Pierre Curie

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Disambig.svg
Pierre Curie
PierreCurie.jpg
Miyos 15 Mei 1859
Paris, Prancis
Tilar donya 19 April 1906 (umur 46)
Paris, Prancis
Kabangsan Prancis
Bidhang Fisika
Lulusan saking Sorbonne
Doctoral students Paul Langevin
André-Louis Debierne
Marguerite Catherine Perey
Kaahlian Radioaktivitas
Notable awards Bebungah Nobel bidang Fisika (1903)
Cathetan
Palakrami kaliyan Marie Curie (m. 25 Juli 1895), putrinipun inggih punika Irène Joliot-Curie lan Ève Curie.

Pierre Curie (lair ing Paris, 15 Mei 1859 – tilar donya ing Paris, 19 April 1906 kanthi umur46 taun) punika satunggiling pionir salebetipun bidang kristalografi, magnetisme, lan radioaktivitas kanthi kabangsaan Prancis.

Sasampunipun ngrampungaken pendhidhikan sarjananipun nalika yuswa 18 taun, panjenenganipun nyambut damel minangka satunggiling instruktur laboratorium. Nalika taun 1881, Pierre lan sedhèrèk kakungipun, Jacques kasil ndhémonstrasikaken bilih kristal-kristal saged lumer nalika dipun ilèni medan listrik. Mèh sedaya sirkuit listrik digital sapuniki migunaaken lampahan puniki salebetipun wangun osilator kristal.

Pierre Curie nyinaoni ferromagnetisme, paramagnetisme, lan diamagnetisme kanggé tesis doktoratipun, lan manggihaken pangaruh suhu dhumateng paramagnetisme ingkang sapuniki dipun tepangi minangka Hukum Curie. Panjenenganipun nyambut damel kaliyan èstrinipun, Marie Curie salebetipun ngisolasi polonium lan radium. Kekalihipun punika tiyang-tiyang sepindhah ingkang migunaaken istilah 'radioaktivitas', lan arupi panggagas salebetipun bidang kasebat.

Pierre lan salah setunggil muridipun ugi arupi tiyang sepindhah ingkang manggihaken tenaga nuklir, liwat idhèntifikasi dhumateng pamedalan panas ingkang teras saking partikel-partikel radium.

Sesarengan kaliyan èstrinipun, Marie, Pierre dipun anugerai Bebungah Nobel bidang Fisika nalika taun 1903 minangka "pangakenan dhumateng jasa-jasa ngéramaken ingkang sampun kekalihipun lampahi salebetipun panlitèn ngenani fenomena radiasi ingkang dipunpanggihaken déning Professor Henri Becquerel."

Pierre tilar donya amargi kacilakan kendharaan ing Paris tanggal 19 April 1906.

Putri Pierre lan Marie Curie, Irène Joliot-Curie, sarta mantunipun, Jean Joliot-Curie ugi arupi fisikawan-fisikawan ingkang tumut salebetipun panlitèn radioaktivitas.

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Pierre_Curie&oldid=829257"