William Shockley

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
William Shockley

Lair Cithakan:Birthdate
London, Inggris,
Britania Raya
Pati 12 Agustus 1989 (umur 79)
Stanford, California,
Amerika Serikat
Kabangsan Amerika Serikat
Institusi Bell Labs
Shockley Semiconductor
Stanford
Alma mater Caltech
MIT
Doctoral advisor John C. Slater
Misuwur amarga Coinventor of the transistor
Notable awards Nobel Kimia (1956)
Agama Ateisme

William Bradford Shockley (lair ing London, Inggris, Britania Raya, 13 Februari 1910 – tilar donya ing Stanford, California, Amerika Serikat, 12 Agustus 1989 kanthi umur79 taun) inggih punika salah satunggaling fisikawan Amerika Serikat ingkang miyos wonten ing tlatah Inggris ingkang pikantuk Hadhiah Nobel bidang Fisika sesarengan kaliyan John Bardeen lan Walter H. Brattain.[1]

Piyambakipun miyos wonten ing tlatah London saking tiyang sepuh asal Amerika Serikat ingkang wonten ing Inggris antawis pinten-pinten taun saperlu perkawis bisnis. Bapakipun inggih punika satunggaling insinyur pertambangan lan ibunipun wakil surveyor federal kanggé tanah mineral. Tiyang sepuhipun wangsul malih dhateng California nalika William taksih alit (balita). Minatipun wonten ing babagan sains tuwuh wiwit alit, lumantar pakaryan tiyang sepuhipun lan tanffa tepalihipun ingkang ngajar fisika wonten ing Stanford. Piyambakipun lulus saking CalTech nalika taun 1932 lan pikantuk gelar PhD saking MIT rikala taun 1936.[2]

Piyambakipun wiwit makarya wonten ing Laboratorium Bell. Panaliténipun wonten inng bidang fisika benda padat, mliginipun tabung vakum, damel kathah kemajuan teoretis wonten ing ancas perusahaan saperlu migunakaken tombol elektronik kanggé kantor telepon minangka gantosipun tombol mekanik ingkang taksih saged dipunginakaken dumugi wekdal punika. Sadangunipun PD II, Shockley makarya kanggé proyek militer, mliginipun ngalusaken sistem radar. Sabibaripun perang pungkasan, piyambakipun wangsul malih nliti benda padat, sakmenika ngamati semikonduktor.

Salah satunggaling sumbanganipun wonten ing bidang industri elektronika inggih punika penerapan teori kuantum wonten ing perkembangan semikonduktor. Rikala taun 1947, kaliyan kancanipun, John Bardeen lan Walter Brattain, piyambakipun damle piranti semikonduktor pengeras ingkang kapisanan. Ingkang lajeng dipunsukani nama transistor (saking tembung transfer lan resistor). Shockley damel kemajuan dwonten ing bidang punika taun 1950 ingkang damel piyambakipun langkung gampil dipunprodhuksi. Pamanggihipun ingkang orisinal, pungkasanipun damel pengembangan keping silikon. Shockley, Bardeen, lan Brattain menangakan Penghargaan Nobel bidang Fisika taun 1956 kanggé pengembangan transistor, ingkang mungkinaken piranti-piranti elektronik dipundamel langkung alit, jelas, lan langkung mirah. [3]

Piyambakipun ninggalaken Bell Labs taun 1955 lan njabat minangka profesor pengunjung lan penasihat ahli ing sajumlah perguruan tinggi lan perusahaan. Piyambakipun mbangun laboratoriumipun piyambak saperlu ngembangaken transistor lan piranti sanésipun. Ananging pungkasanipun, bisnis punika bangkrut rikala taun 1968. Nalika taun 1963, Shockley dipunangkat minangka guru besar teknik wonten ing Universitas Stanford lan ngajar dumugi taun 1975. Pengajaran damel piyambakipun mikir kathah babagan piyambakipun ngéngini proses mikir lan kados pundi pamikiran ilmiah saged dipunyingkataken. Piyambakipun nedahaken bilih masa depan penduduk kaancem amargi tiyang-tiyang ingkang kagungan IQ andhap kagunan kathah putra tinimbang tiyang-tiyang ingkang kagungan IQ inggil. Pamanggihipun pikantuk kontroversi lan kamireng rasis. Nalika tiyang-tiyang terus ngurmati prestasinipun wonten ing bidang fisika lan teknik, kathah tokoh umum lan ilmuwan ngandharaken bilih "sumbanganipun ing bidang fisika boten maringi kapitadosan ilmiah saking punapa pamanggihipun babagan genetika."[4]

Shockley nikah kaping kalih, lan kagungan kalih (2) putra lan setunggal (1) putri.

Cathetan Suku[sunting | sunting sumber]

Pranala Njaba[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=William_Shockley&oldid=835898"