Lilin

Saka Wikipédia Jawa, bauwarna bébas abasa Jawa
lilin di Candhi Buda

Lilin ya iku blok solid saka Wax kanthi sumbu kang tumancep disumed kanggo madhangi panggonan kang peteng, kadhang-kadhang krasa panas. Miturut sajarah, lilin digunakaké minangka metode kanggo njaga wektu. Lilin iku duwé manfaat kanggo penerangan.[1] Ananging ana uga lilin kanggo aromaterapi.[1] Lilin iki ambuné wangi lan bisa ndadékaké swasana kang nyenengaké awit ambuné kang nggawé rileks.[1] Lilin akèh maceme, lumrahé bentuké lonjong utawa silinder.[1] Ananging ana uga lilin kang bentuké warna-warna.[1]

lilin ulang taun

Balikpapan, Sorong lan Plaju kalebu laladan penyuplai bahan baku lenga bumi kanggo nggawé lilin.[2] Saliyané iku bahan baku kanggo nggawé lilin uga bisa diimpor saka nagara Cina.[2] Bahan baku kanggo nggawé lilin saka olahan lenga bumi kang diarani paraffin.[2]

Lilin Natal[besut | besut sumber]

Wis dadi tradisi tumprap umat Kristen nalika ibadhah Natal mesti ana penyalaan lilin kanthi massal.[3] Moment iki kalebu momen wajib ing acara Natal.[3] Lilin nglambangaké Kristus kang bisa dadi pepadhanging donya.[3] Nalika penyalaan lilin, lampu-lampu dipateni. Swasana kang kaya mengkené sang saya gawé hikmat lan trenyuh tumprap ibadhah Natal.[3] Saliyané nguripake lilin para umat Kristen uga nyanyekaké lagu Malam Kudus.[3]

Geni[besut | besut sumber]

Nalika kena panas paraffin kang ora kebakar bakal terurai.[4] Paraffin iki dadi partikel-partikel karbon kang cikil banget.[4] Partikel-partikel iki amarga kena panas saka pembakaran bakal berpendar, lan cahyané rupané kuning padhang.[4] Nalika partikel-partikel karbon lan ngetokaké cahya kang paling padhang, méh kabéh éntuk oksigen kang nggawé geni saya padhang.[4] Kadadéan iki padha karo lampu lenga liun utawa lenga gas, kertas kang dibakar, api unggun, alas kobong, omah kobong, kabéh iku mau duwé geni kang wernané kuning.[4] Ananging amarga udara ora bisa rikat ngalir kanggo nggawé bahan bakar kebakar mulané kabéh bakal dadi karbondioksida lan banyu.[4]

Lilin dianggep duwé makna éndah, romantis.[5] Ananging geni lilin uga bisa mbebayani.[5] Geni kang panas iki bisa ngobong omah, luwih-luwih yèn omahé digawé saka kayu lan ana angin gedhé.[5] Rong prekara iki kang njalari omah kebakar amarga geni lilin.[5] Lilin kena diuripké lan diséléhaké panggonan kang aman saéngga ora njalari kebakaran.[5]

Cathetan suku[besut | besut sumber]

  1. ^ a b c d e balihandicraft.web.id(dipunundhuh tanggal 24 Mèi 2011)
  2. ^ a b c bandung.detik.com(dipunundhuh tanggal 24 Mèi 2011)
  3. ^ a b c d e sosbud.kompasiana.com(dipunundhuh tanggal 25 Mèi 2011)
  4. ^ a b c d e f isidunia.com(dipunundhuh tanggal 25 Mèi 2011)
  5. ^ a b c d e metrotvnews.com(dipunundhuh tanggal 25 Mèi 2011)