I Timotius

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Layang Paulus marang Timotius I

Timotius iku sawijining wong Kristen sing isih enom ing Asia Cilik, sing wis dadi kanca lan pambiyantu Paulus ing panggawéyané Paulus. Bapané Timotius iku wong Yunani lan ibuné Yahudi. Ing Layang Paulus Sing Sepisanan Marang Timotius, diterangaké telung perkara sing ana gandhèng cènèngé siji lan sijiné.

Sing sepisanan yaiku pepènget marang Timotius marang piwulang-piwulang ala sing ana ing umat. Piwulang-piwulang iku arupa campuran paham Yahudi lan paham non-Yahudi adhedhasar kapercayan marang jagad raya wis ala, lan kaslametan mung bisa diantuki yèn wong nduwèni pengetauan ngenani wewadi tartemtu, lan netepi angger-angger kayata umpamané angger-angger bojoné mung siji, pantang mangan panganan tartemtu lan sapituruté.

Sing angka loro, yaiku pituduh-pituduh marang Timotius ngenani pangurusan umat lan ngenani ibadat. Dijelasaké marang Timotius sifat-sifat wong sing éntuk dadi panilik lan pambiyantu umat. Pungkasané Timotius diwulang ngenani kepriyé panjenengané bisa dadi murid Dalem Yesus Kristus sing becik lan ngenani tanggel waleré marang saben golongan wong sing dadi anggota umat.

Isi[sunting | sunting sumber]

  • Pambuka 1:1-2
  • Pituduh-pituduh ngenani umat lan para pangurusé 1:3--3:16
  • Pituduh-pituduh marang Timotius ngenani pegawéyané 4:1--6:21
Sumber artikel punika saking kaca situs web: "http://jv.wikipedia.org/w/index.php?title=I_Timotius&oldid=816952"