Masatoshi Koshiba

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Masatoshi Koshiba
Masatoshi Koshiba
Miyos 19 September 1926 (umur 88)
Toyohashi, Aichi, Jepang
Kabangsan Jepang
Bidhang Fisika
Lembaga University of Chicago
University of Tokyo
Tokai University
Lulusan saking University of Tokyo
University of Rochester
Doktoral advisor Morton F. Kaplon
Other academic advisors Takahiko Yamanouchi
Doctoral students Yoji Totsuka
Kaahlian Astrophysics, neutrinos
Notable awards Penghargaan Humboldt (1997)
Penghargaan Wolf (2000)
Penghargaan Nobel Fisika (2002)

Koshiba, Masatoshi (小柴 昌俊 utawi Koshiba Masatoshi, miyos 19 September 1926 wonten ing Toyohashi, Prefektur Aichi) inggih punika salah satunggaling fisikawan Jepang ingkang menangaken Penghargaan Nobel bidang Fisika nalika taun 2002[1] sesarengan kaliyan Raymond Davis, Jr lan Riccardo Giacconi.[2]

Masatoshi lulus saking Universitas Tokyo rikala taun 1951 lan nglajengaken riset wonten ing pendidikan sarjananipun. Nalika taun 1955, piyambakipun pikantuk Ph.D. wonten ing bidang fisika saking Universitas Rochester, New York City.

Saking taun 1955 dumugi taun 1958, piyambakpiun ngawontenaken risét wonten ing Jurusan Fisika wonten ing Universitas Chicago minangka Kolega Riset. Nalika taun 1958 dumugi taun 1963 Dr. Koshiba wangsul dhateng Universitas Tokyo minangka Lektor Kepala wonten ing Institut Studi Nuklir. Ugi, sadangunipun wekdal punika, wiwit saking taun 1959 dumugi taun 1962, sadangunipun ninggalaken Universitas Tokyo, piyambakipun minangka Kolega Riset Senior kanthi jabatan kehormatan Lektor Kepala lan Direktur Pelaksana Laboratorium Fisika Energi Tinggi lan Radiasi Kosmik wonten ing Universitas Chicago.[3]

Wiwit saking taun 1963 dumugi ing taun 1970, Dr. Koshiba inggih punika minangka Lektor Kepala wonten ing Jurusan MIPA, Fakultas MIPA, wonten ing Universitas Tokyo.

Dr. Koshiba tetep wonten ing Universitas Tokyo sadangunipun 17 taun salajengipun dumugi 1987. Sadangunipun njabat dados Direktur, Laboratorium Fisika Energi Tinggi saking taun 1974 dumugi ing taun 1976; Direktur, Laboratorium Kolaborasi Internasional wonten ing Fisika Unsur Dasar saking taun 1976 dumugi ing taun 1984; lan Direktur, Pusat Fisika Unsur Dasar Internasional saking taun 1984 dumugi ing taun 1987. Kanthi pakurmatan piyambakipun dipunanugrahi jabatan Profesor Emeritus Universitas Tokyo nalika taun 1987.[4]

Sabibaripun mundur saking Universitas Tokyo nalika taun 1987, Dr. Koshiba dados guru besar wonten ing Universitas Tokai dumugi ing taun 1997. Sadangu masa punika, wiwit saking 1995 dumugi ing taun 1997, piyambakipun dipunangkat saperlu makarya wonten ing Amerika Serikat minangka Director of Washington Liaison Office, Perkumpulan Jepang kanggé Kemajuan Ilmu Pengetahuan.

Pengangkatan akademik sanésipun kalebet: Guru Besar Tamu wonten ing DESY lan Universitas Hamburg (1987); Profesor Tamu, CERN (1987-1988); Guru Besar Tamu Kehormatan, Chicago University (1989); Dosen Pengawas, Institut Teknologi California (1994); Sarjana Tamu Kehormatan, Universitas George Washington (1996-1997); lan 1998-1999 inggih punika wonten ing Alexander von Humboldt Preistrager wonten ing DESY ing daerah Hamburg, Max-Planck-Institut für Kernphysik wonten ing Heidelberg, and Max-Planck Institut für extraterrestrische Physik wonten ing Garching.

Sakmenika, Dr. Koshiba inggih punika minangka Konselor kanggé Pusat Fisika Unsur Dasar Internasional, Universitas Tokyo. Piyambakipun minangka salah satunggaling anggota saking American Physical Society, Physical Society of Japan, lan Japanese Astronomical Society.

Dr. Koshiba sampun kagungan peran utama wonten ing eksperimen fisika sinar kosmik, mliginipun Kamiokande, detektor wonten ing Jepang ingkang pas sanget nyathet wekdal karawuhan, energi, lan arah neutrino ingkang mlebet, lan Super-Kamiokande, kados déné percobaan wonten ing fisika energi tinggi migunakaken penabrak positron-elektron kanthi energi ingkang paling inggil.

Cathetan Suku[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=Masatoshi_Koshiba&oldid=835983"