IMF

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Markas Dana Monetèr Internasional

Dana Monetèr Internasional utawa International Monetary Fund (IMF) iku organisasi internasional sing duwé tanggel waler ngatur sistem finansial global lan nyawisaké silihan marang nagara anggotané kanggo mbiyantu masalah-masalah kaimbangan neraca kauangan saben nagara. Salah siji misiné ya iku mbiyantu nagara-nagara sing ngalami kangèlan ékonomi sing serius, lan minangka opahé, nagara kasebut diwajibaké nglakoni kawicaksanan-kawicaksanan tinentu, umpamané privatisasi badan usaha darbèké nagara.

Negara-nagara anggota PBB sing ora dadi anggota IMF ya iku Korea Lor, Kuba, Liechtenstein, Andorra, Monako, Tuvalu lan Nauru.

Latar Wingking[sunting | besut sumber]

Lembaga iki kawiwitan nalika PBB nyeponsori Konferensi Kauangan lan Monetèr ing Bretton Woods, New Hampshire, Amérika Sarékat tanggal 22 Juli, 1944. Artikel ngenani Prajanjian IMF lumaku wiwit 27 Desember 1945, lan organisasi IMF kabentuk ing wulan Mei 1946, minangka bagéyan saka rencana rékonstruksi pasca Perang Donya II lan miwiti operasi finansial ing tanggal 1 Maret 1947.

Lembaga iki, bebarengan Bank kanggo Penyelesaian Internasional lan Bank Donya, asring uga disebut minangka institusi Bretton Woods. Katelu institusi iki nemtokaké kawicaksanan monetèr sing diiloni déning mèh kabèh nagara-nagara sing nduwèni ékonomi pasar. Sawijining nagara sing pengin silihan saka IMF, kaistiméwaan BIS sarta silihan pambangunan Bank Donya, kudu nyarujuki syarat-syarat sing ditemtokaké déning katelu institusi iki.

Pimpinan IMF[sunting | besut sumber]

Daftar managing director IMF:

Mei 1946-6 Mei 1951 Camille Gutt Belgia
Agustus 1951-Oktober 1956 Ivar Rooth Swedia
Desember 1956-5 Mei 1963 Per Jacobsson Swedia
1 September 1963-1 September 1973 Pierre-Paul Schweitzer Prancis
1 September 1973-17 Juni 1978 Johannes Witteveen Walanda
17 Juni 1978-16 Januari 1987 Jacques de Larosière Prancis
16 Januari 1987-14 Februari 2000 Michel Camdessus Prancis
1 Mei 2000-4 Maret 2004 Horst Köhler Jerman
4 Maret 2004-4 Mei 2004 Anne Krueger Amérika Sarékat -sauntara-
4 Mei 2004-saiki Rodrigo Rato Spanyol

Kritik[sunting | besut sumber]

Peran katelu institusi Bretton Woods wis dadi kontrovèrsi kanggo akèh pihak wiwit pèriodhe Perang Dingin. Para kritikus nganggep yèn para panggawé kawicaksanan ing IMF sacara sengaja ndhukung diktator militer kapitalis sing nduwé sikap kekancan karo perusahaan-perusahaan Amérika lan Éropah. Para kritikus uga nganggep IMF ora perduli marang dhémokrasi, hak asasi manungsa lan hak-hak buruh. Kritik-kritik iki uga sacara ora langsung marakaké timbulé gerakan antiglobalisasi. Sabagéyan liyané nduwèni anggepan IMF ora duwé power sing cukup kanggo dhémokratisasikaké nagara sing duwé dhaulat, lan uga ora nduwèni power kanggo ndhukung stabilitas finansial. Para kritikus sing ndhukung IMF duwé pendhapat yèn kastabilan ékonomi diperlokaké sadurungé anané dhémokrasi.

Para pakar ékonomi ngritik pola pawènèhan bantuan finansial sing mesthi dièmbèl-èmbèli "syarat", kalebu uga Structural Adjustment Programmes. Syarat-syarat iki mudhunaké kastabilan sosial, sing uga ateges nyendhet tujuan-tujuan IMF. IMF matesi perékonomian nagara donya ngrembaka knthi cara nentang pangembangan infrastruktur lan njaluk nagara iku kanggo urip kanthi standar sing asor.

Pranala njaba[sunting | besut sumber]


Sumber artikel punika saking kaca situs web: "https://jv.wikipedia.org/w/index.php?title=IMF&oldid=967528"