Karl Ferdinand Braun

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ferdinand Braun.

Karl Ferdinand Braun (lair ing Fulda, Fulda, Hessen, Jerman, 6 Juni 1850 – tilar donya ing New York, Amerika Serikat, 20 April 1918 kanthi umur67 taun) inggih punika salah satunggaling fisikawan Jerman.[1]

Biografi[sunting | sunting sumber]

Braun sinau wonten ing Universitas Marburg lan pikantuk gelar wonten ing Universitas Berlin nalika taun 1872. Piyambakipun dados direktur ing Lembaga Fisika lan profesor fisika wonten ing Strasbourg (1895). [2]

Nalika taun 1897, piyambakipun damel osiloskop tabung sinar katode kapisanan. Teknik punika dipunginakaken déning sapérangan ageng piranti TV lan monitor komputer. Tabung katode taksih dipunsebut "tabung Braun" (Braunsche Röhre) wonten ing negara penutur basa Jerman (lan wonten ing Jepang: Buraun-kan).[3]

Nalika taun 1909 Braun pikantuk Penghargaan Nobel bidang Fisika kaliyan Guglielmo Marconi kanggé "sumbangan wonten ing pengembangan telegrafi nirkabel."

Nalika wiwitan Perang Dunia I Braun pindhah dhateng Amerika Serikat saperlu njagi stasiun nirkabel Jerman ingkang dumunung ing Sayville (Long Island) saking serangan déning Marconi Corporation ingkang dipunkendhalikaken Inggris (wekdal punika Amerika Serikat déréng mandhap ing salebeting perang).

Braun séda wonten ing dalemipun ing daerah Brooklyn sadéréngipun perang pungkasan, nalika taun 1918.

Karier lan Lampahaning Gesangipun[sunting | sunting sumber]

Karl Ferdinand Braun miyos nalika tanggal 6 Juni 1850 wonten ing Jerman. Bapakipun salah satunggaling pegawé pengadilan ing Fulda (Jerman).

Braun kagungan sipat skeptis lan kepéngén mangertosi sedaya bab ingkang kiat babagan kadadosan-kadadosan wonten ing alam ingkang dipunpanggihaken. Piyambakipun remen sanget kaliyan ilmu fisika lan filsafat. Sabibaripun lulus sekolah, piyambakipun pesthi nyinaoni filsafat lan kasil pikantuk gelar doktor ing bidang punika. Ananging remenipun wonten ing bidang fisika boten dipuntilar.[4]

Wonten ing taun 1872-1885, kaliyan nggarap ing bidang fisika, piyambkipun dados guru fisika ing sekolah menengah wonten ing Leipzig, lajeng dados dosen ing Marburg, Strasbourg lan Karlsruhe. Kejawi ngajar, piyambakipun ugi remen nyerat artikel ilmu pengetahuan modern wonten ing kalawarti Die Fligenden Blatter.

Kejawi punika, piyambakipun ugi nyerat buku ingkang judul Der Junge Mathematiker und Naturforscher. Braun pesthi manggihaken bab-bab ingkang énggal, antawisipun, piyambkipun ngrembakakaken sajinis pirometer listrik kanggé ngukur suhu ingkang inggil, nemtokakane minggahipun suhu bumi lumantar "lubang-lubang galian" ingkang jero lan manggihaken dampak pelurus wonten ing semikonduktor ingkang minangka dhasar kanggé elektronika modern. Amargi jasanipu ugi, saéngga transistor lan diode saged kagungan fungsi. Sadangunipun gesang wonten ing Eropa (Jerman) piyambakipun boten asring wonten dalem.

Braun palakrama nalika taun 1885 lan sabibaripun palakrama, piyambakipun nindakaken riset keliling Eropa, Amerika lan gurun Sahara ing Afrika. Sakonduripun saking negara-negara kasebut ing taun 1897, piyambakipun nayangaken panggihanipun ingkang cekap modern wekdal punika.[5]

Temuan punika boten sanés inggih punika tabung gambar, inggih punika tabung ingkang saged nyerap sinyal-sinyal ingkang dipunwujudaken ing bentuk gambar. Temuan punika dipunpopuleraken lan dipunpublikasikaken ing ngajengipun para mahasiswa Universitas Strasbourg.

Bibliografi[sunting | sunting sumber]

  • (en) Friedrich Kurylo e Charles Susskind. Ferdinand Braun, a Life of the Nobel Prizewinner and Inventor of the Cathode-Ray Oscilloscope. Cambridge, MIT Press, 1981. ISBN 0-262-11077-6
  • Artikel "Mengenal Mereka Yang Berjasa Pada Ilmu Pengetahuan", Suara Karya edisi 1989

Cathetan Suku[sunting | sunting sumber]

Delengen Uga[sunting | sunting sumber]