Pavel Alekseyevich Cherenkov

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Cherenkov

Pavel Alekseyevich Cherenkov (basa Rusia: Павел Алексеевич Черенков, 1904-1990) inggih punika salah satunggaling fisikawan Uni Soviet ingkang ngamati radiasi saking partikel berenergi inggil ingkang mlampah langkung cepet tinimbang kecepatan cahaya wonten ing medium punika. Andharan teoretis kanggé efek Cherenkov sampun dipunandharaken déning Ilya Frank lan Igor Tamm. Tiyang 3 punika pikantuk Penghargaan Nobel bidang Fisika taun 1958 kanggé penemuan punika. Nama Cherenkov kadang kala dipunserat minangka Cerenkov.[1]

Biografi[sunting | sunting sumber]

Pavel Alekseyevich Cherenkov miyos wonten ng desa alit wonten ing Novaya Chigla, sakmenika Voronezh Oblast, Rusia, nalika tanggal 28 Juli 1904. Tiyang sepuhipun, Aleksei lan Mariya Cerenkov,[2] inggih punika satunggaling petani.[3]

Piyambakipun lulus saking Departmen Fisika lan Matematika ing Universitas Negeri Voronezh taun 1928, taun 1930 piyambakipun kagungan tugas minangka ahli riset senior wonten ing Institut Fisika Lebedev ing Akademi Sains Uni Soviet. Cherenkov minggah jabatan dados kepala bagian, lan taun 1940 piyambakipun dipunhadhiahi gelar Doktor Sains Fisika Matematika. Taun 1953 piyambakipun dipuntampi minangka Profesor Fisika Eksperimental. Kawiwitan taun 1959, piyambakipun mandégani laboratorium institut proses foto-meson. Piyambakipun tetep dados profesor sadangunipun 14 taun. Taun 1970 piyambakipun dados Akademisi ing Akademi Sains Uni Soviet.[4]

Penemuan bidang Fisika[sunting | sunting sumber]

Taun 1934, nalika makarya ing ngandhapipun S.I. Vavilov, Cherenkov ngamati emisi cahaya biru saking sawijining botol toya ingkang dipuntindakaken kanggé pengeboman radioaktif. Fenomena punika, dipunasosiasikaken kaliyan muatan partikel atom bergerak wonten ing kecepatan ingkang langkung inggil tinimbang kecepatan cahaya wonten ing medium lokal, dipunbuktikaken dados wigati sanget wonten ing kerja eksperimental salajengipun wonten ing fisika nuklir, lan kanggé studi wonten ing sinar kosmik. Lajeng, punika dipunsukani nama efek Cherenkov, kados detektor Cherenkov, ingkang sampun dados kethokan standar kapreluan wonten ing riset atom saperlu ngamati kawontenan lan kecepatan partikel ingkang kagungan kecepatan inggil. Piranti kasebut kapasang wonten ing Sputnik 3. Radiasi Cherenkov kapisanan dipuntliti déning Marie Curie lan Pierre Curie nalika wiwitan abad 20. Efek kasebut dipunsukani nama miturut Pavel Alekseyevich Cherenkov, ingkang nalika taun 1958 menangaken Penghargaan Nobel saperlu dados ingkang kapisanan kanthi kaku saperlu nemtokaken sifat-sifatipun. Radiasi elektromagnetik punika dipunsebabaken déning partikel ingkang kagungan muatan ingkang ébah lumantar material dielektrik kanthi kecepatan, Vc , ingkang langkung ageng tinimbang cahaya dwonten ing materi kasebut.

                                     Vc>VL = c/n(λ)

ing pundi vL minangka "kecepatan cahaya" wonten ing medium, c minangka "kecepatan cahaya" wonten ing vakum lan n(λ) minangka indeks bias. Partikel kasebut dipunkenal dados superluminal. Setunggal analogi umum wonten ing efek dentuman sonik, cahaya mbentuk gelombang kejut kerucut ingkang asalipun saking lokasi partikel bermuatan.

Detektor Cherenkov, ugi dipunsebut pencacah, dipundesain saperlu ngempalaken radiasi lan salajengipun kanggé ngasilaken sinyal listrik migunakaken sensor cahaya kados tabung fotomultiplayer. Detektor kasebut mlebet ing sapérangan bentuk ingkang benten lan kanthi umum dipunmligikaken saperlu kabetahan spesifik saking penerapanipun.[5]

Detektor Cherenkov dipunginakaken saperlu nyinaoni fisika energi inggil kados wonten ing fisika nuklir lan fisika sinar kosmik. Sapérangan tuladha inggih punika Sudbury Neutrino Observatory lan Super Kamiokande, kekalihipun kagayut wonten ing studi neutrino.

Pavel Cherenkov ugi mbagi wonten ing pangembangan lan perancangan pemercepat elektron lan wonten ing penyelidikan reaksi fotonuklir lan fotomeson.

Hadhiah lan Penghormatan[sunting | sunting sumber]

Cherenkov dipunhadhiahi sajumlah Penghargaan Negeri Uni Soviet, kapisan taun 1946, pikantuk penghormatan kasebut kaliyan Vavilov, Frank lan Tamm, lan ingkang kalih sanésipun taun 1952, lan 1977 saperlu usaha piyambakanipun. Taun 1958 piyambakipun dipunhadhiahi Penghargaan Nobel bidang Fisika kanggé penemuan Cherenkov. Piyambakipun ugi dipunhadhiahi titel Pahlawan Buruh Sosialis Uni Soviet taun 1984.[6]

Cathetan Suku[sunting | sunting sumber]


Pranala Njaba[sunting | sunting sumber]