan dadi mentor kepala kang ngajari anak didiknya kanthi teges.[47] Brosnan uga main ing filem The Ghost Writer ing taun iku, kang sabanjuré dadi filem paling sukses ing taun 2009. Taun 2010, Brosnan main ing filem Remember Me lan Percy Jackson & the Olympians: The Lightning Thief..

Filmografi[besut | besut sumber]

Taun Film Peran Cathetan
1979 Murphy's Stroke Edward O'Grady Film télévisi
1980 The Long Good Friday Wong Irlandia[48]
The Mirror Crack'd Aktor sing meragakake 'Jamie'[49] Peran ora cetha
1986 Nomads Jean Charles Pommier
Remington Steele: The Steele That Wouldn't Die Remington Steele
1987 Taffin Mark Taffin
The Fourth Protocol Valeri Petrofsky/James Edward Ross
1988 The Deceivers William Savage
Noble House Ian Dunross Miniseri télévisi
1989 Around the World in 80 Days Phileas Fogg Miniseri télévisi
The Heist Neil Skinner Film télévisi
1990 Mister Johnson Harry Rudbeck
1991 Murder 101 Charles Lattimore Film télévisi
Victim of Love Paul Tomlinson Film télévisi
1992 The Lawnmower Man Dr. Lawrence Angelo
Live Wire Danny O'Neill
1993 Mrs. Doubtfire Stuart Dunmeyer
Death Train Michael 'Mike' Graham Film télévisi
Entangled Garavan
The Broken Chain Sir William Johnson Film télévisi
1994 Love Affair Ken Allen
Don't Talk to Strangers Douglas Patrick Brody Film télévisi
1995 Night Watch Michael 'Mike' Graham Film télévisi
GoldenEye James Bond Nominasi — Bebungah Saturn kanggo Aktor paling apik
1996 Mars Attacks! Professor Donald Kessler
The Mirror Has Two Faces Alex
1997 Robinson Crusoe Robinson Crusoe
Tomorrow Never Dies James Bond Bebungah Saturn kanggo aktor paling apik
Nominasi — Bebungah Film Éropah dadi Outstanding European Achievement ing Dunya Sinema[50]
Dante's Peak Harry Dalton
1998 Quest for Camelot King Arthur
The Nephew Joe Brady uga dadi prodhuser
1999 Grey Owl Archibald "Grey Owl" Belaney
The World Is Not Enough James Bond Empire Award kanggo Aktor Paling apik
The Match John MacGhee uga dadi prodhuser
The Thomas Crown Affair Thomas Crown uga dadi prodhuser
2001 The Tailor of Panama Andrew Osnard
2002 Die Another Day James Bond Nominasi — Bebungah Saturn kanggo aktor paling apik
Evelyn Desmond Doyle uga dadi prodhuser
2004 After the Sunset Max Burdett
Laws of Attraction Daniel Rafferty uga dadi prodhuser èksekutif
2005 The Matador Julian Noble Nominasi — Bebungah Saturn kanggo aktor paling apik
Nominasi — Golden Globe Award kanggo Aktor Paling apik – Film Musikal utawa Komedi[51]
Nominasi — Bebungah Film lan Televisi Irlandia kanggo Aktor Paling apik kanggo Paraga Utama - Film[51]
2006 Seraphim Falls Gideon
2007 Butterfly on a Wheel Tom Ryan uga dadi prodhuser
Married Life Richard Langley
2008 Thomas and Friends: The Great Discovery Narator
Mamma Mia! Sam Carmichael Nominasi — National Movie Award for Best Performance[52]
2009 The Greatest Allen Brewer
2010 The Ghost Writer Adam Lang Nominasi — Ingkang maragani Pembantu paling apik bebungah Kritik Film London 2010
Nominasi — Satellite Award kanggo Aktor Pembantu Paling Apik– Film
Percy Jackson & the Olympians: The Lightning Thief Chiron
Remember Me Charles Hawkins
Oceans Narator Narator berbasa Inggris
2011 Salvation Boulevard Dan Day
Johnny English Reborn Ambrose Pasca produksi
The True Confessions of Charlotte Doyle Jaggery Dalam prosès
The Topkapi Affair Thomas Crown Dalam prosès

Cathetan suku[besut | besut sumber]

  1. "Brosnan's personal site". Diarsip saka sing asli ing 2013-11-02. Dibukak ing 2011-08-27.
  2. a b c d e Chutkow, Paul (December 1997). "Brosnan. Pierce Brosnan". Cigaraficionado.com. Diarsip saka sing asli ing 2008-08-29. Dibukak ing 23 Oktober 2008.
  3. "Pierce Brosnan". HELLO. Dibukak ing 2007-02-22.
  4. a b c "Pierce Brosnan". Inside the Actors Studio. Usum 9. Èpisodhe 903. 2002-11-24. Bravo. Diarsip saka sing asli ing 2007-08-09. Dibukak ing 2013-12-26.
  5. Byron Allen (host) (1993). "Pierce Brosnan: Part 2". Entertainers with Byron Allen.
  6. "Brosnan is a true Father Figure". ShowBiz Ireland. 1 Novèmber 2002. Dibukak ing 2007-02-22.
  7. Nathan, Ian (October 1997). "The Empire 100 Interview". Empire (100): 116.
  8. Butler, Karen (2007-02). "Fierce Brosnan". Irish Echo Online. Diarsip saka sing asli ing 2007-02-05. Dibukak ing 2007-02-22. {{cite news}}: Check date values in: |date= (pitulung)
  9. "Bio:Timeline". The official Pierce Brosnan site (PBFC). http://www.piercebrosnan.com/menu.php?mm=5&sm=1&pn=1. {{cite web}}: |access-date= requires |url= (pitulung); External link in |publisher= (pitulung); Missing or empty |url= (pitulung); Unknown parameter |http://www.piercebrosnan.com/menu.php?mm= ignored (pitulung)
  10. Pierce Brosnan: questions from the floor: guardian.co.uk © Guardian News and Media - 18 March 2003
  11. "Drama Centre London: Former". Central Saint Martins College of Art and Design. Dibukak ing 2007-02-22.
  12. Carrick, Peter [2002]. Pierce Brosnan. Citadel Press, hal 18–36. ISBN 0-8065-2396-4.
  13. "Manions of America". MTV Movies. Dibukak ing 2008-04-16.
  14. "Awards for Pierce Brosnan". Internet Movie Database. Dibukak ing 2007-02-22.
  15. a b c d Last, Kimberly (1996). "Pierce Brosnan's Long and Winding Road To Bond". 007 Magazine. Dibukak ing 2007-02-22.
  16. Charlie Rose (host) (1999-08-05). "Pierce Brosnan/Rene Russo". The Charlie Rose Show. PBS. {{cite episode}}: Cite has empty unknown parameters: |began=, |ended=, and |city= (pitulung)
  17. Belson, Eve (July 1993). "Pierce Brosnan: Urbane Leading Man". Orange Coast.
  18. McDonagh, Maitland (19 April 2006). "The James Bonds who might have been". TV Guide. Diarsip saka sing asli ing 25 December 2007. Dibukak ing 22 January 2014.
  19. "60 Seconds: Timothy Dalton". An interview in Metro Newspaper by Andrew Williams. 2007-02-15.
  20. Membery, York 1997 Pierce Brosnan: The New Unauthorised Biography ISBN 0-7535-0158-9
  21. The third outing of Timothy Dalton as James Bond
  22. James Berardinelli (1995). "GoldenEye". reelviews.
  23. "GoldenEye". Box Office Mojo.
  24. "1995 Worldwide Grosses". Box Office Mojo.
  25. "Box Office History for James Bond Movies". The Numbers.
  26. "Bio Basics". The official Pierce Brosnan site. PBFC. Diarsip saka sing asli ing 2008-04-04. Dibukak ing 2013-12-26.
  27. Nathon, Ian (2002-12). "Numero Uno (Die Another Day cover story)". Empire (162): 103. {{cite journal}}: Check date values in: |date= (pitulung)
  28. "Brosnan uncertain over more Bond". BBC NEWS. 2 April 2004.
  29. "Is Brosnan too old to be 007?". Daily Mail. 9 Fèbruari 2004.
  30. Rich, Joshua (27 Juli 2004). "Bond No More". Entertainment Weekly. Diarsip saka sing asli ing 2007-02-09. Dibukak ing 2014-01-22.
  31. "Brosnan: No More 007". scifi.com. 14 Oktober 2004. Diarsip saka sing asli ing 2004-11-04. Dibukak ing 2014-01-22.
  32. Brosnan, Pierce (2005-02). "The Official Pierce Brosnan site". Diarsip saka sing asli ing 2006-09-01. Dibukak ing 2014-01-22. {{cite web}}: Check date values in: |date= (pitulung)
  33. "Daniel Craig takes on 007 mantle". BBC NEWS. 2005-10-14.
  34. "Pierce Brosnan answers". The Globe and Mail. 14 Sèptèmber 2006. Diarsip saka asliné ing 2008-07-09. Dibukak ing 2014-01-22.
  35. John Anderson (22 Januari 2007). "A grittier Brosnan takes on riskier roles". International Herald Tribune. Diarsip saka asliné ing 2007-01-25. Dibukak ing 2014-01-22.
  36. "Everything or Nothing". EA Games.
  37. Murphy, Garreth (10 Mèi 2004). "Laws of Attraction". entertainment.ie. Dibukak ing 2007-02-22.
  38. "After the Sunset". Rotten Tomatoes. Diarsip saka sing asli ing 2007-02-13. Dibukak ing 2014-01-22. {{cite web}}: Cite has empty unknown parameter: |3= (pitulung)
  39. "The Matador". Rotten Tomatoes. Diarsip saka sing asli ing 2007-02-28. Dibukak ing 2014-01-22. {{cite web}}: Cite has empty unknown parameter: |3= (pitulung)
  40. Ebert, Roger (2006-01-06). "The Matador (2005)". Chicago Sun-Times. Diarsip saka sing asli ing 2007-02-02. Dibukak ing 2014-01-22.
  41. "'Brokeback Mountain' leads Golden Globe nominations". CNN. 2005-12-15.
  42. Crust, Kevin (26 Januari 2007). "Seraphim Falls". Los Angeles Times. Diarsip saka sing asli ing February 5, 2007. Dibukak ing February 6, 2014.
  43. Guider, Elizabeth (13 Dhésèmber 2005). "Duo plant a Wildflower". Variety.
  44. Thorpe, Vanessa (2006-11-26). "Race to put the passion of Dylan's Caitlin on big screen". The Observer.
  45. Turner, Robin (19 Fèbruari 2007). "Latest Dylan filem based on Milk Wood".
  46. "Welcome to Paradise! | PARADE Magazine". Parade.com. 15 Juni 2008.
  47. Fleming, Michael (17 Januari 2007). "Brosnan to turn Wise novèl into filem". Variety.
  48. "British Film Institute website".
  49. Pierce Brosnan in The Mirror Crack'd 1980
  50. "Awards for Tomorrow Never Dies". IMDb. Dibukak ing 2007-01-14.
  51. a b Pierce Brosnan Awards
  52. "Mamma Mia! leads filem award nods". BBC News. BBC. 1 Agustus 2008. Dibukak ing 6 Sèptèmber 2010.

Pranala njaba[besut | besut sumber]


Kang sadurungé
Timothy Dalton
19871989
Ingkang maragani James Bond
19952002
Kang sawisé
Daniel Craig
2006—?
Kang sadurungé
Bersama-sama
aktor lain
Ingkang maragani permainan video
James Bond

Karakter: 1997, 1999, 2002, 2004
Pengisi swara: 2004
Kang sawisé
Sean Connery
2005