Akuarium

Saka Wikipédia Jawa, bauwarna bébas abasa Jawa
Akuarium ing kebon kéwan Brisbol

Akuarium ya iku salah sawijiné vivarium. Biyasané digawé saka bahan kang transparan kang digawé saka gelas utawa plastik.[1] Bahan kang kanggo nggawé akuarium kalebu bahan kang kuwat supaya ora gampang pecah.[1]

Akuarium biyasané kanggo wadhah kéwan lan tanduran banyu kaya ta iwak.[1] Saliyané iwak uga kena kanggo wadhah invertebrata, amfibi, mamalia laut lan reptil).[1] Akuarium uga bisa dadi musiyum iwak ing panggonan-panggonan wisata.[1] Ngingoni iwak ing akuarium kalebu hobi kang misuwur.[1]

Akuarium kang sepisanan digawé ing London, Inggris.[1] Akuarium iki digawé ing taun 1853.[1] Sawisé iku teknologi kang kanggo nggawé akuarium uga saya canggih saéngga ditemokaké sistem panyaringan lan panerangan arupa lampu-lampu lan hiasan ing akuarium.[1]

Piranti[besut | besut sumber]

Kompa udara akuarium arupa piranti kanggo nglebokaké udara menyang njero banyu akuarium liwat difuser, saéngga hawa pecah dadi glembung-glembung cilik.[2] Glembung-glembung iki nambah kadhar oksigen ing banyu.[2]

Alat iki digawé saka logam.[2] Wanguné kaya kothak segi papat kang pérangan dhasaré rada nongol mengarep.[2] Ing pérangan mburi dipasang kabel listrik.[2] Nalika piranti iki digunakaké, kabel listrik iku dihubungaké menyang sumber listrik.[2] Ing tengah-tengah pérangan ngarep ana rodha kang digawé saka plat logam kang wujudé bunder.[2] Nalika dihubungaké karo arus listrik, rodha iki banjur mubeng lan ngobahaké kompa kang manggon ing sisihé.[2] Ing ngarep kompa ana pipa logam kang cacahé loro.[2] Pipa kang sijiné gunané kanggo ngisep udara lan pipa kang sijiné manèh kanggo ngetokaké udara nalika akuarium diuripké kanthi dihubungaké ing listrik.[2]

Pranala njaba[besut | besut sumber]

Cathetan sikil[besut | besut sumber]

  1. ^ a b c d e f g h i tamanmini.com(diaksès tanggal 29 Juni 2011)
  2. ^ a b c d e f g h i j seaworldindonesia.com(diaksès tanggal 29 Juni 2011)