Télévisi

Saka Wikipédia Jawa, bauwarna bébas abasa Jawa
Télévisi-télévisi layar lètèr lagi didol ing toko èlèktronik ing taun 2008.

Télévisi utawa TV ya iku médhium tèlèkomunikasi medium kanggo nyaluraké swara karo gambar-gambar sing obah ing monokrom / sak werna (ireng-putih), utawa ing werna-werni, lan ing dhiménsi loro utawa dhiménsi telu. TV bisa ngrujuk marang saprangkat télévisi, sawiji acara télévisi, utawa médhiumé transmisi télévisi. télévisi iku sawiji média massa, kanggo klangenan, pangajaran, pawarta, lan pangiklanan.

télévisi uwis sadhiya ing akhir taun 1920an awujud èkspèrimèn sing isih kasar. Sawisé Perang Donya II, Wujud Panyiaran TV ireng-putih sing uwis luwih apik dadi kaloka ing Amérikah Sarékat lan Britania Raya, lan prangkat-prankat télévisi dadi barang wajib ing omah-omah, padagangan, lan institusi-institusi. Nalika ing taun 1950a, télévisi iku medhium utama kanggo mangaribawani opini publik.[1] Ing tengah-tengahing taun 1960an, Panyiaran warna dikenalaké ing Amérikah Sarékat lan akèh-akèhé nagara-nagara sing uwis maju. Sadhiyaning media panyimpenan kaya ta tép VHS (1976), DVD-DVD (1997), lan Blu-ray Discs HD (2006) ngolèhaké para pamiyarsa bisa nonton acara-wujud acara sing uwis direkam sadurungé ing omahé dhéwé-dhéwé, kaya ta pilem-pilem. Ing akhiré dékade kapisaning taun 2000an, kawentarané panyiaran-panyiaran télévisi digital mundhak kanthi gedhé . Pangembangan liyané ya iku pindhé saka standard-definition television / SDTV (TV dhèfinisi standard) (576i, sing garis-garis interlaced résolusiné 576 lan 480i) dadi high-definition television / HDTV (TV dhèfinisi tingkat dhuwur), sing nyedhiani resolusi sing luwih dhuwur banget. HDTV bisa kasiaraké ing sawerna format kaya ta: 1080p, 1080i lan 720p. Awit taun 2010, pangrékaning smart television (télévisi pinter), Internet television (télévisi nganggo internét) mundhakaké sadhiyaning acara-acara télévisi lan pilem-pilem nganggo Internèt  kanthi leladèn-leladèn kaya ta Netflix, iPlayer, Hulu, Roku lan Chromecast.

Ing taun 2013, 79% somah ing sadonya dhuwé prangkat télévisi.[2] Panggantining layar saka cathode ray tube (CRT) sing lemu, setrumé gedhé dadi téknologi alternatif sing wujudé ringkes lan lètèr, ora butuh setrum sing gedhé, kaya ta plasma displays (layar plasma), LCDs ( fluorescent-backlit lan LED), lan OLED displays iku revolusi piranti kasar sing kawiwitan kanthi parèkaning monitor-monitor komputer ing akhir taun 1990an. Akèh-akèhé prangkat TV sing didol ing taun 2000an saiki uwis sing layar lètèr, biasané LEDs. Pabrik-pabrik sing gedhé mbiwarakaké prangkat-prangkat kaya CRT, DLP, plasma, lan fluorescent-backlit LCDs ora bakal digawé meneh ing tengah-tengahing taun 2010an.[3][4][5] TV jinisé LEDs dilit engkas dikarepaké bakal diganti déning OLEDs sithik mbaka sithik.[6] Pabrik-pabrik iku mau uga uwis mbiwarakaké menawa bakal mundhakaké produksi prangkat-prangkat smart télévision ing tengah-tengahing taun 2010an.[7][8][9] Smart TVs sing uwis gabung karo internét lan gunané Web 2.0 dadi format paling umumé télévisi ing akhir taun 2010an.[10]

Rujukan[besut | besut sumber]

  1. ^ Diggs-Brown, Barbara (2011) Strategic Public Relations: Audience Focused Practice p.48
  2. ^ "TVTechnology: The State of Television, Worldwide". Dijupuk 22 March 2015. 
  3. ^ Julie Jacobson (1 December 2012). "Mitsubishi Drops DLP Displays: Goodbye RPTVs Forever". Dijupuk 22 March 2015. 
  4. ^ Marshall Honorof. "LG's Exit May Herald End of Plasma TVs". Tom's Guide. Dijupuk 22 March 2015. 
  5. ^ http://www.datadisplay-group.com/fileadmin/pdf/produkte/EOL_PCN/EOL_notice_customer_CCFL_reflector120711.pdf
  6. ^ "LG Electronics expects the OLED TV market to gradually replace the LED TV market". Dijupuk 22 March 2015. 
  7. ^ "All of Sony's new smart TVs run on Android TV". The Verge. Vox Media. Dijupuk 22 March 2015. 
  8. ^ "CES 2015: New Samsung Smart TVs Will Be Powered by Tizen OS". Tech Times. Dijupuk 22 March 2015. 
  9. ^ "LG to show off webOS 2.0 smart TV at CES 2015". CNET. CBS Interactive. Dijupuk 22 March 2015. 
  10. ^ Sunday, October 24, 2010 (October 24, 2010). "Internet TV and The Death of Cable TV, really". Techcrunch.com. Dijupuk January 17, 2012. 
Sumber artikel punika saking kaca situs web: "https://jv.wikipedia.org/w/index.php?title=Télévisi&oldid=1095641"