Dhéwan Ékonomi lan Sosial PBB

Saka Wikipédia Jawa, bauwarna mardika basa Jawa
  United Nations Economic and Social Council
 

The room of the United Nations Economic and Social Council. UN headquarters, New York
Tipe Organisasi Primary Organ
Akronim ECOSOC
Pamimpin President of ECOSOC (one year term)
As of 2007
Dalius Čekuolis[1]
 Lithuania
Status Active
Madeg 1945
Website www.un.org/docs/ecosoc
Wikimedia
Commons
Commons:Category:United Nations Economic and Social Council United Nations Economic and Social Council
Portal Portal:United Nations United Nations Portal

Dewan Ékonomi lan Sosial (ECOSOC) Perserikatan Bangsa-Bangsa tugasé mbantu Sidang Umum PBB sajeroning upaya ngundhakaké kerjasama lan pangyasa ékonomi lan sosial international. ECOSOC duwé 54 anggota, kabèh pinilih déning Sidang Umum PBB kanggo mangsa kalungguhan telung taun. Présidhèn ECOSOC dipilih kanggo mangsa setahun lan dipilih saka wakil nagara-nagara cilik lan madya. ECOSOC nganakaké patemon setaun pisan ing sasi Juli sajeroning patang minggu. Wiwit taun 1998, ECOSOC nganakaké patemon liya saben April karo Mantri-mantri Kauangan kang mimpin komite kunci saka Bank Donya lan International Monetary Fund (IMF). Pisah saka badan kusus kang dikoordinir, fungsi ECOSOC kalebu bab ngumpulaké informasi, mènèhi pamrayoga marang nagara anggota, lan nggawé rekomendhasi. Saliyané iku, ECOSOC uga wigati tumrap nyelarasaké kawicaksanan lan koordinasi fungsi-fungsi kang tumpang tindhih ing badan-badan ngisoran PBB lan ing peran iki ECOSOC aktif banget.

Présidhèn ECOSOC[besut | besut sumber]

Présidhèn ECOSOC ya iku Dalius Čekuolis, saka Litowen. Présidhèn ECOSOC dipilih kanggo mangsa setahun lan dipilih saka wakil nagara-nagara cilik lan madya.

Reformasi[besut | besut sumber]

Owah-owahan Piagam PBB ingkang ngowahi Bab X Piagam PBB, anggota ECOSOC ditambah, wiwitané 18 dadi 27 anggota ing taun 1965, lan dadi 54 anggota ing taun 1971.

Sajeroning sajarah, ECOSOC mligi minangka wahana dhiskusi kanggo bab ékonomi lan sosial. ECOSOC mung duwé kakuwasan sithik kanggo nglaksanakké sawijining langkah tindhakan lan sawatara nagara anggota ngrasa yèn pigunané mung marginal utawa sethithik banget. Sanajan mangkono, wiwit taun 1992, Amérikah Sarékat lan nagara-nagara liyané miwiti upaya supaya ECOSOC luwih relevan kanthi nguwataké kawicaksané ngenani tanggung jawab bab ékonomi, sosial lan babagan kang magepokan, mligi sajeroning nerusaké sasaran-sasaran pangyasa.

Reformasi mau ndadèkaké ECOSOC pembina (oversight) lan badan panata kawicaksanan kanggo aktivitas pangyasa operasional PBB lan badan èksekutif (cilik) kanggo Program Pangyasa PBB UNDP, UNFPA, lan UNICEF kang mènèhi agènsi-agènsi mau paugeran operasi lan ngundhakaké manajemen. Reformasi mau uga mènèhi kakuwatan marang ECOSOC supaya agènsi-agènsi PBB nganakaké koordinasi sajeroning ngayahi tugasé bab sing dadi kawigatèn umum, kaya déné pananggulangan narkotika, hak azasi manungsa, pangentasan kemelaratan, lan pencegahan HIV/AIDS.

Siji kasil positif saka reformasi ya iku carané sistem pangyasa PBB wiwit merèspon kanthi luwih padhu (coherent) lan efisièn marang krisis kamanungsan ing saindhenging donya. Reformasi kang diprakarsai déning Sekretaris Jenderal PBB Annan wis kasil mènèhi owah-owahan kang wigati tumrap terus nguwataké koordinasi antarané agènsi-agènsi kang ngayahi tugas kamanungsan.

Salah sijiné conto ya iku kaputusan ECOSOC ing taun 1994 kang mènèhi kakuwasan kanggo nggawé sawijining program PBB gabungan lan disponsori bareng-bareng kanggo nanggulangi HIV/AIDS. Program iki (UNAIDS) nggabungaké sumber daya lan ahli kang magepokan karo HIV/AIDS saka WHO, UNICEF, UNDP, UNFPA, UNESCO, lan Bank Donya sajeroning program global kang nyawiji, ngilangaké duplikasi lan ngundhakaké kaprigelan nagara-nagara anggota kanggo ngatasi wabah AIDS. Program iki diwiwiti ing sasi Januari 1966.

Komisi komisi fungsional[besut | besut sumber]

Komisi Regional[besut | besut sumber]

Agènsi Kusus[besut | besut sumber]

Badan Khusus minangka organisasi otonom sing kerja bareng karo Perserikatan Bangsa-Bangsa lan saben liyane, antara liya liwat mesin koordinasi Dewan Ekonomi lan Sosial.

Réferènsi[besut | besut sumber]

Uga delengen[besut | besut sumber]

Pranala njaba[besut | besut sumber]