Elias Canetti

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Elias Canetti, Panarima Penghargaan Nobel bidang Literatur
Watu nisan Canetti ing Zürich, Swiss

Elias Canetti (Rousse, Bulgaria, 25 Juli 190514 Agustus 1994, Zurich) inggih punika salah satunggaling novelis ingkang miyos wonten ing Bulgaria, ingkang nyerat wonten ing basa Jerman lan pikantuk Penghargaan Nobel bidang Sastra nalika taun 1981.[1]

Pagesangan[sunting | sunting sumber]

Elias Canetti inggih punika putra mbarep kulawarga pedagang Yahudi wonten ing Rustchuk (sakmenika Rousse). Nenek moyangipun inggih punika tiyang Yahudi Sephardim ingkang dipunusir saking Spanyol nalika taun 1492. Nama asli kulawarganipun inggih punika Cañete, ingkang dipunpendhet saking nama sawijining desa wonten ing Spanyol. Elias nglampahi masa alitipun saking taun 1905 dumugi taun 1911 wonten ing Rustschuk dumugi kulawarganipun pindhah dhateng Inggris, amargi pakaryan bapakipun. Nalika taun 1912 bapakipun tilar donya, lan ibunipun pindhah kaliyan putra-putranipun dhateng Wina wonten ing taun ingkang sami.[2] Wekdal punika, Canetti sampun sinau Basa Ladino (basa ibunipun), basa Bulgaria, basa Inggris lan sekedhik basa Perancis (piyambakipun sinau kalih basa pungkasan wonten ing setunggal taun nalika taksih wonten ing Inggris). Ananing, gesang wonten ing Wina wiwit umur 7 taun, piyambakipun migunakaken basa Jerman (dipunajaraken déning ibunipun) minangka basa utamanipun. Ing wuri, kulawarganipun pindhah-pindhah, wiwit (saking taun 1916 dumugi taun 1921) dhateng Zürich lajeng (dumugi taun 1924) dhateng Jerman, ing mrika Canetti lulus saking SMA.[3]

Salah satunggaling studi ingkang paling saé babagan gesang lan karya Canetti dipuntindakaken déning psikoanalis Perancis Dr. Roger Gentis [1], "La folie Canetti", terbit oleh Maurice Nadau di Paris.

Karya[sunting | sunting sumber]

  • Die Hochzeit (Palakrama, drama, 1932)
  • Komoedie der Eitelkeit 1934 (Komedi Kesia-siaan)
  • Die Blendung 1935 (Auto-da-Fe, novel, terj. Inggris 1946)
  • Die Befristeten 1956 (pertunjukan kapisanan dramanipun ing Oxford) (Dinten-dinten ingkang sampun Dipunétang)
  • Masse und Macht 1960 (Massa lan Kekiyatan, sawijining studi, terj. 1962, terbit ing Hamburg)
  • Aufzeichnungen 1942-1948 1965 (Sketsa)
  • Die Stimmen von Marrakesch terbit 1968 déning Hanser ing München (Swara-swara saking Marrakesh, cathetan lelampahan, terj. 1978)
  • Der andere Prozess 1969 Kafkas Briefe an Felice (Pengadilan Kafka Sanésipun, terj. 1974).
  • Hitler nach Speer (esai)
  • Die Provinz des Menschen Aufzeichnungen 1942-1972 (Provinsi Manungsa, terj. 1978)
  • Der Ohrenzeuge. Fuenfzig Charaktere 1974 (Saksi Talingan:Sèket Tokoh, terj. 1979).
  • Das Gewissen der Worte 1975. Esai (Nurani Tembung-tembung)
  • Die Gerettete Zunge 1977 (Pangucap ingkang Dipunbebasaken, memoir, terj. 1979)
  • Die Fackel im Ohr 1980 Lebensgeschichte 1921-1931 (Obor ing Talinganku, memoir, terj. 1982)
  • Das Augenspiel 1985 Lebensgeschichte 1931-1937 (Dolanan Mripat, memoir, terj. 1990)
  • Das Geheimherz der Uhr: Aufzeichnungen 1987 (Tyas Rahasia Jam, terj. 1989)
  • Die Fliegenpein (Pesakitan Laler-Laler, 1992)
  • Nachträge aus Hampstead (Cathetan saking Hampstead, 1994)
  • Party im Blitz; Die englischen Jahre 2003 (Pesta ing Blitz, memoir, terbit kanthi anumerta, terj. 2005)
  • Aufzeichnungen für Marie-Louise (written 1942, dipunsusun lan dipunterbitaken kanthi anumerta, 2005)

Cathetan Suku[sunting | sunting sumber]

Pranala Njaba[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=Elias_Canetti&oldid=836405"