James Franck

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
James Franck

James Franck (lair 26 Agustus 1882 – tilar donya 21 Mei 1964 kanthi umur81 taun) inggih punika salah satunggaling fisikawan Jerman ingkang pikantuk Penghargaan Nobel bidang Fisika sesarengan kaliyan Gustav Ludwig Hertz taun 1925 kanggé "penemuan" kekalihipun ing hukum ingkang nemtokaken dapak elektron tumrap atom.[1]

James Franck miyos wonten ing kutha Hamburg, Jerman. Piyambakipun sinau kimia antawis setunggal taun wonten ing Universitas Heidelberg, lan salajengipun sinau fisika wonten ing Universitas Berlin, ing pundi piyambakipun pikantuk gelar doktor taun 1906. Nalika taun 1911, piyambakipun pikantuk kedudukan dosen fisika wonten ing Universitas Berlin, ing pundi piyambakipun tetep wonten ing mrika dumugi taun 1918. Antawis taun 1912-1914, Franck makarya kanthi intensif babagan [eksperimen Franck-Hertz kaliyan Gustav Ludwig Hertz. Riset punika madosi saperlu nliti tingkat energi atom kanthi ékspériméntal. Panalitén punika minangka penegasan wigati babagan model atom Bohr, kaliyan elektron ingkang ngubengi inti atom kaliyan energi spesifik lan diskret. Franck kaliyan Hertz mbuktikaken bilih atom namung saged nyerap energi wonten ing jumlah tartamtu. [2]

Sadangunipun Perang Dunia I, Franck dipuntugasi wonten ing Freikorps. Sasampunipun PD I pungkasan, Franck dados pandéga wonten ing Divisi Fisika wonten ing Institut Kaiser Wilhelm kanggé Kimia Fisika ing daerah Berlin-Dahlem. Satunggal taun candhakipun, taun 1920, Frank pindhah dhateng Universitas Göttingen saperlu dados Profesor Fisika Eksperimental lan Direktur Institut Fisika Eksperimental ingkang angka kalih.[3]

Nalika taun 1925, Franck pikantuk Hadhiah Nobel Fisika, ingkang dipuntampi sesarengan kaliyan Hertz, kanggé pakaryanipun wonten ing bidang fisika kuantum. Mekanika kuantum nggih punika teori fisika fundamental ingkang nambahi jembar, ngleresaken lan manunggalaken mekanika Newton lan elktromagentisme Maxwell, wonten ing tingkat atom lan subatom. Franck lan Hertz ngamati gerakan elektron bebas wonten ing manéka jinis gas lan pangaruh ingkang wonten ing elektron punika wonten ing fungsi atom.

James Franck, Chicago 1952

Sasampunipun Nazi dados panguwasa wonten ing Republik Weimar, Franck nuju dhateng Amerika Serikat nalika taun 1933. Ingkang kapisanan piyambakipun dumunung wonten ing Baltimore, Maryland ing pundi piyambakipun dados Speyer Professor wonten ing Universitas John Hopkins. Lajeng piyambakipun wangsul malih dhateng Eropa antawis setunggal taun, saperlu dados dosen tamu wonten ing Kopenhagen, Denmark. [4]

Nalika taun 1935, Franck wangsul malih dhateng John Hopkins University minangka Profesor Fisika. Piyambakipun ninggalaken kedudukan punika taun 1938, saperlu nampi gelar profesor wonten ing kimia fisika ing Universitas Chicago. Nalika taun 1947, University of Chicago maringi Franck jabatan profesor emeritus. Dumugi ing taun 1956, Franck terus makarya wonten ing Chicago minangka Kepala Grup Riset Fotosintesis. Inggih punika ketua Komite Permasalahan Politik dan Sosial ingkang gegayutan kaliyan bom atom; ingkang kalebet Donald J. Hughes, J. J. Nickson, Eugene Rabinowitch, Glenn T. Seaborg, J. C. Stearns lan Leo Szilard. Komite punika misuwur amargi pangumpulan “Laporan Franck”, dipunpungkasaken tanggal 11 Juni 1945, ingkang minangka ikhtisar saking perkawis-perkawis ingkang gegayutan kaliyan lamaran militer dhateng bom atom. Wonten ing laporan punika, Franck ndesak Departemen Perang migunakaken senjata wonten ing lokasi ingkang boten wonten penghuninipun utawi maringi pengetan dhateng mungsuh sadéréngipun ngluncuraken bom. [5]

Kejawi pikantuk Hadhiah Nobel, piyambakipun dipunanugrahi Medali Max Planck saking Masyarakat Fisika Jerman taun 1951. Nalika taun 1955, kanggé karyanipun babagan fotosintesis, Franck pikantuk Rumford Medal saking American Academy of Arts and Sciences. Pungkasanipun, taun 1964, piyambakipun dipunangkat minangka Anggota Asing Royal Society ing London.

Franck séda wonten ing daerah Gottingen, Jerman.

Cathetan Suku[sunting | sunting sumber]

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=James_Franck&oldid=836041"