Ivan Bunin

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ivan Bunin
Ivan Bunin (sepia).jpg
Lair {{{birth_date}}}
Pagawéan Panulis Cerkak
Kabangsan Rusia

Ivan Alekseyevich Bunin (Ива́н Алексе́евич Бу́нин) (lair ing Voronezh, Kekaisaran Rusia, 22 Oktober 1870 – tilar donya ing Paris, Perancis, 8 November 1953 kanthi umur83 taun) inggih punika salah satunggaling penulis Rusia ingkang pisanan pikantuk Penghargaan Nobel bidang Sastra. Tekstur puisi-puisi lan cariyos-cariyosipun, ingkang kadang kala dipunsebut minangka "brokade Bunin," inggih punika salah satunggaling ingkang paling sugih wonten ing basa Rusia. Karya fiksinipun ingkang pungkasan Lorong-lorong Peteng (1943), saged dipunminangkani minangka kempalan cariyos cekak abad 20 ingkang paling kathah dipun waos wonten ing tlatah Rusia.[1]

Pagesangan awal[sunting | sunting sumber]

Bunin miyos wonten ing papan dunungipun tiyang sepuhipun wonten ing provinsi Voronezh ing Rusia tengah. Piyambakipun asal saking sawijining kulawarga "tuan tanah" lan ingkang kagungan sajumlah petani ingkang sampun turun temurun, ananging simbah kakung lan bapakipun méh nelasaken sedaya kasugihanipun.[2]

Ivan diunkirim dhateng sekolah negeri wonten ing Yelets rikala taun 1881, ananging kedah wangsul malih dhateng griyanipun udakawis 5 taun salajengipun. Kakangipun, ingkang nglampahi pendidikan wonten ing universitas, maringi pitedah suados Ivan maos buku-buku klasik Rusia lan sinau ngarang.

Nalika yuswanipun ngancik 17 taun, piyambakipun nerbitaken puisinipun ingkang kapisanan rikala taun 1887 wonten ing satunggaling majalah sastra St. Petersburg. Kempalan puisinipun ingkang kapisanan, Listopad (1901), pikantuk sambutan ingkang saé saking para kritik. Éwadéné puisi-puisinipun wonten ingkang ngendika nglajengaken tradhisi para penyair Parnasia abad 19, ingkang nglebet sanget babagan mistik timur lan kebak kaliyan epitet-epitet ingkang luar biasa lan kapilih kanthi premati. Vladimir Nabokov inggih punika salah satunggaling tiyang ingkang remen sanget kaliyan puisi-puisi Bunin, lan mbandingaken Bunin kaliyan Alexander Blok, ananging piyambakiipun boten remen kaliyan prosanipun. [3]

Wonten ing taun 1889, piyambakipun ndhérékaken sadhérékipun dhateng Kharkov, lan wonten ing mrika Bunin dados satunggaling pegawé pamaréntah, pembantu editor wonten ing salah satunggaling surat kabar wonten ing mrika, pustakawan, lan pegawé statistik pangadilan. Piyambakipun ugi wiwit ngawontenaken korespondensi kaliyan Anton Chekhov, lan nyambung talining kekancan kaliyan piyambakipun. Bunin ugi kagungan hubungan ingka radi tebih kaliyan Maxim Gorky lan Leo Tolstoy.

Wonten ing taun 1891, Bunin nerbitaken cerkakipun ingkang kapisanan, "Sketsa Padesan" wonten ing satunggaling jurnal Sastra. Sawetawis wekdal, piyambakipun pindhah saking nyerat puisi dhateng nyerat cerkak. Sapérangan novelaipun ingkang kapisanan ingkang pikantuk sambutan inggih punika "Wonten ing Landhang," "Pawarta saking Kampung," "Dhateng Pucuk Donya," "Apel-apel Antonov," lan "Priyantun Kakung saking San Francisco." Ingkang pungkasan punika minangka karyanipun ingkang paling representatif lan dipunterjemahaken dhateng basa Inggris déning D. H. Lawrence.[4]

Bunin piyambak minangka salah satunggaling penerjemah ingkang misuwur. Karya terjemahanipun ingkang paling kawéntar inggih punika karangan Longfellow "Nyanyian Hiawatha". Kanggé penerjemahan punika Bunin pikantuk Penghargaan Pushkin nalika taun 1903. Bunin ugi nindakaken sajumlah terjemahan saking karya-karya George Gordon Byron, Baron Byron kaping 6 (Byron), Alfred Tennyson, Baron Tennyson kaping 1 (Tennyson), lan Alfred de Musset. Nalika taun 1909, Bunin kapilih dados anggota Akademi Rusia.


Cathetan Suku[sunting | sunting sumber]

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Ivan_Bunin&oldid=836588"