Iwak Lélé

Saka Wikipédia Jawa, bauwarna bébas abasa Jawa
Lélé

Catfish 1.jpg

Klasifikasi ngèlmiah
Karajan: Animalia (Kéwan)
Filum: Chordata
Kelas: Pisces
Ordo: Ostariophysi
Kulawarga: Clariidae
Marga: Clarias
Spesies: Siluriformes
Jeneng jinis
Lélé

Iwak lélé, iku sajinising iwak loh. Lélé awake dawa lan lunyu.

Jeneng-jeneng lélé ing Nusantara[besut | besut sumber]

Ing bumi Nusantara, iwak lélé nduwé akèh jeneng-jeneng dhaérah, ing antarane : ikan kalang (Sumatra Kulon), ikan maut (Gayo lan Aceh), ikan pintet (Kalimantan Kidul), ikan keling (Makassar), ikan cepi (Sulawesi Kidul), utawa ikan keli (Malaysia).

Banjur ing negara liya diarani mali (Afrika), plamond (Thailand), gura magura (Srilangka), ナマズ (Jepang) dan 鲇形目 (Cina). Ing basa Inggris uga diarani catfish, siluroid, mudfish lan walking catfish.

Habitat[besut | besut sumber]

Panèn lélé

Iwak lélé ora tau ditemokaké ing banyu payo utawa banyu asin, kejaba iwak lélé segara. Habitaté ana ing kali sing iliné alon, rawa, tlaga, wadhuk, lan sawah sing kekum banyu. Malahan iwak lélé bisa urip ing banyu sing reged, contoné ing pacerèn, got-got lan selokan pambuwangan.

Iwak lélé asifat nocturnal, ya iku aktif obah golèk pangan yèn bengi. Yèn awan, iwak lélé namun meneng waé lan ndelik ing papan sing peteng-peteng. Ing ngalam iwak lélé mijah ing musim rendheng.

Kagunan[besut | besut sumber]

Lélé dikembangbiakaké ing Indonésia kanggo konsumsi lan uga kanggo njaga kwalitèt banyu sing kacemar. Kerep lélé didokok ing papan sing reged-reged amarga bisa ngilangi reregedan. Anging lélé sing didokok ing papan sing reged-reged, kudu diberok dhisik sadurungé siap dikonsumsi manungsa. Diberok iku tegesé diresiki nganggo banyu mili.

Sok-sokan lélé uga didokok ing sesawahan kanggo mangan ama-ama sing ana ing kono.

Jinis-jinis sing dikembangbiakaké[besut | besut sumber]

  • Clarias batrachus, uga diarani lélé (Jawa), iwak kalang (Sumatra Kulon), iwak maut (Sumatra Lor), lan iwak pintet (Kalimantan Kidul).
  • Clarias teysmani, uga diarani lele Kembang (Sundha), Kalang putih (Sumatra Kulon).
  • Clarias melanoderma, uga diarani ikan duri (Sumatra Kidul), wais (Jawa Tengah), wiru (Sundha).
  • Clarias nieuhofi, uga diarani iwak lindi (Jawa), iwak limbat (Sumatra Kulon), iwak kaleh (Kalimantan Kidul).
  • Clarias loiacanthus, uga diarani iwak keli (Sumatra Kulon), iwak penang (Kalimantan Wétan).
  • Clarias gariepinus, uga diarani lélé Dumbo, King cat fish, asalé saka Afrika.

Uga delengen[besut | besut sumber]

Pranala jaba[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Iwak_Lélé&oldid=984016"