Nusantara

Saka Wikipédia Jawa, bauwarna bébas abasa Jawa

Nusântara, utawa sok-sokan tinulis Nuswantara ing basa Jawa, iku konsèp pulitik. Tembung iki kabangun saka rong tembung nusa (pulo) lan antara (liya). Ing konsep kanagaran Jawa, praja Karaton dibagi dadi telu:

  1. Nagara Agung
  2. Mancanagara
  3. Nusantara

Nagara Agung iku tlatah saubenging kutha krajan Karaton panggonané sang Raja maréntah. Mancanagara iku tlatah-talatah ing tanah Jawa lan saubengé sing budayané isih mèmper Nagara Agung, ing panggonané wis ing "pinggiran". Dideleng saka pojok ndeleng iki, Madura lan Bali iku tlatah "mancanagara". Saliyane iku Lampung lan uga Palembang mbok manawa isih bisa diarani "mancanagara".

Banjur Nusantara iku tlatah sajabané pangaribawa budaya Jawa, ananging (kadhang kala) isih diklaim dadi laladan jajahan ning endi para paguwasane kudu mbayar upeti.

Ing kanggonan basa modèrn, tembung "Nusantara" biasané ngarani kapulowan Asia Kidul-Wetan utawa tlatah ing ngendi budaya lan basa Austronesia dilestarèkaké. Dideleng saka pojok deleng iki, Malaysia, Filipina lan mbok manawa Taiwan uga kalebu tlatah Nusantara banjur Papuwa dudu manèh.

Uga pirsani[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Nusantara&oldid=1025793"