Loh

Loh saka basa Jawa Kuna, lwah, tegesé kali utawa ing tataran krama: lèpèn. Nanging yèn tembung loh digunakaké, lumrahé sing dikarepaké iku "iwak loh" utawa iwak sing uripé ing banyu tawa utawa banyu sing ora asin. Conto iwak loh iku antarané: lélé, guramèh utawa iwak mas.

Tembung loh uga duwé makna subur (amarga akèh banyuné) kaya kacetha ing ukara 'loh-jinawi' sing tegesé subur banget.

Kajaba iku tembung "loh" uga kerep kanggo ngarani toponimi ing tlatah Jawa Kulon, mligi cedhak Cerbon lan Dermayu, contoné Kacamatan Lohbener, ing Kabupatèn Indramayu.