Millard Fillmore

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Millard Fillmore
Millard Fillmore

Masa jabatan
9 Juli 1850 – 4 Maret 1853
Wakil Presiden Ora ana
Sadurungé Zachary Taylor
Pengganti Franklin Pierce

Masa jabatan
4 Maret 1849 – 9 Juli 1850
Presiden Zachary Taylor
Sadurungé George M. Dallas
Pengganti William R. King

Lahir 7 Januari 1800
Summerhill, New York
Meninggal 8 Maret 1874 (umur 74)
Buffalo, New York
Kebangsaan Amerika
Partai politik Anti-Masonic, Whig, Amerika
Suami/Istri Abigail Powers Fillmore (istri ka-1)
Mrs. Caroline Carmichael McIntosh (istri ke-2)
Almamater New Hope Academy
Pekerjaan Pengacara
Agama Unitarian
Tanda tangan Millard Fillmore's signature

Millard Fillmore (lair ing Summerhill, New York, 7 Januari 1800 – tilar donya ing Buffalo, New York, 8 Maret 1874 kanthi umur74 taun) yaiku Presidèn Amerika Serikat ke-13, njabat ing taun 1850-1853.[1] Sadurungé, panjenengané njabat dadi wakil presiden Amérika Sarékat.[2] Panjenegané dadi presiden amarga konstitusi Amerika, nggantekaké Presiden Zachary Taylor sing tilar donya amarga penyakit gastroenteritis sing parah. Millard Filmore njabat telong taun, saka taun 1850 tekan 1853. Panjenegané yaiku anggota Whig lan semangsa njabat dadi presidhèn ora didampingi dening wakil presidhèn. Penjenengané kacatet minangka Presiden Amerika Serikat keloro sing tilar donya nalika njabat sadurungé dilantik minangka presidhèn.[3]

Mllard Fillore lair nalika tanggal 7 Januari 1800 ing kutha cilik negara bagian New York ing njero pondok sing digawé saka batang kayu ing nduwur kebon sing dibukak lan digarap dening bapaké dhewé.[4]

Millard nalika cilik sithik banget entuk kesempatan kanggo ngecap pendhidhikan, ananging panjenengané tekun sinau hukum. Ing imur 23 taun , panjenengané oleh izin kanggo mbukak praktik hukum. Kanthi cepet panjenengané narik perhatiané politikus - politikus ing New York, salah siji ing antarané mengaruhi Millard Fillmore kanggo makarya ing bidang politik.[5]

Ing taun 1832, nalika yuswané 32 taun, Millard Fillmore kapilih kanggp dadi anggota Dewan Perwakilan Rakyat Amerika, jabatan sing panjenengané geluti sasuwéné wolong taun.[6]

Ing taun 1844, panjenengané nyalonake dhiri kanggo dadi gubernur New York, ananging ora kasil, sabanjuré bali meneh nekuni praktik hukum. Petang taun salanjuté, panjenegané dicalonaké dadi calon presidhen dening Partai Whig, lan entul kamenangan ing pamilihan umum.[7] Panjenengané dadi ketua perdebatan sengit ing senat masalah persoaan-persoalan perbudakan lan status daerah-daerah anyar sing dimenangaké ing Perang Meksiko 1846-1848. Sikapé sing ora mihak karo rong golongan minangka pengaruh sing menangaké suasana.

Miturut konstitusi Amerika, Millard Filmore disahaké dadi presidhen ing 10 Juli 1850, nggantekaké Presidhen Zachary Taylor sing tilar donya. Ing wektu kuwi masalah perbudakan wés mecah belah Amerika. Strategi politiké kanggo nggabungaké pihak-pihak sing pada nentang wés mbiyantu ngundur Perang Sedulur (sing akhire pecah ing taun 1861).

Sawisé panjenengané dadi presidhen, Millard Fillmore ngirim pesen kanggo Kongres, ndukung salah sijining rencana kanggo kompromi masalah perbudakan.[8] Rencana kuwi sabanjuré ditampa lan dikenal minangka Kompromi 1850. Undang undang kuwi isiné limang rancangan nukokaké budak sing didol ing ibukota Amerika. Ing pelaksanaané sing atos salah sijining undang-undang kuwi, panjenengané kelangan akeh dukungan saka partainé. Saingga panjenengané kalah ing pamilihan kanggo dadi calon presidhen manèh. Telong taun sawisé panjenengané ninggalaké Gedung Putih, panjenengané dadi calon presidhen saka partai liya, sing panjenengané mlebu dadi anggota, ananging panjenengané ora kasil dipilih. Lekas kuwi panjenengané dadi salah sijining non-partai. Sanadyan mangkono, panjenengané terus ndukung usaha kanggok nengahi lan kompromi masalah-masalah perbudakan, pendiriané sing nentang panggunaan kekerasan nyebabaké panjenengané kelangan akèh kanca-kancané. Akhiré panjenengané mandek saka kegiatan kemasyarakatan.

Ing 8 Maret 1874, Millard Filmore tilar donya ing yuswa 74 taun ing keadaan lumpuh. Presidhen Millard Filmore ninggalake siji putra lan siji putri saka garwané sing kapisan, sing tilar donya ing taun 1853. Saka garwané sing keloro panjenengané ora nduwèni putra[9].

Referensi[sunting | sunting sumber]

  • Buku Presiden - Presiden Amerika Serikat, diterbitake dening Dinas Penerangan lan Kebudayaan Amerika Serikat, Jakarta (2003)

Deleng uga[sunting | sunting sumber]

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Millard_Fillmore&oldid=877132"