Casino Royale (filem 2006)

Saka Wikipédia Jawa, bauwarna bébas abasa Jawa
Casino Royale
Casino Royale 2 - UK cinema poster.jpg
Poster film Casino Royale
Disutradarani Martin Campbell
Diprodhuseri Michael G. Wilson
Barbara Broccoli
Diskénariyoni Paul Haggis
Neal Purvis
Robert Wade
Adhedhasar Casino Royale
déning Ian Fleming
Dibintangi Daniel Craig
Eva Green
Mads Mikkelsen
Judi Dench
Jeffrey Wright
Giancarlo Giannini
Dimusiki David Arnold
Sinématografi Phil Méheux
Dibesut déning Stuart Baird
Perusahaan
prodhuksi
EON Productions
Stillking Films
Babelsberg Studio
Dibabar déning Metro-Goldwyn-Mayer
Columbia Pictures
Tanggal metu
  • 14 Novèmber 2006 (2006-11-14) (kutha London)
  • 17 Novèmber 2006 (2006-11-17) (Karajan Manunggal lan Amérika Sarékat)
Suwéné
144 menit
Nagara Karajan Manunggal
Amérika Sarékat[1]
Basa Basa Inggris
Rantaman $150 yuta[2]
Kalarisan $599,045,960[3]

Casino Royale inggih punika filem kaping selikur saking seri film James Bond ingkang dipundamel déning EON Productions, Stillking Films lan Babelsberg Studio. Filem punika dipunsutradarani Martin Campbell, adhedhasar skénario anggitanipun Paul Haggis, Neal Purvis lan Robert Wade, dipunangkat saking novèl asesirah Casino Royale anggitanipun Ian Fleming. Wondéné juru damel filem punika Michael G. Wilson lan Barbara Broccoli. Ingkang maragani filem punika antawisipun Daniel Craig, Eva Green, Mads Mikkelsen, Judi Dench, Jeffrey Wright, lan Giancarlo Giannini.

Casino Royale punika filem kaping pisan kagemipun Daniel Craig minangka agèn 007 James Bond, nggantosi Pierce Brosnan. Ugi filem kaping gangsal saking Judi Dench minangka M lan kapisan sayuk karya kaliyan Daniel Craig. Casino Royale dipungiyaraken kaping pisan ing London surya 14 Novèmber 2006 lan dipunbabar ing Inggris lan Amérika Sarékat surya 17 Novèmber 2006. Sasampunipun kababar, filem punika pikantuk pangalembana saking sagung pamirsa lan juru kritik.

Lelampahan[besut | besut sumber]

Ing filem punika kacariyosaken bilih James Bond (Daniel Craig) ngayahi jejibahan minangka telik sandhi, ngindhik-indhik satunggalipun téroris saking Madagaskar, Mollaka (Sebastien Foucan). Amargi mboten jumbuh kaliyan ingkang dipunkajengaken, lajeng Bond ngayahi jejibahan punika piyambakan, madosi lan ngempalaken katrangan ngengingi teroris saking M-16.

Kanthi nyepeng katrangan punika, lajeng Bond tumuju wonten Nassau, Bahamas saperlu manggihi Alex Dimitrios (Simon Abkarian) lan pacanganipun, Solange (Caterina Murino). Bond ugi mangertos bilih Dimitrios wonten sesambetan kaliyan Le Chiffre (Mads Mikkelsen), salah satunggalipun juragan bank lan cukong ingkang kathah ngragati kagiyatan para teroris sadonya.

Adhedhasar laporan saking intelijen, Le Chiffre ngrancang lan ngempalaken ardhana lumantar kagiyatan main (judi) kanthi totohan inggil ing Le Casino Royale i Montenegro. Bond, sesarengan Vesper Lynd (Eva Green), René Mathis (Giancarlo Giannini) lan agèn CIA Felix Leiter (Jeffrey Wright), dipundhapuk ngasoraken Le Chiffre ingkang badhé ngobrak-abrik pranatan organisasi punika.

Ingkang maragani[besut | besut sumber]

Latar wingking[besut | besut sumber]

Film Casino Royale nampi pangalembana saé saking para pamirsa lan juru kritik. Adhedhasar cathetan saking Rotten Tomatoes, 91% pamirsa filem punika remen, adhedhasar 246 praté juru kritik, kanthi rata-rata 7.9/10.[4] Wondéné ing Metacritic, filem punika pikantuk biji 80 saking 100, adhedhasar pratélanipun 46 juru kritik.[5] CinemaScore maringi filem punika biji "A-" saking para pamirsa, antawisipun A+ dumugi F.[6]

Filem Casino Royale kasil ngempalaken arta $167,445,960 saking Amérika Lèr lan $431,600,000 ing nagari sanès. Gunggung pangempalan arta ngancik $599,045,960, nglangkungi wragad ingkang namung medal $150 yuta.[3] Ing panggiyaran Setu dalu, filem punika ngempalaken $40,833,156, mlebet urutan kaping kalih box office sasampunipun Happy Feet.[3]

Rujukan[besut | besut sumber]

  1. ^ "CASINO ROYALE (2006)". Film & TV Database. London: British Film Institute. Dijupuk May 6, 2012. 
  2. ^ Randee Dawn (11 November 2008). "'Quantum' is Marc Forster's 007 art film". The Hollywood Reporter. Diarsip saka sing asli ing November 13, 2008. Dijupuk November 13, 2008. 
  3. ^ a b c "Casino Royale (2006)". Box Office Mojo. Dijupuk October 20, 2016. 
  4. ^ "Casino Royale (2006)". Rotten Tomatoes. Dijupuk October 20, 2016. 
  5. ^ "Casino Royale reviews". Metacritic. Dijupuk October 20, 2016. 
  6. ^ "CinemaScore". cinemascore.com. 

Pranala njawi[besut | besut sumber]