Harry Martinson

Artikel pelatihan Papat Limpad 2012 punika perlu dipunrapèkaken supados miturut dhumateng standhar Wikipédia (28 Pebruari 2013) Ngrapèkaken artikel saged arupi mérang artikel ing paragraf utawi, Wikifikasi Artikel, maringi kategori, gambar, pranala interwiki, tandha diakritik lan ndandosi basa ingkang taksih campuran (krama/ngoko lan basa ngamanca). Saksampunipun dipunrapèkaken, nyuwun supados panitya utawi pangurus busek pesen punika.(Peserta pelatihan boten kénging mbusek pesen punika).

Harry Edmund Martinson

Harry Edmund Martinson (6 Mei 1904 – 11 Februari 1978) inggih punika salah satunggaling pengarang lan penyair. Nalika taun 1949 piyambakipun kapilih dhateng Akademi Swedia. Harry dipunanugrahi Penghargaan Nobel bidang Sastra sesarengan kaliyan kancanipun, Eyvind Johnson nalika taun 1974. Pilihan kanggé Eyvind Johnson lan Harry Martinson medalaken kontroversi amargi kekalihipun minangka panelis Nobel. Kekalihipun lan Harry Graham Greene, Saul Bellow lan Vladimir Vladimirovich Nabokov inggih punika calon ingkang dados nominasi wonten ing taun punika.

Pagesangan

Martinson miyos wonten ing Jämshög, wonten ing daerah Blekinge, Swedia barat daya. Nalika taksih timur piyambakipun kelangan tiyang sepuhipun, ingkang sabibaripun punika, Harry dumunung wonten ing padesan Swedia minangka anak pungut (Kommunalbarn). Wonten ing umur 16 taun, Martinson tindak, lan nitih kapal ing pundi wonten ing taun-taun salajengipun piyambakipun nglilingi donya, ngunjungi negeri kados Brazil lan India.

Sawetawis taun candhakipun, perkawis paru-paru maksa Harry "mendarat" wonten ing Swedia. Taun-taun candhakipun dipuntelasaken nglilingi Swedia tanpa pedamelan ingkang tetep, nalika punika gesang minangka pangembara ing margi-margi desa. Wonten ing kutha Malmö, piyambakipun dipuntangkep kanthi tudhuhan gelandangan, wonten ing yuswa 21 taun.

Nalika taun 1929, piyambakipun miwiti debut minangka penyair. Sesarengan kaliyan Artur Lundkvist, Gustav Sandgren, Erik Asklund lan Josef Kjellgren, piyambakipun ngarang Fem unga, ingkang ngenalaken modernisme Swedia. Puisinipun nggabungaken sesawangan katresnan babagan alam ingkang inggil kanthi pangraos humanisme ingkang saéstu. Kasuksesanipun minangka novelis dhateng kaliyan otobiografinipun Nässlorna blomma nalika taun 1935 babagan perkawis awrat ingkang dipunadhepi satunggaling laré jaler wonten ing pedalaman, ingkang wiwit paluncuranipun sampun dipunterjemahaken wonten ing 30 basa.

Antawis taun 1929-1940 piyambakipun palakrama kaliyan penulis Moa Martinson. Harry ingkang sensitif pikantuk kritik wonten ing hadhiah Nobel taun 1970-an ingkang awrat dipunilangaken. Piyambakipun lajeng bunuh dhiri kanthi lading (peso) wonten ing Griya Sakit Karolinska, Stockholm nalika taun 1978.

Péngetan 100 taun miyosipun dipunpéngeti wonten ing sedaya tlatah ing Swedia nalika taun 2004.

Bibliografi

Novel Vägen till Klockrike Nässlorna blomma Vägen ut

Esai Svärmare och harkrank Midsommardalen Det enkla och det svåra Utsikt från en grästuva Verklighet till döds Den förlorade jaguaren Resor utan mål

Sajak Spökskepp Harry Martinson:Nomad Passad Cikada Aniara Gräsen i Thule Vagnen Dikter om ljus och mörker Tuvor

Drama radio Harry Martinson:Gringo Salvation Lotsen från Moluckas

Drama panggung Tre knivar från Wei

Mazmur De blomster som i marken bor

Pranala Njaba

• Harry Martinson
• A translators look at Flowering Nettles Swedish book review
• Harry Martinson's Photo & Gravesite