Camilo José Cela

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pengarang Spanyol Camilo José Cela

Don Camilo José Cela Trulock, Markis saking Iria Flavia (basa Spanyol: Don Camilo José Cela Trulock, marqués de Iria Flavia) (lair ing Galicia, Spanyol, 11 Mei 1916 – tilar donya ing Madrid, Spanyol, 17 Januari 2002 kanthi umur85 taun) inggih punika salah satunggaling panulis Spanyol ingkang kagungan pangaruh lan minangka salah satunggaling anggota Generasi '50.

Biografi[sunting | sunting sumber]

Sadéréngipun dados penulis profesional, Cela sinau wonten ing Universitas Madrid, lan ing mrika piyambakipun sekedhap ugi nyobi sinau ilmu hukum. Piyambakipun ugi perang wonten ing Perang Sadérék Spanyol wonten ing pihak Franco, dumugi piyambakipun sakit parah amargi kénging granat nyasar lan kanthi mekaten tugas dinasipun ugi pungkasan. Sabibaripun perang, Cela ngabdikaken dhiri wonten ing donya surat kabar lan makarya wonten ing bidang ingkang sipatipun birokratis. Nalika taun 1944 piyambakipun palakrama kaliyan Rosario Conde Picavea lan kagungan satunggling putra, Camilo José Cela Conde, nalika taun 1946.[1]

Cela nerbitaken novelipun ingkang kapisanan, La Familia de Pascual Duarte (Kulawarga Pascual Duarte), nalika piyambakipun ngancik yuswa 26 taun. Karya Cela ingkang paling misuwur, La Colmena (Sarang) dipunterbitaken nalika taun 1951, ingkang nampilaken langkung saking 300 tokoh lan gaya ingkang ningalaken pangaruh saking realisme Spanyol (tuladha paling saé déning Miguel de Cervantes lan Benito Pérez Galdós) sarta para pengarang kontemporer basa Inggris lan Perancis, kadosta Sartre lan Joyce. Gaya khas Cela — bentuk realisme ingkang sarkastik, lan asring anéh— dipuntuladhakaken wonten ing La Colmena. Prelu ugi dipuncathet bilh, kados déné kaliyan karya-karya ingkang sanés wonten ing periode punika, La Colmena ingkang kapisanan dipunterbitaken wonten ing Argentina, amargi pamaréntaha Generalísimo Franco ingkang kagungan afiliasi dkaliyan Gereja Katolik nglarangipun, amargi wosipun ingkang dipun anggep imoral.[2]

Saking akhir taun 1960-an, kanthi penerbitan San Camilo 1936, karya Cela dados samsaya eksperimental. Nalika taun 1988, tuladhanipun, Cela nyerat Cristo versus Arizona (Kristus nglawan Arizona), ingkang nyariosaken cariyos babagan paprangan wonten ing OK Corral wonten ing satunggaling ukara ingkang dawanipun langkung saking 100 kaca. [3]

Nalika taun 1957 Cela dipunangkat dados anggota Real Academia Española. Cela ugi dipunangkat dados Marquis Iria Flavia déning Raja Juan Carlos I.

Penghargaan[sunting | sunting sumber]

  • Penghargaan Pangeran Asturias bidang Sastra, 1987
  • Penghargaan Nobel bidang Sastra, 1989
  • Penghargaan Cervantes, 1995

Karya-karya wigati[sunting | sunting sumber]

Novel[sunting | sunting sumber]

  • La familia de Pascual Duarte (Kulawarga Pascal Duarte) (1943)[4]
  • Pabellón de reposo (Papan Ngaso) (1943)
  • Nuevas andanzas y desventuras de Lazarillo de Tormes (Petualangan lan Kemalangan Énggal Lazarillo de Tormes) (1944)
  • Viaje a la Alcarria (Lelampahan dhateng Alcarria) (1948)
  • La colmena (Sarang) (1953)
  • Mrs. Caldwell habla con su hijo (Ny. Caldwell Ngendika kaliyan Putra Kakungipun) (1952)
  • La catira (Si Rambut Pirang) (1955)
  • Tobogán de hambrientos (1962)
  • Izas, rabizas y colipoterras (1964)
  • Diccionario secreto (Kamus Rahasia) (I, 1968; II, 1971)
  • San Camilo 1936 (1969) San Camilo, 1936 dipunterbitaken déning Duke University Press 1991
  • Oficio de tinieblas 5 (1973)
  • Mazurca para dos muertos (Mazurka kanggé Kalih Tiyang ingkang Séda) (1983)
  • Nuevo viaje a la Alcarria (Lelampahan Énggal dhateng Alcarria) (1986)
  • Cristo versus Arizona (Kristus nglawan Arizona) (1988)
  • Madera de Boj(1999) Boxwood nerbitaken New Directions 2002

Puisi[sunting | sunting sumber]

  • Pisando la dudosa luz del día (Nglangkahi Cahya Siyang ingkang Ngragukaken) (1945)
  • Poesía completa (Puisi Jangkep) (1996)

Non fiksi[sunting | sunting sumber]

  • Diccionario secreto (Kamus Rahasia) (I: 1968, II: 1971)

Cathetan Suku[sunting | sunting sumber]

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Camilo_José_Cela&oldid=836442"