Iwak bawal

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Iwak Bawal

Iwak bawal utawa colossoma macropomum ya iku iwak banyu tawa unggulan kang dibudidayakaké.[1] Sacara lumrahé iwak bawal kapérang dadi loro ya iku bawal putih lan bawal ireng nanging bawal putih kang luwih diminati karo masarakat.[1] Iwak bawal banyu tawa ing Indonésia duwé sajarah rodok béda sithik karo jinis iwak liyané. Akèh-akèhé iwak kang ana ing Indonésia bisané yèn ora didadèkaké iwak konsumsi, iwak mau didadèkaké iwak hias. Nanging iwak bawal banyu tawa malah bisa didadèkaké keloro-loroné. Nalika wektu isih cilik, iwak bawal banyu tawa didadèkaké iwak hias, nanging iwak kang wis gedhé didadèkaké iwak kang dipangan (konsumsi). Nganti saiki sak liyané didol minangka iwak hias, iwak bawal uga didol minangka iwak kang dikonsuksi. Iwak bawal didadekaké iwak hias iku wajar baé amarga dhapuré kang unik, gèpèng kaya iwak discus. Kajaba iku wernané uga apik, lan duwé sipat nggrombol yèn di-engu kanti jumlah kang akèh. Mangka saka iku iwak iki, mligi kang isah cilik, kerep di-engu ing akuarium kang dawa ing omah.[2]

Iwak bawal dadi konsumsi iku uga wajar amarga gedhené rikat lan bisa nganti ukuran (500 gram). Saka hasil percobaan lan pengalaman para wong tani, iwak bawal kang umuré 6 minggu wis bisa ngasilaké bobot 3 gram, umur 12 minggu bisa ngasilaké bobot nganti 25 gram, umur 6 wulan wis bisa dikonsumsi ya iku kanti bobot 500 gram. Ing habitaté iwak bawal bisa nganti bobot 30 kg sajeroning jumlah kang akèh.[2]

Sajarah[besut | besut sumber]

Dideleng saka asal usulé, Iwak bawal dudu iwak asli Indonésia. Nanging asalé iwak bawal saka nagari Samba, Brazil. Iwak iki digawa marang Indonésia déning para impotir iwak hias Singapura lan Brazil ing taun 1980. Saliyané Marang Indonésia, iwak bawal uga wis kasebar meh kabèh nagara. Ing saben nagara iwak iki duwé jeneng kang béda-béda. Ing Indonésia iwak iki karan bawal amarga meh padha karo bawal laut, ing Amérika lan Inggris karan red belly pacu, ing Venezuela karan cachama. Ing nagara asalé iwak bawal karan tambaqui. Anata jeneng ngèlmiahé ya iku Colossoma macropomum.[2]

Kandutan[besut | besut sumber]

Kandutan gizi kang ana ing iwak bawal ya iku:

  1. Omega 3, Kanggo pertumbuhan utek ing janin lan wigati kanggo perkembangan fungsi sarap bayi.[3]
  2. Ngandut serat protéin kang cendak saéngga gampang dicerna.[3]
  3. Vitamin A sajeroning lenga ati iwak kanggo nyegah lelara wuta.[3]
  4. Vitamin B12, kanggo pembentukan sèl darah abang, mbantu metabolisme lemak, lan nglindungi jantung uga rusaké sarap.[3]
  5. Flour kanggo nguataké lan nyéhataké untu anak.[3]

Cathetan sikil[besut | besut sumber]

  1. a b ikan-ikan bawal, Kaunduh 2/10/2012.
  2. a b c ikan-ikan bawal, (kaunduh 3/11/12).
  3. a b c d e kandungan ikan kaya akan manfaat, Kaunduh 11/10/12.