Alfred Kastler

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Alfred Kastler

Alfred Kastler
Lair 3 Mei, 1902
France Guebwiller, Haut-Rhin, Prancis
Pati 7 Januari, 1984
Bandol, Var, Prancis
Kabangsan France Prancis
Babagan Fisika
Notable awards Nobel bidang Fisika (1966)

Alfred Kastler (lair ing Guebwiller, Haut-Rhin, Prancis, 3 Mei 1902 – tilar donya ing Bandol, Var, Prancis, 7 Januari 1984 kanthi umur81 taun) inggih punika fisikawan asal Prancis saking katurunan Jerman, nalika taun 1966 asmanipun Alfred Kastler kaserat wonten ing Penghargaan Nobel bidang Fisika.[1]

Kastler punika nimba kawruh wonten ing Lycée Bartholdi, Colmar, Alsace, sasampunipun ngulawentah saking mriku penjenenganipun nglajengaken sekolah ing Ecole Normale Superieure Paris taun 1921.[2] Sasampunipun ngulawentah ngantos taun 1926, penjenenganipun ngasta fisika wonten ing Lycée Mulhouse, kaliyan Universitas Bordeaux, wonten Universitas Bordeaux mriku penjenenganipun dados profesor universitas ngantos taun 1941.[2] Nalika taun 1952, Georges Bruhat nyuwun supados Alfred wangsul dhumateng École Normale Supérieure, supados njabat dados profesor.[2]

Biografi[sunting | sunting sumber]

Penjenenganipun miyos wonten ing Guebwiller, Alsace.[3] Kastler pindah dhateng Horbourg kaliyan bibipun (saking pihak ibu) supados saged sumingkir saking perang dunya.[3] Penjenenganipun nimba kawruh kaliyan Oberrealschule saking Colmar.[3] Nalika taun 1919 Kastler punika pindah saking élmu fisika dhateng bidang pandhidhikan sastra (basa Prancis), nalika taun 1920 penjenenganipun angsal Abitur.[3]

Panjenenganipun ugi nate mlebet ing sekolah kelas matematika khusus satunggal taun laminipun, 1921-1926 panjenenganipun lulus Ecole Normale Supérieure, sasampunipun lulus dipunlajengaken ngulawentah babagan élmu fisika saking Henri Abraham kaliyan Eugene Bloch, guru-guru punika ingkang nepangaken élmu fisika atom wonten ing Fakultas Ilmu saking Universitas Paris , panjenenganipun nyinau babagan élmu fisika saking Charles Fabry, Aimé Cotton sarta Anatole Leduc nalika taun 1923, ing taun punika panjenenganipun ugi angsal idin élmu fisika sarta élmu matematika.[3] Nalika taun 1923 ngantos taun 1924 penjenenganipun ngaso saking studi amargi kesel sarta depresi.[3] Taun sasampunipun, panjenenganipun nyiapaken gelar sarjana dipunbimbing dening Georges Urbain.[3]

Nalika taun 1926 panjenenganipun dados profesor fisika ingkang kapisan wonten ing sekolah tinggi Mulhouse (1926-1927), Colmar (1927-1928) sarta Bordeaux (1928-1931).[4] Nalika taun 1931 panjenenganipun dados asisten Pierre Daure wonten ing Université de Bordeaux, penjenenganipun mbimbing mahasiswa angsal sertifikat kerja praktek (PCN sarta PCB), taun 1936 penjenenganipun nyiapaken tesis kangge doktor élmu fisika wonten ing fakultas ilmu fisika Paris. [4]

Penjenenganipun dados pamenang Bebungah Nobel Fisika nalika taun 1966 amarga penemuan kaliyan pangembangan metode optik kangge nyinauni resonansi Hertz maring atom.[5]

Penjenenganipun nate dados pimpinan dewan Institut d'optique théorique et appliquée.[5]

Kastler ugi nate nyerat gurit (ngagem basa Jerman).[5] Nalika taun 1979 panjenenganipun nyetak gurit kasebut kanthi irah-irahan Europe, ma patrie: Deutsche Lieder eines französischen Europäers (Europe, my fatherland: German songs of a French European).[5]

Laboratoire Kastler-Brossel[sunting | sunting sumber]

Kastler ca. 1967

Kauripanipun Profesor Kastler nalika penelitian menika sering dipuntelasaken kangge neliti wonten ing Ecole Normale Superieure, Paris wonten meriku penjenenganipun laksanakaken riset cilik spektroskopi sesarengan kaliyan mahasiswanipun, Jean Brossel sasampunipun yuda/perang.[6] Bebarengan kaliyan Jean Brossel, penjenenganipun neliti mekanika kuantum, interaksi wataranipun cahaya kaliyan atom, sarta spektroskopi.[6] Kastler, nyambut damel wonten ing resonansi optik kaliyan resonansi magnetik, ngembangken teknik "pompa optik".[6] Karya-karyanipun saged njangkepi teori laser kaliyan maser.[6]

Sekawan dasa taun sasampunipun, kelompok punika sampun ngulawentah fisikawan eném ingkang saged maringi mampangat dhumateng parkembangan dunya élmu fisika atom wonten ing Prancis.[6] Laboratoire de Spectroscopie hertzienne lajeng dipungantos namanipun dados Laboratoire Kastler-Brossel nalika taun 1994 ugi angsal bagiyan wonten ing laboratorium Université Pierre et Marie Curie sarta angsal École Normale Supérieure, sakpunika dados laboratorium utaminipun.

Professor Kastler tilar dunya nalika surya kaping 7 January 1984, wonten ing Bandol, Prancis.[7]

Alfred Kastler ugi dados humanis, ingkang remen kaliyan kadamaian sarta nentang senjata nuklir. Salaminipun perang wonten ing Aljazair , panjenenganipun protes amargi metode saking Comité de salut public d'Alger nalika taun 1958, apartemenipun dibakar dening OAS nalika taun 1961[8], salaminipun presiden Liga Prancis Hewan, Manusia, saniki disebut "La fondation droit animal, éthique et sciences", dipunsebut ugi Prix de biologie Alfred Kastler (atribut penghargaan biologi Alfred Kastler) kangge bebungah alternatif wonten ing bidang eksperimen hewan[9]. Georges Chapouthier nalika taun 1981, panjenenganipun kaliyan [[Michael Damian]] sarta Jean-Claude Nouet, nyerat babagan pembantaian gedhe-gedean, survei kritis saking pertanian intensif. Penyair, panjenenganipun saestunipun panulis gurit basa Jerman kanthi irah-irahan « Europe ma patrie - Deutsche Lieder eines französischen Europäers » dipuncetak dening Librairie Flinker Martin, Paris.

Cathetan Suku[sunting | sunting sumber]

  1. ^ Cithakan:Lien web Nobel
  2. ^ a b c Kastler A (October 1967). "Optical Methods for Studying Hertzian Resonances". Science 158 (3798): 214–221. Bibcode 1967Sci...158..214K. doi:10.1126/science.158.3798.214. PMID 17839496.
  3. ^ a b c d e f g http://www.fnak.fr/dn_Biographie/
  4. ^ a b Alfred Kastler [http://tel.archives-ouvertes.fr/tel-00278192/fr/ Recherches sur la fluorescence visible de la vapeur de mercure] (thèse)
  5. ^ a b c d Nobelstiftelsen (1972). Nobel Lectures, Physics 1963–1970. Amsterdam: Elsevier Publishing Company. ISBN 0-444-40993-9. http://nobelprize.org/nobel_prizes/physics/laureates/1966/kastler-bio.html.
  6. ^ a b c d e Kastler A (July 1950). "Applications of polarimetry to infra-red and micro-wave spectroscopy". Nature 166 (4211): 113. Bibcode 1950Natur.166..113K. doi:10.1038/166113a0. PMID 15439165.
  7. ^ Sullivan, Walter. "Dr. Alfred Kastler, 81, Nobel Prize-Winner, Dies", 8 January 1984. diaksès tanggal 2010-11-06. 
  8. ^ Histoire des sciences, Alfred Kastler : des atomes et des hommes, 392, Pour la Science (juin 2010), 86-89
  9. ^ Georges Chapouthier, Le prix Kastler de Biologie, Combat Nature, 1993, N° 103, p 49

Pirsani Ugi[sunting | sunting sumber]

Pranala Njawi[sunting | sunting sumber]

Logo Wikimedia Commons
Pirsani galeri bab Alfred Kastler ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Alfred_Kastler&oldid=863429"