Iwak lodan

Saka Wikipédia Jawa, bauwarna mardika basa Jawa
Jump to navigation Jump to search
Iwak Lodan
Kalamangsa: 50–0 Ma
Eocene – saiki
Humpback stellwagen edit.jpg
Humpback whale
Klasifikasi ngèlmiah
Karajan: Animalia
Filum: Chordata
Klas: Mamalia
Subklas: Eutheria
Ordho: Cetacea

Iwak lodan utawa iwak paus iku sajenis mamalia kang urip ing laut. Sanadyan ing basa Indonésia paus asring karan "iwak paus", paus sajatiné ora kagolong ing kulawarga iwak. Kaya kéwan mamalia liyané, iwak paus nduwé ciri-ciri:

  • ambegan liwat paru-paru
  • nduwé wulu awujud rambut (sithik, mèh ora ana ing paus diwasa)
  • nduwé getih panas
  • nduwé klanjer susu.
  • nduwé jantung patang bilik

Iwak paus purba évolusi ing tengahing jaman Eocene, kira-kira 50 yuta taun kapungkur. Salah siji paus paling ndhisik kang wis cures ya iku Basilosaurus kang ndhasé cilik kanthi moncong nonjol lan nduwé untu. Dawané Basilosaurus watara 25 mèter.

Fosil nedahaké yèn paus asalé saka kéwan dharatan mawa kuku, mungel saka kéwan kaya Mesonychid (kéwan kaya sregala kang manggon ing pasisir) kang suwé-suwé bali manggon ing laut watara 50 yuta taun kapungkur. Siji manèh kamungelan kéwan liya kang malèh dadi paus, ya iku Ambulocetus, mamalia saukuran asu laut, dawané 3 mèter boboté 325 kilogram.

Saiki, ana rong jinis paus, ya iku iwak paus Odontoceti, paus nduwé untu, lan iwak paus Baleen, Mysticeti. Iwak paus Odontoceti kang nduwé untu wujud pamangsa kang mangan iwak, sotong, lan mamalia laut, duwé bolongan ambegan siji. Iwak paus balin ukurané luwih gedhé tinimbang iwak paus Odontoceti lan duwé struktur kang dikenal minangka balin kang awujud sikat. Struktur iki migunani kanggo nyaring plankton ing banyu. Iwak Paus Balin nduwé bolongan ambegan loro.